1 ImiLando 23:13 - iBhayibhili Elingcwele 1978

¹³ Amadodana kaAmramu ayengoAroni loMose. UAroni wehlukaniselwa ukunikela izinto ezingcwele kakhulu kuNkulunkulu, ukuba yena lamadodana akhe batshise impepha phambi kweNkosi lokuyikhonza lokubusisa ngebizo layo kuze kube nininini.

IBhayibhili Elingcwele LesiNdebele

¹³ Amadodana ka-Amramu yila: ngu-Aroni loMosi. U-Aroni wehlukaniselwa ukunikela izinto ezingcwele kakhulu kuThixo, ukuze yena lamadodana akhe batshise impepha phambi kukaThixo lokumkhonza lokubusisa ngebizo lakhe kuze kube nininini.

1 ImiLando 23:13 ပူးပေါင်းရင်းမြစ်များ

1 ImiLando 23:12

Amadodana kaKohathi ayengoAmramu loIzihari loHebroni loUziyeli, emane.

1 ImiLando 6:3

Abantwana bakaAmramu babengoAroni loMose loMiriyamu. Amadodana kaAroni ayengoNadabi loAbihu loEleyazare loIthamari.

1 ImiLando 6:34

kaElkana kaJerohamu kaEliyeli kaTowa

AmaHubo 106:16

Kwathi lapho besiba lomhawu ngoMose ezihonqweni langoAroni ongcwele weNkosi,

AmaHubo 99:6

UMose loAroni babephakathi kwabapristi bayo, loSamuweli laye wayephakathi kwabakhuleka ebizweni layo. Bakhuleka eNkosini, yabaphendula.

U-Eksodasi 28:36

Uzakwenza incence ngegolide elihle, ubhale kuyo njengokubhalwa kwendandatho ukuthi: Wahlukaniselwe iNkosi.

U-Eksodasi 29:44

Ngizakwahlukanisela ithente lokuhlangana lealtare, ngibahlukanisele njalo loAroni lamadodana akhe ukuba babe ngabapristi bokuphatha umsebenzi wami.

U-Eksodasi 6:20

UAmramu wathatha uJokebedi udadewaboyise, waba ngumkakhe. Wazala uAroni loMose. Iminyaka yokuhamba kukaAmramu yayilikhulu lamatshumi amathathu lesikhombisa.

ULevi 10:10

Lizakwehlukanisa okungcwele lokungangcwele, lokuhlambulukileyo lokungahlambulukanga;

AmaNani 18:1

INkosi yasisithi kuAroni: Wena, lamadodana akho, lesizwe sikayihlo, lizakuthwala ububi obenziwayo endlini engcwele; futhi wena lamadodana akho lizakuthwala ububi ngobupristi benu.

AmaNani 26:59

Obizo lomkaAmramu lalinguJokebedi indodakazi kaLevi, owazalelwa uLevi eGibithe; wazalela uAmramu oAroni loMose loMiriyamu udadewabo.

AmaNani 3:27

KuKohathi kwavela usendo lwamaAmramu, losendo lwamaIzihari, losendo lwamaHebroni, losendo lwamaUziyeli. Lezi zinsendo zamaKohathi.

ULukha 1:9

ngomkhuba wobupristi kwaba nguye owakhethelwa ukungena ethempelini leNkosi ukuba ayetshisa impepha.

Imisebenzi 13:2

Kwathi bekhonza iNkosi, bezila ukudla, uMoya oNgcwele wathi: Ngahlukaniselani oBarnabasi loSawuli ukuba baye emsebenzini engibabizele wona.

AbaseRoma 1:1

Mina Pawuli, inceku kaKristu Jesu ebizelwe ukuba ngumphostoli, yahlukaniselwa ivangeli likaNkulunkulu,

AbaseGalathiya 1:15

Kodwa kwaba kuhle kuNkulunkulu owangahlukanisela ngingakazalwa, wangibiza ngomusa wakhe,

UDutheronomi 10:8

Ngalesosikhathi iNkosi yazahlukanisela isizwe sakoLevi ukuba sithwale umtshokotsho wesivumelwano seNkosi, lokuba sime phambi kweNkosi, siyikhonze, sibusise ngebizo layo, kuze kube lamuhla.

UDutheronomi 21:5

Abapristi, amadodana kaLevi, bazakusondela; ngoba iNkosi uNkulunkulu wenu ibakhethile ukuba bayikhonze, babusise ebizweni layo, lokuba ngamazwi abo kungaqunywa indaba zokuxabana lokutshaya.

AmaHebheru 5:4

Kakulamuntu ozithathela lesisikhundla, kodwa ubizelwa kuso nguNkulunkulu njengoAroni.

Isambulo 8:3

Kwasekufika esinye isithunywa, sema ngasealtare siphethe umganu wegolide wokutshisela impepha; sanikwa impepha enengi ukuba siyinikele kanye lemikhuleko yabo bonke abangcwele phezu kwealtare legolide eliphambi kwesihlalo sobukhosi.

1 USamuyeli 2:28

Ngamkhetha yena kuzo zonke izizwe zakoIsrayeli ukuba abe ngumpristi wami, aye ealtareni lami, atshise impepha, agqoke ingubo yamahlombe phambi kwami; ngayinika indlu kayihlo yonke iminikelo yokutshiswa yabantu bakoIsrayeli.