1 ImiLando 22:5 - iBhayibhili Elingcwele 1978

⁵ UDavida wathi: USolomoni indodana yami usengumfana, kakabi lakwazi, indlu ezakwakhelwa iNkosi uNkulunkulu kumele ibe nkulu, ibatshazwe ibe lodumo emazweni wonke. Ngakhoke mina ngizakwenza amalungiselelo ngayo. Ngakho uDavida wasedingake impahla ezinengi zokwakha engakafi.

IBhayibhili Elingcwele LesiNdebele

⁵ UDavida wasesithi, “Indodana yami uSolomoni isengumntwana njalo ayikabi lolwazi, ngoba phela indlu ezakwakhelwa uThixo kumele ibe yindlu ebukekayo kakhulu ibe lodumo lesithunzi emehlweni ezizwe zonke. Ngakho ngizalungiselela ukwakhiwa kwayo.” Yikho uDavida walungiselela ngokujulileyo esaphila.

1 ImiLando 22:5 ပူးပေါင်းရင်းမြစ်များ

1 AmaKhosi 3:7

Ngakhoke, Nkosi Nkulunkulu wami, uyenzile inceku yakho yaba yinkosi esikhundleni sikababa uDavida, lanxa mina ngingumntwana nje ongakwaziyo ukuziphatha.

1 AmaKhosi 9:8

Lindlu izakuba lunxiwa, kuthi wonke umuntu odlulayo kiyo amangale ancife, athi: INkosi ikwenzeleni okunje kulelilizwe lakulindlu na?

1 ImiLando 29:1

Inkosi uDavida yathi ebandleni lonke: Umntanami uSolomoni onguye yena yedwa okhethwe nguNkulunkulu usengumfana, kalalwazi, lomsebenzi mkhulu; ngoba lesisigodlo kasiso somuntu, kodwa ngeseNkosi uNkulunkulu.

2 ImiLando 13:7

labantu abathile ababi bamlandela, bamdelela uRehobowamu indodana kaSolomoni lapho esesengumfana engakabi lakwazi, engakabi lamandla okumelana labo.

2 ImiLando 2:4

Sengizimisele ukwakhela ibizo leNkosi uNkulunkulu wami indlu, ngiyahlukanisele iNkosi ukuba ngitshisele khona impepha elephunga elihle, lokunikela insuku zonke izinkwa ezahlukaniselwe uNkulunkulu, leminikelo yokutshiswa ekuseni lantambama, langamaSabatha, langezikhathi zokuthwasa kwenyanga, langezikhathi zemikhosi emisiweyo yeNkosi uNkulunkulu wethu, njengokumiselwe uIsrayeli kuze kube nininini.

2 ImiLando 2:5

Indlu engizayakha izakuba nkulu, ngoba uNkulunkulu wethu mkhulu kulabonkulunkulu bonke.

2 ImiLando 2:8

Ungithumele imikusu lamaphane lemikampa evela eLebanoni, ngoba ngiyazi ukuthi inceku zakho ziyakwazi ukugamula izihlahla zaseLebanoni; inceku zami zizasebenza lezakho,

2 ImiLando 7:21

Lindlu edumileyo wonke umuntu odlulayo amangale ngayo athi: INkosi ikwenzeleni okunje kulelilizwe lakulindlu na?

U-Ezra 3:12

Kodwa abanengi babapristi lamaLevi lezinhloko zezindlu, abadala ababeyibonile indlu yokuqala, bakhala kakhulu lapho bebona isisekelo salindlu sesibekiwe; kodwa abanye bamemeza kakhulu ngokuthokoza.

Izaga 4:3

Lapho ngangingumntwana kababa, ngingumntwanyana oyedwa kamama,

UmTshumayeli 9:10

Lokho okwenzayo ukwenze kuhle, ngoba kawukho umsebenzi lomcabango lolwazi lokuhlakanipha endaweni yabafileyo lapho uya khona.

U-Isaya 64:11

Indlu yethu engcwele lemangalisayo, lapho obaba babekudumisela khona, itshisiwe ngomlilo, lazo zonke indawo zethu ezithandekayo sezingamanxiwa.

UHezekhiyeli 7:20

Babeziqhenya ngobuhle beziceciso zabo abenza ngazo imifanekiso lezithombe ezinengisayo. Ngakhoke ngizazenza zibe yizinto ezingcolileyo kibo.

UHagayi 2:3

uthi: Ngubani osekhona phakathi kwenu owabona lindlu ebuhleni bayo bakuqala na? Kambe injani khathesi na? Kayisize emehlweni enu na?

UHagayi 2:9

Ubuhle bokucina balindlu buzakuba bukhulu kulobokuqala, kutsho iNkosi yamabandla; lakulindawo ngizanika ukuthula.

ULukha 21:5

Besakhuluma abanye ngethempeli ukuthi liceciswe ngamatshe amahle langezipho, wathi kibo:

UJohane 13:1

Umkhosi wePhasika wawusuzafika. UJesu wayekwazi ukuthi isikhathi sakhe sasesifikile ukuba asuke kulumhlaba aye kuYise. Wayebathandile abakhe abasemhlabeni, wabathanda kakhulu.

UJohane 3:30

Umele ukukhula yena, mina nginciphe.

UJohane 9:4

Kufanele sisebenze imisebenzi yongithumileyo kusesemini; ubusuku buyeza lapho kungesebenze muntu.