1 ImiLando 17:22 - iBhayibhili Elingcwele 1978

²² Wazimisela abantu bakho uIsrayeli ukuba babe ngabakho kuze kube nini lanini: wena Nkosi, waba nguNkulunkulu wabo.

IBhayibhili Elingcwele LesiNdebele

²² Wabenza abantu bakho u-Israyeli baba ngabantu bakho kuze kube nini lanini, njalo wena, Thixo, usunguNkulunkulu wabo.

1 ImiLando 17:22 ပူးပေါင်းရင်းမြစ်များ

UGenesisi 17:7

Ngizamisa isivumelwano sami phakathi kwami lawe, lenzalo yakho emva kwakho ezizukulwaneni zayo, isivumelwano esingapheliyo sokuba ngibe nguNkulunkulu wakho lowenzalo yakho emva kwakho.

2 USamuyeli 7:24

Wazimisela abantu bakho uIsrayeli ukuba babe ngabantu bakho kuze kube nini lanini, wena Nkosi waba nguNkulunkulu wabo.

1 AmaKhosi 10:9

Kayibongwe iNkosi uNkulunkulu wakho ekuthandileyo, yakubeka ukuba ubuse uIsrayeli. Ngoba iyamthanda uIsrayeli kokuphela, ikubekile waba yinkosi ukuze ubuse ngomthetho langokulunga.

1 ImiLando 17:21

Yisiphi isizwe emhlabeni esinjengabantu bakho uIsrayeli, Nkulunkulu, owazihlengela bona babe ngabantu bakho, wazenzela udumo ngezenzo ezinkulu lezesabekayo ngokuxotsha izizwe ngaphambi kwabantu bakho owabahlenga eGibithe na?

1 ImiLando 17:23

Khathesike, Nkosi, akuqinise ilizwi owalikhuluma ngenceku yakho langendlu yayo kuze kube nininini, wenze njengokukhuluma kwakho.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

1 USamuyeli 12:22

Ngoba iNkosi kayikubalahla abantu bayo ngenxa yebizo layo elikhulu, ngoba kwaba kuhle kuyo ukuzenzela lina libe ngabantu bayo.