1 ImiLando 18:12 - iBhayibhili Elingcwele 1978

¹² UAbishayi indodana kaZeruya wabulala amaEdoma azinkulungwane ezilitshumi lesificaminwembili esihotsheni seTshwayi;

IBhayibhili Elingcwele LesiNdebele

¹² U-Abhishayi indodana kaZeruya watshaya wabhuqa ama-Edomi azinkulungwane ezilitshumi lasificaminwembili eSigodini seTswayi.

1 ImiLando 18:12 ပူးပေါင်းရင်းမြစ်များ

2 USamuyeli 10:10

Abanye abaseleyo wabanikeza kuAbishayi umfowabo, owabahlela ukuba balwe lamaAmoni.

2 USamuyeli 10:14

Lapho amaAmoni ebona ukuba amaSiriya ayabaleka, abaleka lawo phambi kukaAbishayi, angena emzini. UJowabi wasebuya ekulweni lamaAmoni, waya eJerusalema.

2 USamuyeli 20:6

UDavida wasesithi kuAbishayi: USheba indodana kaBikiri isizakwenza okubi kakhulu ukudlula okukaAbisalomu; thatha inceku zenkosi yakho, uxotshane laye, funa azuze imizi ebiyelweyo, aphunyuke.

2 USamuyeli 21:17

Kodwa uAbishayi indodana kaZeruya wamlamulela, wamtshaya umFilistiya wambulala. Abantu bakaDavida basebefunga kuye besithi: Kawusayikuphuma impi lathi, funa ucime isibane sikaIsrayeli.

2 USamuyeli 23:18

UAbishayi, umfowabo kaJowabi indodana kaZeruya, wayeyinduna yabangamatshumi amathathu. Wagiya ngomkhonto wakhe phezu kwabangamakhulu amathathu ayebabulele, wazizuzela ibizo phakathi kwalabo abangamatshumi amathathu.

2 USamuyeli 3:30

UJowabi loAbishayi umfowabo bambulala uAbineri, ngoba wayebulele umfowabo uAsaheli empini, eGibeyoni.

2 USamuyeli 7:13

Yena uzakwakhela ibizo lami indlu; ngizaqinisa isihlalo sobukhosi sombuso wakhe kuze kube nininini.

1 AmaKhosi 11:15

Kwathi uDavida eseEdoma, uJowabi induna yempi wayangcwaba ababuleweyo, wabulala bonke abesilisa baseEdoma.

2 AmaKhosi 14:7

Wabulala amaEdoma azinkulungwane ezilitshumi esihotsheni seTshwayi, wathumba iSela, walibiza ngokuthi yiJokitheli, elilibizo lalo kuze kube lamuhla.

1 ImiLando 11:20

UAbishayi umfowabo kaJowabi wayeyinduna yabangamatshumi amathathu. Wagiya ngomkhonto wakhe phezu kwabangamakhulu amathathu, wababulala, wazizuzela ibizo phakathi kwalabo abangamatshumi amathathu.

1 ImiLando 18:11

lalezo inkosi uDavida yazahlukanisela iNkosi kanye lesiliva legolide ayekuthumbe ezizweni zonke, eEdoma, eMowabi lakumaAmoni lakumaFilistiya leAmaleki.

1 ImiLando 18:13

wabeka amabutho okulinda eEdoma; abasEdoma baba zinceku zikaDavida. INkosi yamnika uDavida ukunqoba endaweni zonke aya kuzo.

1 ImiLando 19:11

abanye abaseleyo wabanikeza kuAbishayi umfowabo, owabahlela ukuba balwe lamaAmoni.

1 ImiLando 2:16

odadewabo babengoZeruya loAbigayili. Amadodana kaZeruya ayengoAbishayi loJowabi loAsaheli, bebathathu.

2 ImiLando 25:11

Kodwa uAmaziya waqunga isibindi, wabakhupha abantu bakhe, waya esihotsheni seTshwayi, wabulala abantu baseSeyiri abazinkulungwane ezilitshumi.

AmaHubo 60:1

Nkulunkulu, usilahlile, wasichitha, ubuthukuthele, akusivuselele.

AmaHubo 60:2

Uwuzamazamisile umhlaba, wawudabula izimfa; vala izimfa zawo, ngoba uyazamazama.

1 USamuyeli 26:6

UDavida wasesithi kuAhimeleki umHethi, lakuAbishayi indodana kaZeruya, umfowabo kaJowabi: Ngubani ozahamba lami kuSawuli ezihonqweni na? UAbishayi wathi: Ngizahamba lawe.

1 USamuyeli 26:8

UAbishayi wathi kuDavida: UNkulunkulu unikele isitha sakho esandleni sakho lamuhla; kahle ngimgwazele phansi ngomkhonto, ngimjuqe kanye.