1 USamuyeli 1:22 - iBhayibhili Elingcwele 1978

²² Kodwa uHana kayanga, ngoba wathi kumkakhe: Kangiyikuhamba aze akhunyulwe ebeleni umntwana; ng’khonake ngizakumusa ukuba abonakale phambi kweNkosi, abesesala khona.

IBhayibhili Elingcwele LesiNdebele

²² uHana kahambanga. Wathi kumkakhe, “Emva kokuba umfana eselunyulwe, ngizamthatha ngiyemethula phambi kukaThixo, njalo uzahlala khona kokuphela.”

1 USamuyeli 1:22 ပူးပေါင်းရင်းမြစ်များ

AmaHubo 110:4

INkosi ifungile, kayiyikuzisola, yathi: Wena ungumpristi kokuphela ngokwendlela kaMelkizedeki.

AmaHubo 23:6

Impela okuhle lesihawu kuzakungilandela insuku zonke zokuphila kwami; ngizakuhlala endlini yeNkosi kuze kube nininini.

AmaHubo 27:4

Into yinye engiyicela eNkosini engizakuyifunisisa, yikuba ngihlale endlini yeNkosi insuku zonke zokuphila kwami, ukuba ngibone ubuhle beNkosi, ngibuke ithempeli layo.

U-Eksodasi 21:6

inkosi yaso izakusiletha kuNkulunkulu, isimise emnyango loba ensikeni yomnyango, ibhoboze indlebe yaso ngosungulo, siyisebenzele size sife.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

ULevi 25:23

Kakuvunyelwa ukuba ilizwe lithengiswe kuze kube nininini, ngoba ngelami; lina lingabemzini nje labezizweni kimi.

ULukha 2:22

Kwathi sekuphelele isikhathi sokuhlanjululwa kwabo ngokomlayo kaMose, bamletha eJerusalema ukuba bammise phambi kweNkosi,

UDutheronomi 16:16

Kathathu ngomnyaka bonke abesilisa benu bazakuza ukuyikhonza iNkosi uNkulunkulu wenu endaweni ezakuyikhetha, ngomkhosi wesinkwa esingelamvubelo, ngomkhosi wamaviki, langomkhosi wamadumba. Kabangezi ukuyidumisa iNkosi bengaphathanga lutho;

UJoshuwa 4:7

Lizabatshelake ukuba amanzi eJordani aqamuka phambi komtshotsho wesivumelwano seNkosi, lapho uchapha iJordani. Ngakho lamatshe azakuba yisikhumbuzo ebantwini bakoIsrayeli kokuphela.

1 USamuyeli 1:11

Wasesenza isithembiso esithi: Nkosi yamabandla, uba ungabona ukuhlupheka kwencekukazi yakho, ungikhumbule, ungangikhohlwa mina incekukazi yakho, unginike indodana, minake ngizayinika iNkosi insuku zonke zokuphila kwayo, kayiyikuliphuca lekhanda layo.

1 USamuyeli 1:28

Ngakhoke lami ngimnikele eNkosini; zonke insuku zokuphila kwakhe uzakuba ngoweNkosi. Bakhonza iNkosi lapho.

1 USamuyeli 13:13

USamuweli wathi kuSawuli: Wenze ubuthutha; kawuwugcinanga umlayo weNkosi uNkulunkulu wakho eyakulaya wona; ngoba iNkosi ibizakuwumisa kokuphela umbuso wakho koIsrayeli.

1 USamuyeli 2:11

UElkana wabuyela ekhaya eRama. Umfana wakhonza iNkosi phambi kukaEli umpristi.

1 USamuyeli 2:18

USamuweli wayekhonza iNkosi engumfana egqoka ingubo yamahlombe yelembu elihle.

1 USamuyeli 28:2

UDavida wathi kuAkishi: Kulungile, uzabona ukuthi inceku yakho ingenzani. UAkishi wasesithi kuDavida: Kulungile, ngizakukubeka ube ngumlindi wekhanda lami kokuphela.

1 USamuyeli 3:1

Umfana uSamuweli wayesebenzela iNkosi ngaphansi kukaEli. Ilizwi leNkosi lalingandanga ngalezonsuku, lombono ungekho.