1 ImiLando 9:22 - iBhayibhili Elingcwele 1978

²² Bonke labo abakhethwayo baba ngabagcini bamasango babengamakhulu amabili letshumi lambili; balotshwa ngezizukulwana zabo emizini yabo. ODavida loSamuweli umboni babamisa ezikhundleni zabo ngenxa yokuthembeka kwabo.

IBhayibhili Elingcwele LesiNdebele

²² Sebebonke labo ababekhethiwe ukuba ngabalindimasango ezindaweni eziqakathekileyo babengamakhulu amabili aletshumi lambili (212). Babelotshwe ngoluhlu lokuzalana kwabo emizini yabo. Abalindi bamasango babefakwe kulezizindawo zokwethembeka nguDavida loSamuyeli umboni.

1 ImiLando 9:22 ပူးပေါင်းရင်းမြစ်များ

1 ImiLando 28:13

Wamtshela langesimo sezigaba zabapristi lezamaLevi, langawo wonke umsebenzi wethempeli, langezitsha zonke zenkonzo,

1 ImiLando 28:21

Nanzi izigaba zabapristi lezamaLevi zenkonzo yonke yendlu kaNkulunkulu; kuwo wonke umsebenzi uzakusizwa yizingcitshi zenhlobo zonke zomsebenzi ezizinikeleyo, labaphathi labo bonke abantu bazakuba ngaphansi kwakho.

1 ImiLando 29:29

Izenzo zenkosi uDavida ezokuqala lezokucina zilotshiwe engwalweni zezindaba zikaSamuweli umboni lengwalweni zezindaba zikaNathani umprofethi lengwalweni zezindaba zikaGadi umboni,

1 ImiLando 9:16

loObadiya indodana kaShemaya kaGalali kaJeduthuni, loBerekiya indodana kaAsa kaElkana owahlala emizini yamaNetofa.

1 ImiLando 9:23

Bona lamadodana abo baphatha umsebenzi wokulinda amasango ethempeli, ithente lokuhlangana kwayo.

1 ImiLando 9:31

UMathithiya umLevi, izibulo likaShaluma umKora, waphatha umsebenzi wokupheka amaqebelengwana ngoba ethembekile.

2 ImiLando 23:19

Wabeka abalindi bamasango emasangweni ethempeli ukuze kungangeni muntu ongcoliswe loba yini.

2 ImiLando 31:15

Wayesizwa kuhle ngoEdeni loMiniyamini loJeshuwa loShemaya loAmariya loShekaniya emizini yabapristi ukwabela izihlobo zabo izabelo, abadala labatsha ngokufananayo, ngezigaba.

2 ImiLando 31:18

Abapristi babalwa labomkabo lamadodana abo lamadodakazi abo, ibandla labo lonke, ngoba kwakudingeka ukuba bahlale bezigcinile bengcwele.

UNehemiya 11:36

Izigaba ezithile zamaLevi zazihlala koJuda lakoBenjamini.

UNehemiya 12:44

Ngalolosuku kwamiswa abantu bokuphatha izindlu zokulondoloza iziphiwo lezithelo zokuqala lokwetshumi, lokuqoqa izabelo zabapristi lezamaLevi ezimiswe ngumlayo ngamasimu emizi. Bonke abakoJuda babethokoza kakhulu ngokukhonza kwabapristi lamaLevi,

1 USamuyeli 9:9

— Endulo koIsrayeli lapho umuntu esiyabuza kuNkulunkulu, wayesithi: Woza siye kumboni; ngoba lo osethiwa ngumprofethi lamuhla kuqala kwakuthiwa ngumboni. —