1 ImiLando 21:12 - iBhayibhili Elingcwele 1978

¹² iminyaka emithathu yendlala, loba ukuhlutshwa yizitha zakho okwenyanga ezintathu lokuhlaselwa yimpi yazo, ingabe insuku ezintathu zokuhlaselwa ngumkhonto weNkosi oletha umkhuhlane elizweni lesithunywa seNkosi siletha ukuchitheka kulo lonke ilizwe lakoIsrayeli. Ake ucabange, ubone ukuba yimpendulo bani engizayibuyisela kongithumileyo.

IBhayibhili Elingcwele LesiNdebele

¹² iminyaka emithathu yendlala, loba izinyanga ezintathu zokududulwa uxotshwa yizitha zakho, ngenkemba zazo zikukhulela, loba insuku ezintathu zokumelana lenkemba kaThixo, kuyikuthi kuyabe kuyisifo elizweni, ingilosi kaThixo iletha incithakalo kulolonke elako-Israyeli.’ Ngakho, khathesi khetha ukuthi ngifike ngithini kulo ongithumileyo.”

1 ImiLando 21:12 ပူးပေါင်းရင်းမြစ်များ

2 USamuyeli 21:1

Kwaba khona indlala ensukwini zikaDavida iminyaka emithathu ngokulandelana; uDavida wabuza iNkosi uNkulunkulu. Yathi: USawuli ulecala legazi kanye lendlu yakhe, ngoba wabulala abaseGibeyoni.

1 AmaKhosi 17:1

UElija waseTishibi eGileyadi wathi kuAhabi: Ngifunga iNkosi, uNkulunkulu kaIsrayeli, engiyinceku yayo, ukuthi kakuyikuba khona amazolo lezulu kuliminyaka ngaphandle kwelizwi lami.

2 AmaKhosi 19:35

Ngalobobusuku isithunywa seNkosi sasuka sayabulala izinkulungwane ezilikhulu lamatshumi aficaminwembili lanhlanu ezihonqweni zamaAsiriya. Kwathi abantu bevuka ekuseni kakhulu babona bonke laba sebeyizidumbu kuphela.

2 AmaKhosi 8:1

UElisha wayethe kowesifazana ayesemvusele umntanakhe: Suka, uhambe lendlu yakho, uyedinga indawo lapho ungahlala khona; ngoba iNkosi izaletha indlala elizweni iminyaka eyisikhombisa.

1 ImiLando 21:11

UGadi wasefika kuDavida wathi kuye: INkosi ithi: Zikhethele okufunayo,

AmaHubo 91:6

lomkhuhlane ohambayo emnyameni, lokufa okubhubhisayo emini enkulu.

U-Eksodasi 12:23

Ngoba iNkosi izadabula ilizwe ukuba ibulale amaGibithe; nxa ibona igazi emgubazini lasensikeni zombili zomnyango, izakudlula lowomnyango ingavumeli umbulali ukuba angene ezindlini zenu ukulibulala.

U-Isaya 66:16

Ngoba iNkosi izakwahlulela ngomlilo langomkhonto wayo bonke abantu, banengi ezakubabulala.

UJeremiya 12:12

Abaphangi bafikile phezu kwawo wonke amadundulu angelalutho asenkangala, ngoba umkhonto weNkosi uyadla kusukela komunye umkhawulo welizwe kusiya komunye, kakho olokuthula.

UJeremiya 42:16

impi eliyesabayo izalifica khona elizweni laseGibithe, lendlala eliyesabayo izalilandela eGibithe, lifele khona.

UJeremiya 47:6

Hawu, mkhonto weNkosi! koze kube nini ungakhawuli na? Buyela emgodleni wakho, uhlale uphumule.

Izililo 4:9

Babengcono abafela empini kulabo ababulawa yindlala, abafa bebulawa yikuswela izithelo zasemasimini.

ULevi 26:10

Lizakudla okwesivuno esidala, likhuphe esidala ukuba lifake esitsha.

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

ULukha 4:25

Kodwa ngeqiniso ngithi kini: Kwakukhona koIsrayeli abafelwakazi abanengi ensukwini zikaElija, lapho izulu lalivalekile iminyaka emithathu lenyanga eziyisithupha, kwaba khona indlala enkulu elizweni lonke;

Imisebenzi 12:23

Masinyane isithunywa seNkosi samtshaya, ngoba kamdumisanga uNkulunkulu; wadliwa zimpethu, wafa.

UDutheronomi 28:15

Kodwa uba lingalaleli ilizwi leNkosi uNkulunkulu wenu, lingagcini kuhle yonke imilayo yayo lazo zonke izahlulelo zayo engililaya zona lamuhla, leziziqalekiso zonke zizakuba phezu kwenu zilehlele.

UDutheronomi 28:22

INkosi izakulitshaya ngofuba, langomkhuhlane, langokuvuvuka komzimba, langokutshisa okukhulu, langendlala, langokuhanguka, langengumane; konke lokhu kuzakulixotsha lize libhubhe.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

UDutheronomi 28:27

INkosi izakukwehlisela amathumba aseGibithe, lamaqhubu, loqweqwe, lenkomo, elingelakwelatshwa kukho.

UDutheronomi 28:35

INkosi izakukutshaya emadolweni lasemilenzeni ngamathumba amabi ongelakwelatshwa kuwo, kusukela enyaweni zakho kuze kube sekhanda lakho.