1 ImiLando 26:32 - iBhayibhili Elingcwele 1978

³² Inkosi uDavida yakhetha amadoda alamandla ayizinkulungwane ezimbili lamakhulu ayisikhombisa, ayizihlobo zikaJeriya lezinhloko zezindlu, wawenza abaphathi babakoRubeni labakoGadi labengxenye yesizwe sakoManase ezintweni zonke zomsebenzi kaNkulunkulu lowenkosi.

IBhayibhili Elingcwele LesiNdebele

³² UJeriya wayelezihlobo ezingamakhulu angamatshumi amabili lesikhombisa, ezazikhaliphile njalo zizinhloko zezimuli zazo, ngakho inkosi uDavida wazibeka ukuthi ziphathe abakoRubheni, abakoGadi lengxenye yesizwana sikaManase kukho konke okwakungokukaNkulunkulu lokuyizindaba zenkosi.

1 ImiLando 26:32 ပူးပေါင်းရင်းမြစ်များ

1 ImiLando 12:37

AbakoRubeni labakoGadi lengxenye yesizwe sakoManase ababevela ngaphetsheya kweJordani babezinkulungwane ezilikhulu lamatshumi amabili zabantu abahlomileyo ngazo zonke izikhali zokulwa.

1 ImiLando 15:12

wathi kubo: Liyizinhloko zezindlu zamaLevi; zihlambululeni lina lezihlobo zenu ukuze lilethe umtshokotsho weNkosi, uNkulunkulu kaIsrayeli, endaweni engiyilungisele wona.

1 ImiLando 23:24

Lawo ngamadodana kaLevi ngezindlu zawo, inhloko zezindlu, lalabo abaqanjwe ngamunye ngamabizo; ababeleminyaka engamatshumi amabili kusiya phezulu baphatha umsebenzi wenkonzo yethempeli.

1 ImiLando 24:31

Laba labo kanye lezihlobo zabo, amadodana kaAroni, baphosa inkatho phambi kwenkosi uDavida loZadoki loAhimeleki lenhloko zezindlu zabapristi lezamaLevi, indlu enkulu lencinyane kanyekanye.

1 ImiLando 27:1

Nanka amabizo abakoIsrayeli, inhloko zezindlu, abaphathi bezinkulungwane labamakhulu, lababhali babo, ababesebenzela inkosi emisebenzini yezigaba zabo; zona zazophisana inyanga ngenyanga ukusebenza kuwo wonke umnyaka. Leso lalesosigaba sasilabantu abazinkulungwane ezingamatshumi amabili lane.

2 ImiLando 19:11

UAmariya umpristi omkhulu nguye ongumphathi wenu kuzo zonke indaba zokholo; uZebediya indodana kaIshmayeli, umbusi wendlu yakoJuda, nguye oliphetheyo ezindabeni zonke zobuntu; lamaLevi azakuba zinduna zenu. Libe lesibindi ekwenzeni kwenu; iNkosi ibe ngakulabo abaqotho!

UJoshuwa 1:12

UJoshuwa wakhuluma labakoRubeni labakoGadi lengxenye yesizwe sakoManase wathi: