1 USamuyeli 1:11 - iBhayibhili Elingcwele 1978

¹¹ Wasesenza isithembiso esithi: Nkosi yamabandla, uba ungabona ukuhlupheka kwencekukazi yakho, ungikhumbule, ungangikhohlwa mina incekukazi yakho, unginike indodana, minake ngizayinika iNkosi insuku zonke zokuphila kwayo, kayiyikuliphuca lekhanda layo.

IBhayibhili Elingcwele LesiNdebele

¹¹ Wafunga esithi, “Awu, Thixo Somandla, nxa ungakhangela nje usizi lwencekukazi yakho ungikhumbule, njalo ungayikhohlwa incekukazi yakho kodwa uyiphe indodana, lapho-ke ngizayinika uThixo okwensuku zonke zokuphila kwayo, njalo akulampuco ezasetshenziswe ekhanda layo.”

1 USamuyeli 1:11 ပူးပေါင်းရင်းမြစ်များ

UGenesisi 28:20

UJakobe wasefunga isifungo esithi: Uba uNkulunkulu ezakuba lami, angilondoloze ekuhambeni kwami, angiphe ukudla lezingubo zokwambatha,

UGenesisi 29:32

ULeya wathatha isisu, wazala indodana, wayitha ibizo wathi nguRubeni, ngoba wathi: INkosi ibonile inhlupheko yami; khathesi indoda yami izakungithanda.

UGenesisi 30:22

UNkulunkulu wasemkhumbula uRaheli, wavula isizalo sakhe.

UGenesisi 8:1

UNkulunkulu wasemkhumbula uNowa lakho konke okuphilayo lezifuyo zonke ezazilaye emkolweni. UNkulunkulu wavunguzisa umoya phezu komhlaba, amanzi etsha.

2 USamuyeli 16:12

Mhlawumbe izabona usizi lwami, ingilethele okuhle ngalokhu ukuthukwa kwalamuhla.

AmaHubo 25:18

Khangela ukuhlupheka kwami lenkathazo yami, ungithethelele zonke izono zami.

U-Eksodasi 4:31

Abantu bakholwake; lapho sebezwile ukuthi iNkosi ibahambele abakoIsrayeli, lokuthi ibonile ukuhlupheka kwabo, bakhothamisa amakhanda, badumisa.

Izaga 31:2

Wathi: Mntanami! Wena owaphuma esiswini sami! Wena oyisipho semikhuleko yami!

UmTshumayeli 5:4

Lapho usenza isifungo kuNkulunkulu ungaphuzi ukusigcwalisa, ngoba kathokozi ngezithutha; gcwalisa isifungo sakho.

ULevi 27:2

Tshono ebantwini bakoIsrayeli uthi: Nxa umuntu ethembisa isithembiso esithile eNkosini sokunika okulingana lomuntu,

AmaNani 21:2

UIsrayeli wafunga eNkosini wathi: Uba unikela lababantu esandleni sami, ngizakuchitha imizi yabo iphele nya.

AmaNani 6:11

umpristi uzakunikela ngenye ibe ngumnikelo wesono, langenye ibe ngumnikelo wokutshiswa, amenzele indlela yokubuyisana, ngoba uzingcolisile ngesidumbu. Uzakulahlukanisela ikhanda lakhe ngalona lolosuku,

AmaNani 6:5

Zonke insuku zokugcwalisa isifungo sakhe impuco kayiyikuthinta ikhanda lakhe; uzakuba ngcwele size siphelele isikhathi sokuzahlukanisela kwakhe iNkosi, ayekele inwele zakhe ekhanda lakhe zibende.

AmaNani 6:8

Zonke insuku zokuzahlukanisela kwakhe ungcwele eNkosini.

Abahluleli 11:30

UJefta wafunga eNkosini wathi: Uba unikela amaAmoni esandleni sami,

Abahluleli 13:5

ngoba uzathatha isisu uzale indodana. Impuco kayiyikuthinta ikhanda layo, ngoba umntwana lowo uzakuba umNaziri kaNkulunkulu kusukela ekuzalweni kwakhe. Yena uzakuba ngowokuqala ukukhulula uIsrayeli ezandleni zamaFilistiya.

1 USamuyeli 1:10

UHana wayedabukile kakhulu, wasekhuleka eNkosini ekhala kakhulu.

1 USamuyeli 1:12

Kwathi esaqhubeka ukukhuleka phambi kweNkosi, uEli waqaphelisa umlomo wakhe.

1 USamuyeli 1:19

Bavuka ekuseni; bakhuleka eNkosini, basebebuyela emzini wabo eRama. UElkana wangena loHana umkakhe engutsheni, leNkosi yamkhumbula.

1 USamuyeli 1:22

Kodwa uHana kayanga, ngoba wathi kumkakhe: Kangiyikuhamba aze akhunyulwe ebeleni umntwana; ng’khonake ngizakumusa ukuba abonakale phambi kweNkosi, abesesala khona.

1 USamuyeli 1:27

Ngakhulekela lumntwana; iNkosi inginikile lokho engakucela kuyo.

1 USamuyeli 1:28

Ngakhoke lami ngimnikele eNkosini; zonke insuku zokuphila kwakhe uzakuba ngoweNkosi. Bakhonza iNkosi lapho.

1 USamuyeli 2:20

UEli wayebabusisa uElkana lomkakhe, athi: INkosi ikunike abantwana ngalowesifazana endaweni yalo omeboleke iNkosi. Basebebuyelake ekhaya.