1 ImiLando 28:2 - iBhayibhili Elingcwele 1978

² Inkosi uDavida yasisukuma isithi: Lalelani, zihlobo zami labantu bami; bengizimisele ukwakhela umtshokotsho wesivumelwano seNkosi indlu yokuhlala leyisigcabha senyawo zikaNkulunkulu wethu, ngenza amalungiselelo okwakha.

IBhayibhili Elingcwele LesiNdebele

² Inkosi uDavida yasukuma yathi: “Lalelani, zihlobo labantu bami, bengizimisele ukwakhela ibhokisi lesivumelwano sikaThixo, indlu yokuhlala njalo kuyisenabelo sikaNkulunkulu wethu, ngaze ngenza amalungiselelo okukufeza lokho.

1 ImiLando 28:2 ပူးပေါင်းရင်းမြစ်များ

UGenesisi 48:2

Kwatshiwo lakuJakobe ukuthi: Khangela, indodana yakho uJosefa iyeza kuwe. UIsrayeli waziqinisa, wavuka wahlala embhedeni.

1 AmaKhosi 1:47

Futhi inceku zenkosi zifikile ukuyihalalela inkosi yethu uDavida, zisithi: UNkulunkulu wakho alenze ibizo likaSolomoni libe lodumo oludlula olwakho, lombuso wakhe ube mkhulu kulowakho. Inkosi uDavida yakhothama embhedeni wayo.

1 AmaKhosi 5:3

Uyazi ukuba ubaba uDavida wehluleka ukuyakhela iNkosi uNkulunkulu indlu yokukhonzela ngenxa yezimpi ayezilwa lezitha zakhe inxa zonke, iNkosi yaze yazenza zaba ngaphansi kwakhe.

1 ImiLando 17:4

lathi: Hamba uyetshela inceku yami uDavida ukuthi iNkosi ithi: Kawuyikungakhela indlu ukuba ngihlale kuyo.

1 ImiLando 22:14

Ngayo yonke imizamo yami ngilungisele indlu yeNkosi amathalenta egolide ayizinkulungwane ezilikhulu, lamathalenta esiliva ayizinkulungwane eziyinkulungwane, lethusi lensimbi engelakulinganiswa, ngoba yinengi kakhulu; ngiyilungisele lezigodo lamatshe. Wenake uzakwengezelela kulokho.

1 ImiLando 22:6

Wasebiza uSolomoni indodana yakhe, wamlaya ukuba akhele iNkosi uNkulunkulu kaIsrayeli indlu.

1 ImiLando 22:7

Wathi kuSolomoni: Mntanami, ngangizimisele ukwakhela ibizo leNkosi uNkulunkulu kaIsrayeli indlu.

1 ImiLando 6:31

Nampa abantu uDavida abakhethayo ukuba baphathe ukuhlabela endlini yeNkosi umtshokotsho wesivumelwano usubekiwe khona.

2 ImiLando 6:7

Kwakuyisifiso sikababa uDavida ukwakhela iNkosi, uNkulunkulu kaIsrayeli, indlu.

AmaHubo 110:1

INkosi yathi enkosini yami: Hlala ngakwesokunene sami, ngize ngenze izitha zakho zibe yisigcabha senyawo zakho.

AmaHubo 132:14

Yathi: Le yindawo yami yokuhlala kuze kube nininini; ngizakuhlala khona, ngoba ngiyikhethile.

AmaHubo 132:2

ukuthi wafunga eNkosini, wenza isithembiso kuSomandla kaJakobe,

AmaHubo 22:22

Ngizakubatshumayeza abafowethu ibizo lakho, ngikudumise phakathi kwebandla.

AmaHubo 99:5

Dumisani iNkosi uNkulunkulu wethu, likhonze phambi kwayo. Ingcwele yona!

U-Isaya 60:13

Inotho yaseLebanoni izakulethwa kuwe, amaphane lomangwe lomnondo ukucecisa indlu yami engcwele; ngizakwenza indawo yenyawo zami ibe ngekhazimulayo.

U-Isaya 66:1

INkosi ithi: Izulu liyisihlalo sami sobukhosi, lomhlaba uyisigcabha senyawo zami; ngenjani leyondlu ebelizakungakhela yona, ngenjani lendawo yami yokuphumula na?

Izililo 2:1

Yeka umnyama iNkosi ekuthukutheleni kwayo ewehlisele phezu kweZiyone. Iphosele ubuhle bukaIsrayeli emhlabeni busuka ezulwini; kayikhumbulanga ithempeli layo ngosuku lokuthukuthela kwayo.

UHezekhiyeli 43:7

wathi kimi: Ndoda, le yindawo yesihlalo sami sobukhosi lendawo yenyawo zami, lapho ngizahlala khona phakathi kwabantu bakoIsrayeli kokuphela. AbakoIsrayeli kabasayikungcolisa ibizo lami elingcwele, bona lamakhosi abo, ngokuwula kwabo langezidumbu zamakhosi abo,

UMatewu 25:16

Leyo eyayamukele amadola angamakhulu amahlanu yasuka masinyane yasebenza ngawo, yazuza amanye amadola angamakhulu amahlanu.

Imisebenzi 7:49

Izulu liyisihlalo sami sobukhosi, lomhlaba uyisigcabha senyawo zami; lizakungakhela indlu enjani, kutsho iNkosi, ingabe yiyiphi indawo yami yokuphumula na?

UDutheronomi 17:15

kumele ukuba libeke umuntu ozakukhethwa yiNkosi uNkulunkulu wenu ukuba yinkosi yenu; umuntu wakini limbeke abe yinkosi yenu; lingabeki owezizweni ongesuye wakini.

UDutheronomi 17:20

ukuze inhliziyo yakhe ingazikhukhumezi phezu kwabakibo, angaphambuki emithethweni aye ngakwesokunene loba ngakwesokhohlo, aphile isikhathi eside embusweni wakhe wakoIsrayeli, yena labantwana bakhe.