1 USamuyeli 10:3 - iBhayibhili Elingcwele 1978

³ Nxa usudlule lapho waya phambili, uzafika esihlahleni esikhulu saseTabori; lapho uzahlangana labantu abathathu besiyakhuleka kuNkulunkulu eBetheli, omunye ephethe amazinyane amathathu, omunye ephethe izinkwa ezintathu, lomunye ephethe imbodlela yewayini.

IBhayibhili Elingcwele LesiNdebele

³ Uzahamba-ke usuka lapho uze ufike esihlahleni esikhulu saseThabhori. Amadoda amathathu aya kuNkulunkulu eBhetheli azahlangana lawe khonapho. Enye izathwala amazinyane embuzi amathathu, enye izinkwa ezintathu lenye umgodla wewayini.

1 USamuyeli 10:3 ပူးပေါင်းရင်းမြစ်များ

UGenesisi 28:19

Wabiza ibizo laleyondawo ngokuthi iBetheli; kodwa kuqala ibizo lomuzi laliyiLuzi.

UGenesisi 28:22

lelitshe leli engilimise ukuba libe yinsika yokukhonzela lizakuba yindlu kaNkulunkulu; kukho konke ozangipha khona ngizakukunika okwetshumi.

UGenesisi 35:1

UNkulunkulu wasesithi kuJakobe: Suka, uye eBetheli, uhlale khona; umenzele ialtare uNkulunkulu owabonakala kuwe mhla ubalekela uEsawu umnewenu.

UGenesisi 35:3

Asisuke sikhuphukele eBetheli, ngimenzele khona uNkulunkulu ialtare owangiphendula mhla ngihlupheka, waba lami endleleni engahamba kuyo.

AmaHubo 89:12

Inyakatho leningizimu wakudala wena, iTabori leHermoni kuyadumisa ibizo lakho ngentokozo.

UJeremiya 32:8

Wasefika kimi uHanameli umfowethu egumeni labalindi, njengokutsho kweNkosi, wathi kimi: Thenga insimu yami eseAnathothi elizweni lakoBenjamini, ngoba nguwe oyisihlobo sokuqala olelungelo lokuyithenga; zithengele yona. Ngasengisazi ukuba lelilizwi livela eNkosini.

ULevi 1:10

Uba umnikelo wakhe ungumnikelo wemihlambi, owezimvini loba owezimbuzini, uzanikela ngenduna engelasici;

ULevi 23:13

Umnikelo wempuphu ozanikelwa lalowo uzakuba yingxenye yehefa lempuphu ecolekileyo ixubene lamafutha, ube ngumnikelo owenzelwe iNkosi ngomlilo olephunga elimnandi; lomnikelo wokuthululwa ozanikelwa lawo uzakuba ngokwesine kwehini lewayini.

ULevi 3:12

Uba umnikelo wakhe uyimbuzi, kayinikele phambi kweNkosi,

ULevi 3:6

Uba umnikelo wakhe ongumhlatshelo womnikelo wokuthula eNkosini ungowemihlambi, enduna ingabe ensikazi, kanikele ngawo ungelasici.

ULevi 7:13

Umnikelo lo kanye lamaqebelengwana esinkwa esilemvubelo uzakukunikela lomhlatshelo weminikelo yokuthula.

UJoshuwa 19:12

waphenduka eSaridi waqonda empumalanga emngceleni weKisilothi‐Tabori, wasuka lapho waya eDaberathi, wadlulela eJafiya;

UJoshuwa 19:22

Umngcele walo wagudla iTabori leShahazuma leBeti‐Shemeshi, wayaphelela eJordani; kwakulemizi elitshumi lesithupha lemizana yayo.

Abahluleli 20:18

Basuka baya eBetheli, babuza uNkulunkulu bathi: Ngubani ozakuhamba kuqala ukulwa labakoBenjamini na? INkosi yathi: NguJuda ozahamba kuqala.

Abahluleli 20:23

AbakoIsrayeli basuka bayakhala phambi kweNkosi kwaze kwahlwa. Babuza eNkosini bathi: Sibuyele yini ukulwa labafowethu abakoBenjamini na? INkosi yathi: Yebo, hambani liyekulwa labo.

Abahluleli 20:27

Babuza eNkosini ngoba umtshokotsho wesivumelwano sikaNkulunkulu wawulapho ngalezonsuku,

Abahluleli 4:12

USisera esebikelwe ukuthi uBaraki indodana kaAbinowama useye entabeni yaseTabori,

Abahluleli 4:6

Wathumela ilizwi ukubiza uBaraki indodana kaAbinowama eKedeshi koNafitali, wathi kuye: INkosi, uNkulunkulu wakoIsrayeli, iyakulaya ithi: Hamba uyebuthanisa abantu entabeni yaseTabori, uthathe izinkulungwane ezilitshumi esizweni sakoNafitali lesakoZebuluni;

Abahluleli 8:18

Wathi kuZeba lakuZalimuna: Babenjani labobantu elababulalayo na? Baphendula bathi: Babefanana lawe, bonke befana labantwana bamakhosi.

1 USamuyeli 10:4

Bazakukubingelela bakunike izinkwa ezimbili; uzithathe.