1 ImiLando 25:6 - iBhayibhili Elingcwele 1978

⁶ Bonke babephethwe nguyise ekuhlabeleni ethempelini ngezigubhu langamachacho langemihubhe enkonzweni yendlu kaNkulunkulu. OAsafi loJeduthuni loHemani babengaphansi kwenkosi.

IBhayibhili Elingcwele LesiNdebele

⁶ Wonke lamadoda ayephethwe ngoyise emsebenzini wokuhlabela ethempelini likaThixo, ngezigubhu, amachacho lemihubhe enkonzweni endlini kaNkulunkulu. U-Asafi, loJeduthuni kanye loHemani babengaphansi kwenkosi.

1 ImiLando 25:6 ပူးပေါင်းရင်းမြစ်များ

2 USamuyeli 6:5

UDavidi labo bonke abakoIsrayeli babesina phambi kweNkosi ngamandla wonke, behlabela, betshaya imihubhe, lamachacho, lezingungu, lamachachwana lezigubhu.

1 AmaKhosi 10:12

Ngezigodo zomkampa inkosi yenza insika zethempeli lezendlu yayo, yenza lemihubhe lamachacho abahlabeleli; kakuzanga kulethwe futhi izigodo zomkampa ezinengi kangaka kuze kube lamuhla.

1 ImiLando 15:16

UDavida waselaya izinduna zamaLevi ukumisa izihlobo zazo zibe ngabahlabeli bokutshaya amachacho lemihubhe lezigubhu, besenza umsindo othokozisayo.

1 ImiLando 15:19

Abahlabeleli oHemani loAsafi loEthani babezatshaya izigubhu zethusi.

1 ImiLando 15:22

UKenaniya umkhokheli wamaLevi ekuhlabeleni wayezahlabelisa ngoba wayekwazi.

1 ImiLando 23:5

ayizinkulungwane ezine ukuba ngabagcini bamasango; ayizinkulungwane ezine ukudumisa iNkosi ngezinto zokuhlabelela ayezenzele ukudumisa.

2 ImiLando 20:28

Bangena eJerusalema betshaya amachacho lemihubhe lezimpondo zokukhaliswa, baya ethempelini.

2 ImiLando 23:13

wabona inkosi imi ngasensikeni yayo ngasemnyango, lezinduna labakhalisi bezimpondo beseceleni kwayo, labo bonke abantu belizwe bethokoza bakhalisa impondo, labahlabeleli bephethe izinto zokuhlabelela behola umkhosi wokuthokoza. UAthaliya wadabula izigqoko zakhe, wamemeza wathi: Umvukela! Umvukela!

2 ImiLando 29:13

kwabakoElizafani kwakungoShimiri loJewuweli; kwabakoAsafi kwakungoZekariya loMathaniya;

2 ImiLando 29:25

Wasebeka amaLevi ethempelini leNkosi elezigubhu lamachacho lemihubhe, njengokulaywa kukaDavida lokukaGadi umboni weNkosi lokukaNathani umprofethi; ngoba lumlayo wavela eNkosini ngabaprofethi bayo.

UNehemiya 11:17

loMathaniya indodana kaMika kaZabidi kaAsafi owayenguye owayeqalisa imikhuleko yokubonga; loBakibukiya owesibili phakathi kwabafowabo; loAbida indodana kaShamuwa kaGalali kaJeduthuni.

UNehemiya 12:24

Inhloko zamaLevi zazingoHashabiya loSherebiya loJeshuwa loBinuwi loKadimiyeli, labafowabo ababesima maqondana labo ukudumisa lokubonga, njengomlayo kaDavida umuntu kaNkulunkulu, behlabela benikezelana.

UNehemiya 12:46

Ngoba ensukwini zikaDavida uAsafi wabekwa waba yinduna yabahlabeleli bokudumisa lokubonga uNkulunkulu.

AmaHubo 68:25

Ngaphambili kuhamba abahlabelayo, ngemuva kulandela abatshayi bamachacho, phakathi kwabo kuhamba izintombi zitshaya izigubhu.

Abase-Efesu 5:19

Khulumisanani ngamahubo langezihlabelo langezingoma, lihlabelele ngokuhlabela okumnandi eNkosini ngenhliziyo zenu zonke,

AbaseKholose 3:16

Ilizwi likaKristu kalihlale phakathi kwenu ngokupheleleyo. Fundisanani lilayane ngokuhlakanipha konke. Hlabelelani amahubo lezihlabelo lengoma zokomoya, libonge uNkulunkulu enhliziyweni zenu.