1 ImiLando 22:19 - iBhayibhili Elingcwele 1978

¹⁹ Vusani ingqondo zenu lenhliziyo zenu ukudinga iNkosi uNkulunkulu wenu. Qalisani ukwakha indlu yeNkosi uNkulunkulu, ukuze umtshokotsho wesivumelwano seNkosi lezitsha zikaNkulunkulu ezingcwele zingeniswe endlini eyakhelwe ibizo layo.

IBhayibhili Elingcwele LesiNdebele

¹⁹ Ngakho nikelani inhliziyo zenu ekufuneni uThixo uNkulunkulu wenu. Qalisani ukwakha indlu kaThixo uNkulunkulu, ukuze ibhokisi lesivumelwano sikaThixo lezitsha zikaThixo ezingcwele kungeniswe ethempelini elizakwakhelwa iBizo likaThixo.”

1 ImiLando 22:19 ပူးပေါင်းရင်းမြစ်များ

1 AmaKhosi 5:3

Uyazi ukuba ubaba uDavida wehluleka ukuyakhela iNkosi uNkulunkulu indlu yokukhonzela ngenxa yezimpi ayezilwa lezitha zakhe inxa zonke, iNkosi yaze yazenza zaba ngaphansi kwakhe.

1 AmaKhosi 8:21

Ngawulungisela khona indawo umtshokotsho wesivumelwano seNkosi eyasenza labokhokho bethu ekubakhupheni kwayo eGibithe.

1 AmaKhosi 8:6

Abapristi basebewungenisa umtshokotsho wesivumelwano seNkosi endaweni yawo endlwaneni engaphakathi kwendlu, eyindawo engcwele kakhulu, bawubeka ngaphansi kwempiko zamakherubi.

1 ImiLando 16:10

Jabulani ebizweni layo elingcwele; kazithokoze inhliziyo zabo abafuna iNkosi.

1 ImiLando 16:11

Funani iNkosi lamandla ayo, liyidinge yona njalonjalo.

1 ImiLando 22:16

ezikwaziyo ukusebenza ngegolide lesiliva lethusi lensimbi. Qalisake ukusebenza; iNkosi ibe lawe!

1 ImiLando 22:7

Wathi kuSolomoni: Mntanami, ngangizimisele ukwakhela ibizo leNkosi uNkulunkulu kaIsrayeli indlu.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 ImiLando 20:3

UJehoshafati wethuka, wazimisela ukuyidinga iNkosi uNkulunkulu, wamemezela ukuba kuzilwe ukudla kulo lonke lakoJuda.

2 ImiLando 5:7

Abapristi basebewungenisa umtshokotsho wesivumelwano seNkosi endaweni yawo, endlwaneni engaphakathi eyindawo engcwele kakhulu, bawubeka ngaphansi kwempiko zamakherubi.

2 ImiLando 6:11

Ngiwubeke khona umtshokotsho wesivumelwano seNkosi eyasenza labantu bakoIsrayeli.

AmaHubo 119:2

Babusisiwe abagcina imilayo yayo, abayidingayo ngenhliziyo yonke,

AmaHubo 14:2

INkosi iyabakhangela abantu isezulwini, ukuba ibone ukuthi ukhona yini owenza okuqondileyo, ofuna uNkulunkulu.

AmaHubo 27:4

Into yinye engiyicela eNkosini engizakuyifunisisa, yikuba ngihlale endlini yeNkosi insuku zonke zokuphila kwami, ukuba ngibone ubuhle beNkosi, ngibuke ithempeli layo.

U-Eksodasi 25:8

Kabangenzele indlu engcwele ukuba ngihlale phakathi kwabo.

U-Isaya 60:1

Vuka, Jerusalema, ukhanye, ngoba ukukhanya kwakho sekufikile, lenkazimulo yeNkosi isikhanya phezu kwakho.

UJeremiya 29:13

Lizakungidinga, lingifumane; lapho lingifunisisa ngayo yonke inhliziyo yenu,

UDanyeli 9:3

Ngasengikhuleka eNkosini uNkulunkulu, ngayincenga, ngizila ukudla, ngigqoke izambatho zokulila, ngihlezi esilotheni.

UHagayi 1:5

Ngakhoke iNkosi yamabandla ithi: Ake libone ukuthi izinto zilimele njani.

UHagayi 1:8

Khwelani ezintabeni ligamule izigodo, lakhe indlu engithokozisayo, lapho ngingabonakalisa khona udumo lwami, kutsho iNkosi.

Imisebenzi 11:23

Kwathi ukuba afike, wabona umusa kaNkulunkulu, wathokoza, wabalaya bonke ukuba babambelele eNkosini ngokuzimisela kwenhliziyo.

Imisebenzi 22:16

Pho, usalindeleni na? Sukuma, ubhaphathizwe, uhlanjululwe ezonweni zakho ngokukhuleka ebizweni lakhe.

UDutheronomi 4:29

Kodwa uba lilapho liyifune iNkosi uNkulunkulu wenu, lizayifumana uba liyidinga ngenhliziyo yenu yonke langomphefumulo wenu wonke.