1 USamuyeli 1:3 - iBhayibhili Elingcwele 1978

³ Leyondoda yayejwayele ukusuka emzini wayo iminyaka yonke ukuyakhonza lokuhlabela iNkosi yamabandla umhlatshelo eShilo, lapho amadodana amabili kaEli, uHofini loFiniyasi, ayengabapristi beNkosi khona.

IBhayibhili Elingcwele LesiNdebele

³ Ngeminyaka yonke indoda le yayisuka emzini wakibo isiyakhonza, inikela lomhlatshelo kuThixo uSomandla eShilo, lapho uHofini loFinehasi, amadodana amabili ka-Eli, ababengabaphristi bakaThixo khona.

1 USamuyeli 1:3 ပူးပေါင်းရင်းမြစ်များ

AmaHubo 78:60

Wayitshiya indlu yakhe eShilo, ithente ayehlala kulo phakathi kwabantu.

U-Eksodasi 23:14

Kathathu ngomnyaka uzangigcinela umkhosi.

U-Eksodasi 23:17

Kathathu ngomnyaka bonke abesilisa bazakuza phambi kweNkosi uNkulunkulu.

U-Eksodasi 34:23

Kathathu ngomnyaka bonke abesilisa bazakuza phambi kweNkosi uNkulunkulu, uNkulunkulu kaIsrayeli.

ULukha 2:41

Abazali bakhe baya eJerusalema iminyaka yonke ngomkhosi wePhasika.

UDutheronomi 16:16

Kathathu ngomnyaka bonke abesilisa benu bazakuza ukuyikhonza iNkosi uNkulunkulu wenu endaweni ezakuyikhetha, ngomkhosi wesinkwa esingelamvubelo, ngomkhosi wamaviki, langomkhosi wamadumba. Kabangezi ukuyidumisa iNkosi bengaphathanga lutho;

UJoshuwa 18:1

Ibandla lonke lakoIsrayeli labuthana eShilo, lamisa khona ithente lokuhlangana. Ilizwe laselinqotshiwe.

Abahluleli 18:31

Basebemisa isithombe uMika ayesenzile, sahlala sonke isikhathi indlu kaNkulunkulu iseShilo.

Abahluleli 21:19

Basebesithi: Khangelani, kukhona umkhosi weNkosi weminyaka yonke eShilo elingasenyakatho kweBetheli, ngasempumalanga kwendlela esuka eBetheli isiya eShekema, ngaseningizimu kweLebona.

1 USamuyeli 1:21

UElkana wasuka kanye lendlu yakhe yonke ukuyanikela eNkosini umhlatshelo weminyaka yonke, lokugcwalisa isithembiso sakhe.

1 USamuyeli 1:9

Kwathi sebedlile banatha eShilo, uHana wasukuma. UEli umpristi wayehlezi esihlalweni sakhe phansi kwensika yomnyango wethempeli leNkosi.

1 USamuyeli 14:3

UAhija indodana kaAhitubi, umfowabo kaIkabodi indodana kaFiniyasi indodana kaEli, umpristi weNkosi eShilo, wayembethe ingubo yamahlombe. Abantu babengazi ukuba uJonathani uhambile.

1 USamuyeli 2:19

Futhi unina wayejwayele ukumenzela ijazana, amphathele lona iminyaka yonke lapho besiyanikela umhlatshelo wonyaka lomkakhe.

1 USamuyeli 2:34

Lokhu okuzakwehlela amadodana akho womabili, uHofini loFiniyasi, kuzakuba yisiboniso kuwe; bobabili bazakufa ngasuku lunye.

1 USamuyeli 3:13

Umtshele ukuthi sengizakuyijezisa indlu yakhe kokuphela, ngoba kwathi esazi ukuthi amadodana akhe ayehlambaza uNkulunkulu, kawakhuzanga.

1 USamuyeli 4:11

Wathunjwa umtshokotsho kaNkulunkulu, lamadodana womabili kaEli, uHofini loFiniyasi, abulawa.

1 USamuyeli 4:4

Ngakhoke basebethumela abantu eShilo, bathatha khona umtshokotsho wesivumelwano seNkosi yamabandla, ehlezi phezu kwamakherubi; amadodana amabili kaEli, uHofini loFiniyasi, ayelapho lomtshokotsho wesivumelwano sikaNkulunkulu.