1 ImiLando 25:8 - iBhayibhili Elingcwele 1978

⁸ Benza inkatho ngomsebenzi wabo, abancinyane labakhulu, abafundisayo labafundayo.

IBhayibhili Elingcwele LesiNdebele

⁸ Abatsha labadala ngokufanayo, abafundisayo lababefunda, baphosa inkatho.

1 ImiLando 25:8 ပူးပေါင်းရင်းမြစ်များ

1 ImiLando 15:22

UKenaniya umkhokheli wamaLevi ekuhlabeleni wayezahlabelisa ngoba wayekwazi.

1 ImiLando 24:31

Laba labo kanye lezihlobo zabo, amadodana kaAroni, baphosa inkatho phambi kwenkosi uDavida loZadoki loAhimeleki lenhloko zezindlu zabapristi lezamaLevi, indlu enkulu lencinyane kanyekanye.

1 ImiLando 24:5

Izigaba zamiswa ngenkatho, ngoba kwakulezinduna zendlu engcwele lezinduna zikaNkulunkulu emadodaneni kaEleyazare lakaIthamari.

1 ImiLando 25:2

emadodaneni kaAsafi kwakungoZakuri loJosefa loNethaniya loAsharela, bephethwe nguAsafi owayeprofetha ngokulaya kwenkosi.

1 ImiLando 25:9

Inkatho yokuqala yadla uJosefa wakoAsafi; eyesibili yadla uGedaliya, lezihlobo zakhe lamadodana akhe belitshumi lambili;

1 ImiLando 26:13

Benza inkatho ngesango ngesango ngezindlu zabo abancinyane labakhulu ngokufananayo.

1 ImiLando 26:16

UHosa wadliwa yinkatho yesango langasentshonalanga, leyesango laseShalekethi elingasemgwaqweni oya phezulu. Kwalinda abalindi ngabalindi.

2 ImiLando 23:13

wabona inkosi imi ngasensikeni yayo ngasemnyango, lezinduna labakhalisi bezimpondo beseceleni kwayo, labo bonke abantu belizwe bethokoza bakhalisa impondo, labahlabeleli bephethe izinto zokuhlabelela behola umkhosi wokuthokoza. UAthaliya wadabula izigqoko zakhe, wamemeza wathi: Umvukela! Umvukela!

UNehemiya 12:24

Inhloko zamaLevi zazingoHashabiya loSherebiya loJeshuwa loBinuwi loKadimiyeli, labafowabo ababesima maqondana labo ukudumisa lokubonga, njengomlayo kaDavida umuntu kaNkulunkulu, behlabela benikezelana.

Izaga 16:33

Inkatho yenziwa ngabantu, kodwa yiNkosi eyenza isiqumo.

ULevi 16:8

enze inkatho ngezimpongo ezimbili, enye inkatho ibe ngeyeNkosi lenye ibe ngekaAzazeli.

Imisebenzi 1:26

Basebebenzela inkatho; inkatho yadla uMathiyasi; wabalwa kanye labaphostoli abalitshumi lanye.