1 ImiLando 6:49 - iBhayibhili Elingcwele 1978

⁴⁹ Kodwa kwakunguAroni lamadodana akhe abanikela iminikelo phezu kwealtare lomnikelo wokutshiswa laphezu kwealtare lempepha, ukwenza yonke inkonzo endaweni engcwele kakhulu lokwenzela uIsrayeli indlela yokubuyisana, njengakho konke uMose inceku kaNkulunkulu akutshoyo.

IBhayibhili Elingcwele LesiNdebele

⁴⁹ Kodwa u-Aroni labosendo lwakhe yibo ababesethula iminikelo yokutshiswa e-alithareni kanye lase-alithareni lempepha lakho konke okwakusenziwa eNdaweni eNgcwele kakhulu, becelela u-Israyeli umusa, njengalokhu uMosi inceku kaNkulunkulu yayitshilo.

1 ImiLando 6:49 ပူးပေါင်းရင်းမြစ်များ

1 ImiLando 6:48

Izihlobo zabo amaLevi bamiswa ukwenza yonke inkonzo yeTabernakeli lendlu kaNkulunkulu.

UJobe 33:24

sibe lomusa kuye sithi: Mkhulule egodini, ngoba sengimzuzele inhlawulo;

U-Eksodasi 29:33

badle lezozinto okwenziwa ngazo indlela yokubuyisana ekugcotshweni kwabo lekwahlukaniselweni kwabo; kodwa owemzini angazidli ngoba zingcwele.

ULevi 1:5

Kayihlabe inkunzi phambi kweNkosi; amadodana kaAroni angabapristi azathatha igazi, alikhaphazele ealtareni, inxa zonke elingasemnyango wethente lokuhlangana.

ULevi 4:20

Kenze njalo ngenkunzi le, njengalokhu enza ngenkunzi yomnikelo wesono. Umpristi abenzele indlela yokubuyisana ukuba bathethelelwe.

AmaNani 15:25

Umpristi uzakwenzela lonke ibandla labakoIsrayeli indlela yokubuyisana, bathethelelwe, ngoba kakwenziwanga ngabomu, futhi sebelethile eNkosini umnikelo wabo owenzelwe iNkosi ngomlilo, lomnikelo wabo wesono, ngenxa yesiphambeko sabo.

AmaNani 16:16

UMose wasesithi kuKora: Kusasa woza wena leqembu lakho lonke loAroni phambi kweNkosi;

UDutheronomi 34:5

UMose inceku yeNkosi wafela khona elizweni laseMowabi njengelizwi leNkosi.

UJoshuwa 1:1

Kwathi emva kokufa kukaMose inceku yeNkosi, iNkosi yathi kuJoshuwa indodana kaNuni, umsizi kaMose: