1 ImiLando 29:9 - iBhayibhili Elingcwele 1978

⁹ Basebethokozake abantu ngoba laba babenikele ngothando, langokuthi babenikele kuNkulunkulu kangaka ngesihle; loDavida inkosi laye wathokoza kakhulu.

IBhayibhili Elingcwele LesiNdebele

⁹ Abantu baba lokujabula okukhulu bebona ukuzinikela kwabakhokheli babo, ngoba banikela kuThixo ngokukhululeka langezinhliziyo zabo zonke. UDavida inkosi laye wajabula kakhulu.

1 ImiLando 29:9 ပူးပေါင်းရင်းမြစ်များ

2 AbaseKhorinte 8:3

Ngoba ngokwawo anikela ngamandla awo, yebo, ngingafakaza ngithi langaphezu kwamandla awo;

1 AmaKhosi 8:61

Inhliziyo zenu kazibe seNkosini uNkulunkulu wethu ngokupheleleyo, lihambe ngezimiso zayo, ligcine imilayo yayo njengalamhlanje.

AbaseFiliphi 4:10

Ngiyathokoza kakhulu eNkosini, ngokuthi khathesi selize lavuselela ukunginanzelela kwenu; belinginanzelela kambe, kodwa laswela ithuba.

UJohane 15:11

Lezizinto ngizikhulume kini, ukuze ukuthokoza kwami kube kini lokuze ukuthokoza kwenu kugcwale.

1 ImiLando 29:17

Ngiyazi, Nkulunkulu wami, ukuba wena uhlola inhliziyo, uyabuthanda ubuqotho. Ngenhliziyo yami eqotho nginikele ngesihle zonke lezizinto; sengithokoza ngibona lababantu bakho abakhona lapha benikela kuwe ngesihle.

AbaseFiliphi 4:1

Ngakhoke, bazalwane, engibathandayo lengibalangathayo, lina ntokozo lomqhele wami, manini liqine ngokunjalo eNkosini, bathandekayo bami.

2 AbaseKhorinte 8:12

Ngoba uba uthando lokupha lukhona, uNkulunkulu uyamukela lokho umuntu alakho, angakudingi lokho umuntu angelakho.

ULukha 15:6

Esefikile ekhaya ameme abangane bakhe lomakhelwane bakhe, athi kibo: Thokozani lami, ngoba ngiyifumene imvu yami ebilahlekile.

AmaHubo 110:3

Abantu bakho bazakuzinikela ngokujabula mhla uhola izimpi zakho; emadabukakusa insizwa zakho zizakuza kuwe entabeni ezingcwele, zilamandla amatsha njengamazolo asekuseni.

Abahluleli 5:9

Inhliziyo yami ingasezinduneni zabakoIsrayeli, labazinikela ngenhliziyo phakathi kwabantu. Bongani iNkosi!

U-Eksodasi 35:29

AbakoIsrayeli baletha umnikelo wesihle eNkosini; bonke abesilisa labesifazana ababethunywa zinhliziyo zabo bawuletha ukuba ube ngowomsebenzi iNkosi eyayilaye uMose ngawo ukuze wenziwe.

1 ImiLando 29:10

UDavida waseyibonga iNkosi phambi kwebandla lonke, wathi: Kawudunyiswe, wena Nkosi, Nkulunkulu kaIsrayeli ukhokho, kuze kube nininini.

2 ImiLando 17:16

kulandele uAmasiya indodana kaZikiri, owayezinikelele umsebenzi weNkosi uNkulunkulu, elamaqhawe alamandla azinkulungwane ezingamakhulu amabili.

2 AmaKhosi 12:5

labapristi labo abathathe emalini yabo, balungise indlu lapho kudingeka ukulungiswa khona.

2 ImiLando 24:10

Zonke izikhulu labo bonke abantu bathokoza, baletha umthelo wabo, bawufaka ebhokisini laze lagcwala.

2 ImiLando 31:8

Lapho uHezekiya lezikhulu befika babona izinqumbi, bayibonga iNkosi uNkulunkulu labantu bayo uIsrayeli.

U-Ezra 1:6

Bonke ababehlala labo babasiza ngokubanika izitsha zesiliva langegolide langempahla langenkomo langezipho ezinengi eziligugu, ngaphezu kwalokho okwakunikelwe ngesihle.