1 ImiLando 27:25 - iBhayibhili Elingcwele 1978

²⁵ UAzimavethi indodana kaAdiyeli wayephethe inotho yenkosi; uJonathani indodana kaUziya wayephethe inotho eyayiselizweni eyemizi leyemizana leyezinqaba.

IBhayibhili Elingcwele LesiNdebele

²⁵ U-Azimavethi indodana ka-Adiyeli wayephethe iziphala zesikhosini. UJonathani indodana ka-Uziya wayephethe iziphala emaphandleni ezabelweni, emadolobheni, emizini kanye lasezilindweni.

1 ImiLando 27:25 ပူးပေါင်းရင်းမြစ်များ

UGenesisi 41:48

Waqoqa konke ukudla kweminyaka leyo eyisikhombisa elizweni laseGibithe, wakubuthela emizini; ukudla kwamasimu azingelezele lowo lalowo umuzi wakubuthela kuwo.

2 USamuyeli 23:31

loAbi‐Aliboni waseBeti‐Araba, loAzimavethi waseBahurimi,

2 AmaKhosi 18:15

UHezekiya wayinika sonke isiliva esasikhona ethempelini laso sonke esasisezindlini zezinotho zesigodlo senkosi.

1 ImiLando 27:24

UJowabi indodana kaZeruya waqalisa ukubala abantu, kodwa kabaqedanga. Ulaka lweNkosi uNkulunkulu lwehlela phezu kukaIsrayeli ngenxa yalokho, isibalo kasisalotshwanga engwalweni zendaba zenkosi uDavida.

1 ImiLando 27:26

UEzri indodana kaKelubi wayephethe labo ababesebenza emasimini belima.

1 ImiLando 28:1

UDavida wabuthanisa eJerusalema zonke izinduna zakoIsrayeli lezinduna zezizwe lezinduna zezigaba ezazisebenzela inkosi, labaphathi bezinkulungwane labamakhulu, labaphathi bempahla yonke labezifuyo zenkosi labezamadodana ayo labathenwa basesigodlweni, lamaqhawe, lawo wonke amadoda empi alamandla.

1 ImiLando 29:6

Inhloko zezindlu zasezinikela iminikelo yazo ngenhliziyo, lezinduna zezizwe, labaphathi bezinkulungwane labamakhulu, labaphathi bomsebenzi wenkosi.

2 ImiLando 16:2

UAsa wasethatha isiliva legolide okwakusenothweni yethempeli lakweyakhe indlu, wakuthumela kuBenihadadi inkosi yaseSiriya owayehlala eDamaseko, wathi:

2 ImiLando 26:10

Wakha lemiphotshongo enkangala, wemba imithombo eminengi, ngoba wayefuyile kakhulu elezinkomo ezinengi eShefela lasemagcekeni; wayelabalimi lezisebenzi zezivini ezintabeni lasemazweni avundileyo, ngoba wayethanda ukulima.

U-Eksodasi 1:11

Ngakhoke basebebabekela izinduna zokubasebenzisa ezabahlupha ngemithwalo enzima. Bamakhela uFaro imizi leziphala, iPithoma leRamesesi.

UJeremiya 41:8

Kodwa kwakulamadoda alitshumi phakathi kwawo athi kuIshmayeli: Ungasibulali, ngoba sileziphala ezigcwele amabele lebhali lamafutha kanye lenyosi, sikufihlile egangeni. Ngakho wawayekela, kaze awabulala.