1 ImiLando 19:6 - iBhayibhili Elingcwele 1978

⁶ Lapho amaAmoni esebonile ukuthi aseyisinengiso kuDavida, uHanuni lamaAmoni bathumela amathalenta esiliva ayinkulungwane ukuqatsha inqola zokulwa labagadi bamabhiza eMesopotamiya leAramu‐Mahaka laseZoba.

IBhayibhili Elingcwele LesiNdebele

⁶ Kwathi ama-Amoni esebonile ukuthi asenuka emakhaleni kaDavida, uHanuni lama-Amoni bathumela amathalenta esiliva ayinkulungwane okuqhatsha izinqola zokulwa labatshayeli bazo e-Aramu Naharayimu, le-Aramu-Mahakha laseZobha.

1 ImiLando 19:6 ပူးပေါင်းရင်းမြစ်များ

UGenesisi 34:30

UJakobe wasesithi kuSimeyoni loLevi: Lingihluphile, lingenze ukuba ngibe ngonengekayo phakathi kwabantu belizwe, phakathi kwamaKanani lamaPerizi; njengoba siyingcosana, bazakungihlanganyela bangibulale, ngichitheke mina lendlu yami.

2 USamuyeli 10:6

Lapho amaAmoni esebonile ukuba aseyisinengiso kuDavida, aqatsha amaSiriya aseBeti‐Rehobi lawaseZoba, amabutho ahamba ngenyawo ayeyizinkulungwane ezingamatshumi amabili, lenkosi yaseMahaka ilabantu abayinkulungwane, labantu baseTobi abazinkulungwane ezilitshumi lambili.

2 USamuyeli 8:3

UDavida wabuya wahlasela wanqoba uHadadezeri indodana kaRehobi inkosi yaseZoba, ekuhambeni kwakhe ukubuyisa umbuso wakhe ngasemfuleni iYufrathi.

1 ImiLando 18:5

Lapho amaSiriya aseDamaseko efika ukusiza uHadadezeri inkosi yaseZoba, uDavida wabulala abantu abazinkulungwane ezingamatshumi amabili lambili kuwo;

1 ImiLando 18:9

Lapho uTowu inkosi yaseHamathi esizwa ukuthi uDavida uyahlule yonke impi kaHadadezeri inkosi yaseZoba,

1 ImiLando 19:5

Esekubikelwe lokho uDavida wathumela umuntu ukuzihlangabeza, ngoba ayeselenhloni kakhulu lawomadoda; wasesithi: Hlalani eJeriko zize zihlume indevu zenu, beselibuyake.

2 ImiLando 18:3

UAhabi inkosi yakoIsrayeli wasesithi kuJehoshafati inkosi yakoJuda: Uzaphuma lami ukuyakulwa eRamothi‐Gileyadi na? UJehoshafati wathi: Okwami ngokwakho, lami uqobo labantu bami. Sizakuba lawe empini.

2 ImiLando 18:5

Inkosi yakoIsrayeli yasibuthanisa abaprofethi baba ngamakhulu amane, yathi kubo: Ngiyehlasela iRamothi‐Gileyadi kumbe ngingayi na? Bona bathi: Hamba, ngoba iNkosi uNkulunkulu izalinikela esandleni sakho.

2 ImiLando 18:9

Inkosi yakoIsrayeli loJehoshafati inkosi yakoJuda babehlezi ezihlalweni zabo zobukhosi, begqoke izambatho zabo zobukhosi, besesizeni ngasesangweni leSamariya, bonke abaprofethi babeprofetha phambi kwabo.

2 ImiLando 25:6

Wabuya waqatsha koIsrayeli amaqhawe alamandla azinkulungwane ezilikhulu ngamathalenta esiliva alikhulu.

2 ImiLando 27:5

Walwa lenkosi yamaAmoni, wayinqoba; wona amnika ngalowomnyaka amathalenta esiliva alikhulu, lamasaka amabele azinkulungwane ezilitshumi lesikhombisa kanye lawebhali azinkulungwane ezilitshumi lesikhombisa. Amnika okufananayo ngomnyaka wesibili langowesithathu.

AmaHubo 14:3

Balahlekile bonke, bonke bonakele; kakho owenza okuhle, kakho loyedwa.

AmaHubo 46:9

Iyaqeda ukulwa endaweni zonke; iqamula idandili, yaphule umkhonto, lezihlangu izitshisa ngomlilo.

U-Eksodasi 5:21

zathi kubo: INkosi ilibone ilitshaye; ngoba lisenze sazondeka kuFaro lasencekwini zakhe; libeke umkhonto ezandleni zazo ukuba zisibulale.

ULukha 10:16

Olizwayo lina uyangizwa mina; olalayo lina uyangala mina; ongalayo mina uyamala ongithumileyo.

1 AbaseThesalonika 4:8

Ngakhoke lowo odelela lokhu kadeleli muntu, kodwa udelela uNkulunkulu olinika uMoya wakhe oNgcwele.

1 USamuyeli 13:4

Bonke abakoIsrayeli bezwa kuthiwa uSawuli ubulele induna yamaFilistiya lokuthi uIsrayeli useyisinengiso kumaFilistiya. Abantu bonke babizwa ukulandela uSawuli eGiligali.

1 USamuyeli 14:47

Lapho uSawuli esebusa koIsraeli, walwa lezitha zakhe zonke inxa zonke, walwa lamaMowabi, lamaAmoni, lamaEdoma, lamakhosi aseZoba, lamaFilistiya; loba kungaphi lapho aphendukela khona wanqoba.

1 USamuyeli 27:12

UAkishi wamthemba uDavida wathi: Uzenze wazondeka ebantwini bakibo koIsrayeli. Ngakhoke uzakuba yinceku yami kuze kube nininini.