1 ImiLando 16:34 - iBhayibhili Elingcwele 1978

³⁴ Bongani iNkosi ngoba ilungile, uthando lwayo olungapheliyo lumi kokuphela.

IBhayibhili Elingcwele LesiNdebele

³⁴ Bongani uThixo ngoba ulungile. Uthando lwakhe olungapheliyo lumi kokuphela.

1 ImiLando 16:34 ပူးပေါင်းရင်းမြစ်များ

1 ImiLando 16:33

Ng’khonake zizahlabela ngokuthokoza izihlahla zamahlathi phambi kweNkosi, ngoba iyeza ukwahlulela umhlaba.

1 ImiLando 16:41

Babekanye laboHemani loJeduthuni labanye ababekhethiwe bamiswa ukubonga iNkosi ngothando lwayo olungapheliyo, olumi kuze kube nininini.

2 ImiLando 20:21

Kwathi esekhulumisene labantu wakhetha labo abazahlabelela iNkosi, bayidumise begqoke izambatho ezingcwele, behamba phambi kwebutho behlabela besithi: Ibongeni iNkosi, uthando lwayo olungapheliyo lumi kuze kube nininini.

2 ImiLando 5:13

Kwakungumsebenzi wabakhalisi bezimpondo labahlabeleli ukuba bahlabele kanyekanye ekudumiseni lekubongeni iNkosi sekuhlatshelwa ingoma, kukhaliswa impondo lezigubhu lezinye izinto zokuhlabela, kudunyiswa iNkosi kuthiwa: Ngoba ilungile, uthando lwayo olungapheliyo lumi kuze kube nininini; indlu yagcwala intuthu yeyezi,

2 ImiLando 7:3

Kwathi lapho bonke abakoIsrayeli bebona umlilo usehla lenkazimulo yeNkosi iphezu kwethempeli, bathi mbo ngobuso phansi endaweni egandelweyo, badumisa bebonga iNkosi besithi: Ngoba ilungile, uthando lwayo olungapheliyo lumi kuze kube nininini.

U-Ezra 3:11

Baphendulana ngokuhlabela bedumisa bebonga iNkosi besithi: Ngoba iNkosi ilungile, lothando lwayo olungapheliyo lumi kuze kube nininini kuIsrayeli. Bonke abantu bamemeza kakhulu ekuyidumiseni kwabo iNkosi, ngoba isisekelo sethempeli sasesibekiwe.

AmaHubo 100:5

Ngoba iNkosi ilungile; lothando lwayo olungapheliyo lumi kuze kube nininini, lobuqotho bayo ezizukulwaneni zonke.

AmaHubo 105:1

Bongani iNkosi, litshumayele ibizo layo, lizazise phakathi kwabantu izenzo zayo.

AmaHubo 106:1

Dumisani iNkosi! Ibongeni iNkosi ngoba ilungile, ngoba uthando lwayo olungapheliyo kumi kuze kube nininini.

AmaHubo 107:1

Ibongeni iNkosi, ngoba ilungile, ngoba uthando lwayo kalulakuphela.

AmaHubo 118:1

Bongani iNkosi, ngoba ilungile; uthando lwayo olungapheliyo lumi kuze kube nininini.

UJeremiya 33:11

ilizwi lokuthaba lelizwi lokuthokoza, ilizwi lomyeni lelomlobokazi, lelizwi labahlabelayo lapho beletha iminikelo yabo yokubonga ethempelini lami besithi: Bongani iNkosi yamabandla, ngoba ilungile, ngoba uthando lwayo olungapheliyo lumi kuze kube nininini. Ngoba ngizabuyisa abantu belizwe babe njengakuqala, kutsho iNkosi.