1 ImiLando 25:1 - iBhayibhili Elingcwele 1978

¹ UDavida lezinduna zempi bahlukanisela inkonzo abanye bamadodana kaAsafi lakaHemani lakaJeduthuni ukuprofetha besizwa yimihubhe lamachacho lezigubhu. Nanka amabizo alaba ababezakuphatha linkonzo;

IBhayibhili Elingcwele LesiNdebele

¹ UDavida, elabalawuli bamabutho, wakhetha abanye bamadodana ka-Asafi, uHemani loJeduthuni emsebenzini wokuphrofetha, baphelekezelwa yimihubhe lamachacho lezigubhu. Nantu uluhlu lwamadoda ayesenza lowomsebenzi:

1 ImiLando 25:1 ပူးပေါင်းရင်းမြစ်များ

1 AmaKhosi 10:12

Ngezigodo zomkampa inkosi yenza insika zethempeli lezendlu yayo, yenza lemihubhe lamachacho abahlabeleli; kakuzanga kulethwe futhi izigodo zomkampa ezinengi kangaka kuze kube lamuhla.

2 AmaKhosi 3:15

Kodwake ngibizelani umtshayi wechacho. Kwathi umtshayi wechacho eselitshaya, amandla eNkosi ehlela kuElisha.

1 ImiLando 12:28

loZadoki ijaha elaliliqhawe, lezinduna ezingamatshumi amabili zosendo lwakibo.

1 ImiLando 13:8

UDavida labo bonke abakoIsrayeli babesina phambi kukaNkulunkulu ngamandla wonke, behlabela, betshaya imihubhe, lamachacho, lezingungu, lezigubhu, lezimpondo.

1 ImiLando 15:28

Ngakhoke bonke abakoIsrayeli bawuletha umtshokotsho wesivumelwano seNkosi ngokumemeza langokukhala kwezimpondo lokwezigubhu, betshaya amachacho lemihubhe.

1 ImiLando 23:2

UDavida wasebuthanisa zonke izinduna zakoIsrayeli labapristi lamaLevi.

1 ImiLando 25:2

emadodaneni kaAsafi kwakungoZakuri loJosefa loNethaniya loAsharela, bephethwe nguAsafi owayeprofetha ngokulaya kwenkosi.

1 ImiLando 25:3

Emadodaneni kaJeduthuni kwakungoGedaliya loZeri loJeshaya loShimeyi loHashabiya loMathithiya, beyisithupha, bephethwe nguyise uJeduthuni owayeprofetha esizwa ngumhubhe, bebonga bedumisa iNkosi.

1 ImiLando 25:9

Inkatho yokuqala yadla uJosefa wakoAsafi; eyesibili yadla uGedaliya, lezihlobo zakhe lamadodana akhe belitshumi lambili;

1 ImiLando 6:16

Amadodana kaLevi ayengoGerishoni loKohathi loMerari.

1 ImiLando 6:33

Nampa abantu abakhonzayo lamadodana abo; kumadodana amaKohathi kwakunguHemani umhlabeleli indodana kaJoweli kaSamuweli

1 ImiLando 6:39

UAsafi umfowabo kaHemani wema ngakwesokunene sakhe, uAsafi indodana kaBerekiya kaShimeya

1 ImiLando 6:44

Ngakwesokhohlo sabo kwakukhona umfowabo owenzalo kaMerari, uEthani indodana kaKishi kaAbidi kaMaluki

1 ImiLando 9:33

Laba bangabahlabeleli, beyizinhloko zezindlu zamaLevi; babehlala ezindlini zethempeli lapho bekhululekile kweminye imisebenzi, ngoba babefanele ukusebenza emini lebusuku.

2 ImiLando 23:1

Ngomnyaka wesikhombisa uJehoyada waqunga isibindi, wenza isivumelwano lezinduna zamakhulu, oAzariya indodana kaJerohamu loIshmayeli indodana kaJehohanani loAzariya indodana kaObedi loMahaseya indodana kaAdaya loElishafati indodana kaZikiri.

2 ImiLando 23:13

wabona inkosi imi ngasensikeni yayo ngasemnyango, lezinduna labakhalisi bezimpondo beseceleni kwayo, labo bonke abantu belizwe bethokoza bakhalisa impondo, labahlabeleli bephethe izinto zokuhlabelela behola umkhosi wokuthokoza. UAthaliya wadabula izigqoko zakhe, wamemeza wathi: Umvukela! Umvukela!

2 ImiLando 23:18

UJehoyada wabeka abalindi ethempelini bephathwe ngabapristi abangamaLevi langamaLevi uDavida ayebabeke ukukhangela ithempeli lokunikela iminikelo yokutshiswa eNkosini, njengokulotshiweyo emlayweni kaMose, ngokujabula langokuhlabela njengokumisa kukaDavida.

2 ImiLando 23:9

UJehoyada umpristi wazinika induna imikhonto lezihlangu ezinkulu lezincinyane ezazingezenkosi uDavida zisendlini kaNkulunkulu.

2 ImiLando 29:13

kwabakoElizafani kwakungoShimiri loJewuweli; kwabakoAsafi kwakungoZekariya loMathaniya;

2 ImiLando 29:14

kwabakoHemani kwakungoJehuweli loShimeyi; kwabakoJeduthuni kwakungoShemaya loUziyeli.

2 ImiLando 31:2

UHezekiya wasebeka abapristi lamaLevi ezikhundleni zabo, izigaba ngezigaba, wanika lowo lalowompristi lomLevi umsebenzi wakhe owokunikela umnikelo wokutshiswa lomnikelo wokuthula, lowokubongwa lokudumisa, lowokusebenza emasangweni ethempeli.

2 ImiLando 34:12

Abantu bawenza umsebenzi ngobuqotho bephethwe nguJahathi loObadiya amaLevi, abakoMerari, loZekariya loMeshulamu, abakoKohathi. AmaLevi wonke ayekwazi ukutshaya izinto zokuhlabelela

2 ImiLando 35:15

Abahlabeleli abakoAsafi babesendaweni yabo njengomlayo kaDavida lokaAsafi lokaHemani lokaJeduthuni umboni wenkosi; abagcini bamasango babesemasangweni; kwakungadingeki ukuba batshiye umsebenzi wabo ngoba izihlobo zabo amaLevi abalungisela.

2 ImiLando 5:12

abahlabeleli bonke bamaLevi oAsafi loHemani loJeduthuni, lamadoda abo lezihlobo zabo, begqoke amalembu amahle, bephethe izigubhu lamachacho lemihubhe, bema ngasempumalanga kwealtare kanye labapristi abalikhulu lamatshumi amabili bekhalisa izimpondo.

2 ImiLando 8:14

Ngesimiso sikaDavida uyise wamisa izigaba zabapristi zenkonzo yabo, lezamaLevi zokuhlabelela izindumiso lokusiza abapristi njengokufunekayo ngalolo lalolosuku, lezabalindi bamasango kulelo lalelosango; ngoba wayetsho njalo uDavida umuntu kaNkulunkulu.

U-Ezra 2:41

Nantu uluhlu lwabahlabeleli. AbakoAsafi babelikhulu lamatshumi amabili lesificaminwembili.

U-Ezra 6:18

Bamisa abapristi ngezigaba zabo, lamaLevi ngamaqembu awo, ukuphatha inkonzo kaNkulunkulu eJerusalema, njengokulotshiweyo ogwalweni lukaMose.

UNehemiya 11:17

loMathaniya indodana kaMika kaZabidi kaAsafi owayenguye owayeqalisa imikhuleko yokubonga; loBakibukiya owesibili phakathi kwabafowabo; loAbida indodana kaShamuwa kaGalali kaJeduthuni.

UNehemiya 12:24

Inhloko zamaLevi zazingoHashabiya loSherebiya loJeshuwa loBinuwi loKadimiyeli, labafowabo ababesima maqondana labo ukudumisa lokubonga, njengomlayo kaDavida umuntu kaNkulunkulu, behlabela benikezelana.

UNehemiya 12:27

Enkonzweni yokubongela ukwakhiwa komduli weJerusalema badinga amaLevi ezindaweni zawo wonke ukuba eze eJerusalema enkonzweni yokubonga, abonge ngokuthokoza, adumise ngokuhlabela ngezigubhu langamachacho langemihubhe.

AmaHubo 81:2

Hlabelani ingoma, litshaye isigubhu, lomhubhe okhala mnandi kanye lechacho.

AmaHubo 81:3

Vuthelani uphondo ekuthwaseni kwenyanga lasekugcwaleni kwayo esikhathini somkhosi wethu.

UHezekhiyeli 40:44

Wasengingenisa egumeni elingaphakathi, kwakukhona egumeni elingaphakathi izindlu ezimbili, enye ingasesangweni elingasenyakatho, ikhangele iningizimu, lenye ingasesangweni elingaseningizimu, ikhangele inyakatho.

1 USamuyeli 10:5

Emva kwalokho uzafika entabeni kaNkulunkulu lapho kuhlala khona ibutho lamaFilistiya; laphoke, nxa ufika nje emzini uzahlangana lexuku labaprofethi bevela endaweni ephakemeyo yokukhonzela betshaya amachacho, lesigubhu, lomhlanga, lomhubhe, beprofetha.