1 ImiLando 4:10 - iBhayibhili Elingcwele 1978

¹⁰ UJabezi wakhuleka kuNkulunkulu kaIsrayeli esithi: Kungathi ungangibusisa, ungiphe amazwe amakhulu; isandla sakho kasibe lami, ungivikele ebubini, ngingehlelwa yibuhlungu! UNkulunkulu wamnika lokho akucelayo.

IBhayibhili Elingcwele LesiNdebele

¹⁰ UJabhezi wakhuleka kuNkulunkulu ka-Israyeli wathi: “Sengathi ungangibusisa uqhelise ilizwe lami! Isandla sakho kasibe lami, ungivikele ebubini, ngingehlelwa yibuhlungu.” UNkulunkulu wamnika lokho ayekucela.

1 ImiLando 4:10 ပူးပေါင်းရင်းမြစ်များ

UGenesisi 12:2

Ngizakukwenza ube yisizwe esikhulu, ngikubusise, ngenze ibizo lakho libe likhulu, lisetshenziswe ekubusiseni.

UGenesisi 12:8

Wasuka khona, waya entabeni ngasempumalanga kwaseBetheli, wamisa khona ithente lakhe, iBetheli lingasentshonalanga, leAyi lingasempumalanga. Wayakhela lapho ialtare iNkosi, wadumisa ibizo leNkosi.

UGenesisi 28:20

UJakobe wasefunga isifungo esithi: Uba uNkulunkulu ezakuba lami, angilondoloze ekuhambeni kwami, angiphe ukudla lezingubo zokwambatha,

UGenesisi 28:21

ukuze ngibuyele endlini kababa ngokuthula, khona iNkosi izakuba nguNkulunkulu wami,

UGenesisi 32:26

Wasesithi: Ngiyekela, ngihambe ngoba sekusisa. Kodwa uJakobe wathi: Kangizukukuyekela ukuba uhambe ungangibusisanga.

UGenesisi 32:27

Wathi kuye: Ungubani ibizo lakho na? Wathi: NginguJakobe.

UGenesisi 32:28

Wathi: Ibizo lakho kalisayikuthiwa nguJakobe, kodwa nguIsrayeli, ngoba ulwile loNkulunkulu labantu, wanqoba.

UGenesisi 33:20

Wakha khona ialtare, walibiza ngokuthi yiEli, okuyikuthi uNkulunkulu kaIsrayeli.

UGenesisi 48:16

isithunywa esingikhulule kokubi konke, sibusise abafana; ibizo lami lebizo labokhokho bami oAbrahama loIsaka libe ngelabo; bande babe banengi emhlabeni.

1 ImiLando 16:8

Bongani iNkosi, litshumayele ibizo layo, lizazise phakathi kwabantu izenzo zayo.

1 ImiLando 4:11

UKelubi umfowabo kuShuha wazala uMehiri owazala uEshitoni.

1 ImiLando 4:9

UJabezi wayelodumo kulabafowabo; unina wamutha wathi nguJabezi, ngoba wathi: Kungoba ngamzala ngibuhlungu.

UJobe 12:4

Ngiyinhlekisa kubangane bami. Mina engangikhuleka kuNkulunkulu, angiphendule, umuntu olungileyo ongelasici, sengiyinhlekisa.

AmaHubo 119:173

Isandla sakho kasilungele ukungisiza, ngoba ngikhethile imithetho yakho.

AmaHubo 121:7

INkosi izakukulondoloza kukho konke okubi, izakulondoloza ukuphila kwakho.

AmaHubo 145:19

Iyakholisa isifiso sabo bonke abayesabayo; iyezwa lokukhuleka kwabo, ibakhulule.

AmaHubo 21:4

Yacela ukuphila kuwe, wayinika khona, insuku ezinengi kuze kube nini lanini.

AmaHubo 51:12

Buyisela kimi intokozo yokusiza kwakho, ungisekele ngomoya ovumayo.

AmaHubo 51:8

Ngigcwalisa ngentokozo lokujabula, ukuze athabe amathambo owaphulileyo.

AmaHubo 55:16

Mina ngikhuleka kuNkulunkulu, iNkosi izakungisiza.

AmaHubo 65:2

Wena ozwayo imikhuleko bazakuza kuwe abantu bonke,

AmaHubo 72:17

Ibizo layo kalime kuze kube nini lanini, lodumo lwayo luqhubeke njalo lisekhona ilanga. Abantu kababusiswe ngayo, lezizwe zonke zithi: Ibusisiwe.

AmaHubo 99:6

UMose loAroni babephakathi kwabapristi bayo, loSamuweli laye wayephakathi kwabakhuleka ebizweni layo. Bakhuleka eNkosini, yabaphendula.

Izaga 10:22

Ukubusisa kweNkosi kuyanothisa, kayengezi usizi kukho.

Izaga 30:8

Susa khatshana lami inkohliso lamanga; ungangiphi ubuyanga loba inotho; ungiphe kuphela ukudla okwaneleyo,

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

U-Isaya 41:17

Lapho abayanga labaswelayo bedinga amanzi, kodwa engekho, lenlimi zabo sezomile kakhulu, mina Nkosi ngizakubaphendula, mina Nkulunkulu kaIsrayeli kangiyikubalahla.

UJeremiya 33:3

Ngibiza, ngizakusabela, ngikutshele izinto ezinkulu ezifihlakeleyo ongazaziyo.

UMatewu 26:75

UPetro wasekhumbula ilizwi likaJesu lokuthi: Lingakakhali iqhude, uzakungilandula kathathu. Waphumela ngaphandle, wakhala ngokudabuka okukhulu.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

ULukha 19:42

esithi: Kungathi ngabe wazile lawe ngalolusuku izinto eziletha ukuthula; kodwake zifihlakele emehlweni akho.

UJohane 10:28

ngizinika ukuphila okungapheliyo, kazisoze zabhubha kokuphela; kakho ongazihluthuna esandleni sami.

UJohane 21:17

Wathi kuye ngokwesithathu: Simoni, ndodana kaJohane, uyangithanda na? UPetro wadabuka ngoba wathi kuye ngokwesithathu: Uyangithanda na? Ngakho wathi kuye: Nkosi, uyakwazi konke, uyakwazi ukuthi ngiyakuthanda. UJesu wathi: Phana izimvu zami ukudla.

Imisebenzi 3:26

UNkulunkulu eseyivusile iNceku yakhe wayithumela kini kuqala ukulibusisa ngokuliphendula, ilowo lalowo ebubini bakhe.

AbaseRoma 12:9

Uthando lwenu kalube qotho. Zondani okubi, libambelele kokulungileyo.

AbaseRoma 16:19

Bonke sebezwile ngokulalela kwenu; ngakhoke ngiyathokoza ngani; kodwa ngithanda ukuba lihlakaniphe kokuhle, libe ngabangahlakaniphanga kokubi.

1 AbaseKhorinte 1:2

sithi kulo ibandla likaNkulunkulu eliseKorinte, kubo abahlukaniselwe kuKristu Jesu, ababizelwe ukuba ngabangcwele, kanye labo bonke abakhuleka ebizweni leNkosi yethu uJesu Kristu endaweni zonke, iNkosi yabo leyethu:

Abase-Efesu 1:3

Kabongwe uNkulunkulu, uYise weNkosi yethu uJesu Kristu osibusisileyo kuKristu ngesibusiso sonke sokomoya ezulwini.

Abase-Efesu 3:20

Ngakhoke yena olamandla okwenza okukhulu kakhulu ukwedlula konke esikucelayo lesikunakanayo ngamandla akhe asebenza kithi,

Abase-Efesu 4:30

Lingamdabukisi uMoya oNgcwele kaNkulunkulu elabekwa uphawu ngaye kuze kube lusuku lokuhlengwa.

2 uTimothi 4:18

INkosi izakungikhupha kukho konke okubi, ingisilisele umbuso wayo wezulu. Kakube kuyo ubukhosi kuze kube nininini. Ameni.

Isambulo 3:19

Bonke engibathandayo ngiyabasola ngibatshaye; ngakhoke tshisekela ukuphenduka.

1 USamuyeli 1:17

UEli wasemphendula esithi: Hamba kuhle; uNkulunkulu wakoIsrayeli akunike lokho okucelileyo kuye.

1 USamuyeli 1:20

Kwathi isikhathi sesiphelele uHana wakhulelwa, wabeletha indodana, wayitha ibizo wathi nguSamuweli; ngoba wathi: Ngimcelile eNkosini.

1 USamuyeli 1:26

UHana wathi: E nkosi yami, mana njalo nkosi yami! Yimi owesifazana owayemi lapha phambi kwakho, ekhuleka eNkosini.

1 USamuyeli 1:27

Ngakhulekela lumntwana; iNkosi inginikile lokho engakucela kuyo.