1 USamuyeli 12:3 - iBhayibhili Elingcwele 1978

³ Sengikhonake; fakazani ngami phambi kweNkosi uNkulunkulu logcotshiweyo wayo. Ngubani engimthathele inkabi yakhe, loba ubabhemi wakhe na? Ngikhohlise bani na? Ngicindezele bani na? Ngiwamukele kubani umvuzo wokuthengwa ukuze ngivale amehlo ami ngawo na? Ngitshelani, ngizakukubuyisela kini.

IBhayibhili Elingcwele LesiNdebele

³ Ngikhonapha. Fakazani okubi ngami phambi kukaThixo logcotshiweyo wakhe. Ngubani engake ngathatha inkabi yakhe na? Ngubani engake ngathatha ubabhemi wakhe na? Ngubani engake ngamqilibezela? Ngubani engake ngamncindezela na? Kukwezikabani izandla engake ngamukela isivalamlomo ukuba ngivale amehlo ami na? Nxa ngake ngenza okunye kwalokhu, ngizakubuyisela.”

1 USamuyeli 12:3 ပူးပေါင်းရင်းမြစ်များ

2 USamuyeli 22:22

Ngoba ngizilondolozile indlela zeNkosi, kangimukanga kuNkulunkulu wami ngokubi.

UNehemiya 5:11

Babuyiseleni abantu lamhlanje amasimu abo, lezivini zabo, lezihlahla zabo zamaoliva, lezindlu zabo, liyekele lokuthatha inzuzo yemali leyamabele leyewayini leyamafutha ebeliyizuza kubo.

AmaHubo 15:5

ongabolekisi imali yakhe ukuze azuze umvuzo, longamukeli umvuzo ngongelacala. Owenza lezizinto kayikunyikinywa kuze kube nininini.

U-Eksodasi 20:17

Ungabi lamhawu ngendlu kamakhelwana wakho, lomkakhe, lenceku yakhe, lencekukazi yakhe, lenkabi yakhe, lobabhemi wakhe, langolunye ulutho lwakhe.

U-Eksodasi 22:4

Uba okwebiweyo kufunyaniswa kuye kusaphila, loba kuyinkabi loba kungubabhemi ingabe kuyimvu, uzahlawula kuphindwe kabili.

U-Eksodasi 23:8

Kawuyikwamukela isiphiwo, ngoba isiphiwo siphumputhekisa ababonayo, sonakalise indaba yabalungileyo.

Izaga 15:27

Ozuza inzuzo embi wehlisela inkathazo phezu komuzi wakhe, ozonda umvuzo wokuthengwa uzakuphila.

ULevi 6:4

kuzakuthi nxa esenza njalo, abe lecala, uzabuyisa lokho akuphangileyo, loba lokho owakuzuza ngokucindezela, loba lokho okwanikezwa kuye ukuba akulondoloze, loba lokho obekulahlekile akufumeneyo,

ULevi 6:5

ingabe okunye akhulume amanga ngakho; kakubuyise konke, engezelele okwesihlanu kukho, amnike lowomuntu okungokwakhe ngosuku avuma ngalo icala lakhe.

AmaNani 16:15

UMose wathukuthela kakhulu, wathi eNkosini: Ungananzi umnikelo wabo. Kangithathanga loyedwa wabobabhemi babo; futhi kangilimazanga muntu kubo.

UMatewu 22:21

Bathi: NgokaKesari. Wathi kibo: Ngakhoke mnikeni uKesari izinto zikaKesari, loNkulunkulu izinto zikaNkulunkulu.

ULukha 19:8

Kodwa uZakewu wasukuma, wathi eNkosini: Khangela, Nkosi, ngiyabapha abayanga ingxenye yempahla yami; kuthi uba ngimthathele umuntu ulutho ngobuqili, ngilubuyisele luphindwe kane.

Imisebenzi 20:33

Kangihawukelanga isiliva legolide lezambatho zamuntu;

2 AbaseKhorinte 12:14

Sengilungele ukuza kini ngokwesithathu; kangizukuba ngumthwalo kini, ngoba kangifuni okwenu, ngifuna lina. Ngoba abantwana kabafanele ukudlinzekela abazali, kodwa abazali bafanele ukudlinzekela abantwana.

UDutheronomi 16:19

Lingonakalisi ukulunga, lingabandlululi muntu, lingamukeli umvuzo wokuthengwa, ngoba uphumputhekisa amehlo abahlakaniphileyo, wonakalise indaba yabalungileyo.

1 AbaseThesalonika 2:10

Lina lingofakazi kanye loNkulunkulu, bokuthi sahlala kanjani phakathi kwenu lina elikholwayo ukuthi ukuhlala kwethu kwakungobungcwele, langokulunga, langokungasoleki,

1 AbaseThesalonika 2:5

Kasizanga sisebenzise amazwi okulalisa ngolimi, njengoba lani lisazi; kasizanga futhi siwasebenzise ukufihla ubuhwaba ngawo, njengoba uNkulunkulu engufakazi.

1 UPhethro 5:2

Yalusani umhlambi kaNkulunkulu eliwunikiweyo, kungabi ngokubanjwa ngamandla, kodwa ngokuthanda langokwentando kaNkulunkulu, kungabi ngenxa yenzuzo elihlazo, kodwa ngokuvuma kwenhliziyo,

1 USamuyeli 10:1

USamuweli wasethatha umfuma wamagcobo, wawathela ekhanda likaSawuli; wamanga esithi: INkosi iyakugcoba ukuba ube ngumbusi wabantu bayo uIsrayeli; uzabusa abantu beNkosi, ubakhulule ezitheni zabo ezibaphahlileyo. Lokhu kuzakuba yisiboniso kuwe ukuthi iNkosi ikugcobile ukuba ngumbusi wabantu bayo.

1 USamuyeli 12:4

Bathi kuye: Kawusikhohlisanga, kawusicindezelanga, njalo kawamukelanga lutho kithi.

1 USamuyeli 12:5

Wasesithi kibo: INkosi uNkulunkulu ingufakazi ngani kanye logcotshiweyo wayo ungufakazi lamuhla wokuthi kalifumananga lutho esandleni sami. Bathi: Ingufazaki.

1 USamuyeli 2:35

Ngizakuzimisela umpristi othembekileyo ozakwenza okusenhliziyweni yami lokusengqondweni yami. Ngizakummisela indlu eqinileyo, akhonze phambi kogcotshiweyo wami kuze kube nininini.

1 USamuyeli 24:11

Khangela, baba, nanku umphetho wengubo yakho usesandleni sami; ngiwusikile, kodwa kangikubulalanga. Ngalokhoke zibonele ukuba kakukho ububi lesiphambeko kimi. Kangikonanga ngalutho, loba wena ungizingela ukuba ungibulale.

1 USamuyeli 24:6

Wathi ebantwini bakhe: INkosi uNkulunkulu kayingivimbele ukuba ngingenzi okubi enkosini yami, ogcotshiweyo weNkosi uNkulunkulu.

1 USamuyeli 24:7

UDavida wabehlula ngalawomazwi abantu bakhe, kabavumelanga ukuba bamhlasele uSawuli. USawuli waphuma obhalwini, wahamba.

1 USamuyeli 26:11

INkosi kayingivimbele ukuba ngiphakamisele isandla sami kogcotshiweyo weNkosi; kodwa thatha umkhonto lowo ongekhanda lakhe, lesigxingi samanzi, sihambe.

1 USamuyeli 26:9

Kodwa uDavida wathi kuAbishayi: Ungambulali; ngoba ngubani ongaphakamisela isandla sakhe kogcotshiweyo weNkosi angabi lacala na?