1 ImiLando 7:29 - iBhayibhili Elingcwele 1978

²⁹ Futhi abakoManase babeleBeti‐Sheyani lemizana yalo, leTanaki lemizana yalo, leMegido lemizana yalo, leDori lemizana yalo. Kuyo yonke le bahlala abakoJosefa indodana kaIsrayeli.

IBhayibhili Elingcwele LesiNdebele

²⁹ Emingceleni yakwelakoManase kuleBhethi-Shani, leThanakhi, leMegido, kanye leDori lemizana yakhona. Ababehlala kulimizi ngabosendo lukaJosefa indodana ka-Israyeli.

1 ImiLando 7:29 ပူးပေါင်းရင်းမြစ်များ

1 AmaKhosi 4:12

uBahana indodana kaAhiludi wayephethe iTanaki leMegido leBeti‐Sheyani lonke aze afike eAbeli‐Mehola maqondana leZarethani, kusukela eBeti‐Sheyani ngaphansi kweJezereli aze afike eJokimeyama;

1 AmaKhosi 9:15

Nansi indaba yezibhalwa inkosi uSolomoni ayezibuthele ukwakha ithempeli, lendlu yakhe, ledundulu elithiwa yiMilo, lomduli weJerusalema leHazori leMegido leGezeri.

2 AmaKhosi 23:29

Ensukwini zokubusa kukaJosiya uFaro‐Neko inkosi yaseGibithe wasuka waya enkosini yaseAsiriya ngasemfuleni iYufrathi. UJosiya wahlangabezana laye; ekuhlanganeni kwabo uFaro‐Neko wambulala eMegido.

2 AmaKhosi 9:27

UAhaziya inkosi yakoJuda esekubonile lokhu wabaleka, waqonda eBeti‐Hagani. UJehu waxotshana laye, wathi: Mcibeni; basebemciba esenqoleni yakhe emqansweni waseGuri eliseduze leIbileyamu. Wabalekela eMegido, wafela khona.

2 ImiLando 35:22

Kodwake uJosiya kayekelanga, wazifihla ukuba alwe laye; kawalalelanga amazwi kaNeko awakhuluma ethunywa nguNkulunkulu, wangena ekulweni emagcekeni aseMegido.

UZakhariya 12:11

Ngalolosuku kuzakuba khona ukulila eJerusalema okunjengokulilelwa kukaHadadi‐Rimoni egcekeni laseMegido.

Isambulo 16:16

Bawahlanganisela amakhosi endaweni ethiwa ngesiHeberu iArmagedoni.

Abahluleli 5:19

Amakhosi afika alwa, alwa amakhosi aseKanani, eTanaki ngasemanzini aseMegido, kawazuzanga impango yesiliva.

1 USamuyeli 31:10

Abeka izikhali zakhe ethempelini likaAshitorethi unkulunkulukazi. Abethela isidumbu sakhe emdulini waseBeti‐Shani.