1 USamuyeli 10:6 - iBhayibhili Elingcwele 1978

⁶ Umoya kaNkulunkulu uzakwehlela phezu kwakho masinyane, uprofethe kanye labo, uphenduke omunye umuntu.

IBhayibhili Elingcwele LesiNdebele

⁶ UMoya kaThixo uzakwehlela phezu kwakho ngamandla, lawe uzaphrofetha labo, njalo uzaguqulwa ube ngomunye umuntu.

1 USamuyeli 10:6 ပူးပေါင်းရင်းမြစ်များ

AmaNani 11:17

Ngizakwehla, ngikhulume lawe khona; ngizakuthatha ingxenye yomoya okuwe ngiyifake kibo; bazakuthwala umthwalo wabantu kanye lawe, ukuze ungawuthwali wedwa.

AmaNani 11:25

INkosi yehla ngeyezi, yakhuluma kuye, yathatha ingxenye yomoya okuye, yayifaka kubalisa abangamatshumi ayisikhombisa. Kwathi lapho umoya usehlela phezu kwabo, batshumayela. Kodwa kabaphindanga ukutshumayela.

AmaNani 11:26

Amadoda amabili ayesalele ezihonqweni, uElidadi loMedadi; umoya wehlela laphezu kwabo. Amabizo awo ayephakathi kwalabo abalotshiweyo, kodwa kawayanga ethenteni; atshumayela esezihonqweni.

AmaNani 11:29

Kodwa uMose wathi kuye: Ulomona ngenxa yami na? Kungathi bonke abantu beNkosi bangaba ngabaprofethi, ukuba iNkosi ifake umoya wayo kibo!

UMatewu 7:22

Abanengi bazakuthi kimi ngalolosuku: Nkosi, Nkosi, kasitshumayelanga yini ngebizo lakho, sakhupha omoya ababi ngebizo lakho, senza imisebenzi emikhulu eminengi ngebizo lakho, na?

Abahluleli 14:6

Umoya kaNkulunkulu wehlela ngamandla phezu kwakhe; wasidabula isilwane ngezandla zakhe njengomuntu edabula izinyane. Kodwa kabatshelanga oyise lonina lokho akwenzileyo.

Abahluleli 15:14

Kwathi esefikile eLehi, amaFilistiya amhlangabeza eklabalala. Umoya weNkosi wehlela ngamandla phezu kwakhe, lamagoda ayebophe ingalo zakhe aba njengesikusha esitshiswe ngomlilo, izibopho zakhe zawohloka ezandleni zakhe.

Abahluleli 3:10

Umoya weNkosi wehlela kuye, waba ngumahluleli koIsrayeli, waphuma impi, iNkosi yanikela esandleni sakhe uKushani‐Rishathayimi inkosi yaseAramu, wamnqoba.

1 USamuyeli 10:10

Lapho befika entabeni kaNkulunkulu bahlangana lexuku labaprofethi; umoya kaNkulunkulu wehlela phezu kwakhe masinyane, waprofetha kanye labo.

1 USamuyeli 10:9

Kwathi lapho uSawuli esefulathele uSamuweli, uNkulunkulu wamnika inhliziyo entsha; zonke lezizibonakaliso zagcwaliseka mhlalokho.

1 USamuyeli 11:6

Umoya kaNkulunkulu wehlela phezu kukaSawuli lapho esizwa lawomazwi, wathukuthela kakhulu.

1 USamuyeli 16:13

USamuweli wasethatha uphondo lwamafutha, wamgcoba phakathi kwabafowabo; umoya weNkosi wehlela phezu kukaDavida kusukela kulolosuku kusiya phambili. USamuweli wasuka wabuyela eRama.

1 USamuyeli 19:20

USawuli wasethuma izithunywa ukumbamba uDavida, lapho zibona ixuku labaprofethi beprofetha, loSamuweli emi engumkhokheli wabo, umoya kaNkulunkulu wazehlela izithunywa zikaSawuli, lazo zaprofetha.