1 ImiLando 26:26 - iBhayibhili Elingcwele 1978

²⁶ UShelomothi lezihlobo zakhe babephethe inotho yonke yezinto ezingcwele uDavida inkosi, lezinhloko zezindlu, lezinduna zezinkulungwane lezinduna zamakhulu, labaphathi bempi, ababezahlukanisele uNkulunkulu.

IBhayibhili Elingcwele LesiNdebele

²⁶ (UShelomithi lezihlobo zakhe babephethe zonke ezenotho ezingcwele ezazinikelwe yinkosi uDavida, labayizinhloko zezindlu ababengabalawuli bezinkulungwane labalawuli bamakhulu, langabanye abalawuli bamabutho.

1 ImiLando 26:26 ပူးပေါင်းရင်းမြစ်များ

2 USamuyeli 8:11

inkosi uDavida yazahlukanisela iNkosi kanye lesiliva legolide eyayilahlukanisele iNkosi livela ezizweni zonke eyayizahlule,

1 ImiLando 18:11

lalezo inkosi uDavida yazahlukanisela iNkosi kanye lesiliva legolide ayekuthumbe ezizweni zonke, eEdoma, eMowabi lakumaAmoni lakumaFilistiya leAmaleki.

1 ImiLando 22:14

Ngayo yonke imizamo yami ngilungisele indlu yeNkosi amathalenta egolide ayizinkulungwane ezilikhulu, lamathalenta esiliva ayizinkulungwane eziyinkulungwane, lethusi lensimbi engelakulinganiswa, ngoba yinengi kakhulu; ngiyilungisele lezigodo lamatshe. Wenake uzakwengezelela kulokho.

1 ImiLando 26:25

Usendo lomfowabo uEliyezeri lwalungoRehabiya, loJeshaya kaRehabiya, loJoramu kaJeshaya, loZikiri kaJoramu, loShelomothi kaZikiri.

1 ImiLando 26:27

Empangweni yempi banikela izipho zokulungisa ithempeli.

1 ImiLando 28:21

Nanzi izigaba zabapristi lezamaLevi zenkonzo yonke yendlu kaNkulunkulu; kuwo wonke umsebenzi uzakusizwa yizingcitshi zenhlobo zonke zomsebenzi ezizinikeleyo, labaphathi labo bonke abantu bazakuba ngaphansi kwakho.

1 ImiLando 9:14

AmaLevi ayengoShemaya indodana kaHashubi kaAzirikamu kaHashabiya, omunye wamadodana kaMerari,

2 ImiLando 23:8

AmaLevi labo bonke abakoJuda benza konke njengokutsho kukaJehoyada umpristi. Leyo laleyonduna yaletha abantu bayo ababengayikulinda ngeSabatha kanye lalabo ababezakulinda ngeSabatha; ngoba uJehoyada umpristi wayengazikhululanga izigaba.

2 ImiLando 31:2

UHezekiya wasebeka abapristi lamaLevi ezikhundleni zabo, izigaba ngezigaba, wanika lowo lalowompristi lomLevi umsebenzi wakhe owokunikela umnikelo wokutshiswa lomnikelo wokuthula, lowokubongwa lokudumisa, lowokusebenza emasangweni ethempeli.

U-Ezra 2:42

Nantu uluhlu lwabalindi bamasango. AbakoShaluma labakoAteri labakoTalimoni labakoAkubi labakoHatita labakoShobayi, bonke babelikhulu lamatshumi amathathu lesificamunwemunye.

UNehemiya 12:45

ngoba bayenza inkonzo kaNkulunkulu wabo lenkonzo yokuhlambulula. Abahlabeleli labalindi bamasango labo benza umsebenzi wabo, njengokumisa kukaDavida lendodana yakhe uSolomoni.