1 ImiLando 27:16 - iBhayibhili Elingcwele 1978

¹⁶ Nanzi izinduna ezinkulu ezaziphethe izizwe zakoIsrayeli. KwabakoRubeni uEliyezeri indodana kaZikiri wayeyinduna enkulu. KwabakoSimeyoni kwakunguShefethiya indodana kaMahaka.

IBhayibhili Elingcwele LesiNdebele

¹⁶ Izikhulu ezizwaneni zako-Israyeli yilezi: KwabakoRubheni: ngu-Eliyezari indodana kaZikhiri; kwabakoSimiyoni, nguShefathiya indodana kaMahakha;

1 ImiLando 27:16 ပူးပေါင်းရင်းမြစ်များ

UGenesisi 22:24

Umfazi wakhe omncane obizo lakhe linguRewuma, laye wazala uTeba loGahama loTahashi loMahaka.

UGenesisi 35:22

Kwathi uIsrayeli esehlala kulelolizwe, uRubeni waya walala loBiliha umfazi omncinyane kayise; uIsrayeli wakuzwa lokhu. Amadodana kaJakobe ayelitshumi lambili;

UGenesisi 35:23

amadodana kaLeya ayengoRubeni, izibulo likaJakobe, loSimeyoni loLevi loJuda loIsakari loZebuluni;

1 ImiLando 27:15

Umphathi wetshumi lambili enyangeni yetshumi lambili wayenguHelidayi waseNetofa wakoOthiniyeli; esigabeni sakhe kwakulabantu abazinkulungwane ezingamatshumi amabili lane.

1 ImiLando 27:17

KwabakoLevi kwakunguHashabiya indodana kaKemuweli; koAroni kunguZadoki.

1 ImiLando 28:1

UDavida wabuthanisa eJerusalema zonke izinduna zakoIsrayeli lezinduna zezizwe lezinduna zezigaba ezazisebenzela inkosi, labaphathi bezinkulungwane labamakhulu, labaphathi bempahla yonke labezifuyo zenkosi labezamadodana ayo labathenwa basesigodlweni, lamaqhawe, lawo wonke amadoda empi alamandla.

U-Eksodasi 1:1

La ngamabizo amadodana kaIsrayeli afika eGibithe; yileyo laleyo yafika lomuzi wayo,

AmaNani 1:16

Yibo abakhethwa ebandleni, beyizikhulu zezizwe zabokhokho babo lezinhloko zensendo zabo.

AmaNani 1:5

Nanka amabizo amadoda azakulisiza. KoRubeni: uElizuri indodana kaShedewuri.

AmaNani 25:14

Ibizo lalowomuntu wakoIsrayeli owabulawayo kanye lowesifazana waseMidiyani lalinguZimri indodana kaSalu, owayeyinhloko yendlu yabakoSimeyoni.