1 ImiLando 9:31 - iBhayibhili Elingcwele 1978

³¹ UMathithiya umLevi, izibulo likaShaluma umKora, waphatha umsebenzi wokupheka amaqebelengwana ngoba ethembekile.

IBhayibhili Elingcwele LesiNdebele

³¹ UmLevi obizwa ngokuthi nguMathithiya, indodana elizibulo likaShalumi umKhora, wayephiwe umlandu wokubumba isinkwa somnikelo.

1 ImiLando 9:31 ပူးပေါင်းရင်းမြစ်များ

UGenesisi 19:3

Ngakho wazincenga kakhulu zaze zangena laye endlini yakhe; wazilungisela ukudla, wenza isinkwa esingelamvubelo; zadla.

1 ImiLando 23:29

lokulungisa izinkwa ezahlukaniselwa uNkulunkulu lempuphu yomnikelo wempuphu, lezinkwa ezingelamvubelo, lezinkwa zokosiwa, lenhlama, lezilinganiso zonke.

1 ImiLando 9:17

Abagcini bamasango babengoShaluma loAkubi loTalimoni loAhimani lezihlobo zabo; uShaluma wayeyinhloko yabo.

1 ImiLando 9:19

UShaluma indodana kaKore kaEbiyasafi kaKora, lezihlobo zakhe zamaKora, baphatha umsebenzi wokulinda iminyango yeTabernakeli, njengalokhu okhokho babo babelindile izintuba zesihonqo seNkosi uNkulunkulu.

1 ImiLando 9:22

Bonke labo abakhethwayo baba ngabagcini bamasango babengamakhulu amabili letshumi lambili; balotshwa ngezizukulwana zabo emizini yabo. ODavida loSamuweli umboni babamisa ezikhundleni zabo ngenxa yokuthembeka kwabo.

1 ImiLando 9:26

Abagcini bamasango abakhulu bobane babengamaLevi, belamandla agcweleyo, bekhangela izindlu lempahla endlini kaNkulunkulu.

ULevi 2:5

Uba umnikelo wakho ungumnikelo wempuphu ephekwe ngomganu wensimbi, kawube ngowempuphu ecolekileyo engelamvubelo, ixubene lamafutha.

ULevi 2:7

Uba umnikelo wakho ungumnikelo wempuphu ephekwe ngembiza, kawube ngowempuphu ecolekileyo kanye lamafutha.

ULevi 6:14

Nanku umlayo womnikelo wempuphu. Amadodana kaAroni azakuwunikela phambi kweNkosi, ngaphambi kwealtare.

ULevi 6:21

Uzakulungiselwa emganwini wensimbi ngamafutha. Uwulethe usuxutshanisiwe kuhle, ube ngumnikelo wempuphu onikelwa ngencezu eziphekiweyo, zibe liphunga elimnandi eNkosini.