1 ImiLando 15:16 - iBhayibhili Elingcwele 1978

¹⁶ UDavida waselaya izinduna zamaLevi ukumisa izihlobo zazo zibe ngabahlabeli bokutshaya amachacho lemihubhe lezigubhu, besenza umsindo othokozisayo.

IBhayibhili Elingcwele LesiNdebele

¹⁶ UDavida watshela abakhokheli babaLevi ukuthi bakhethe abafowabo ukuthi babe ngabahlabeleli ukuze bahlabelele izingoma ezimnandi, betshaya amachacho lezigubhu lemihubhe.

1 ImiLando 15:16 ပူးပေါင်းရင်းမြစ်များ

1 ImiLando 13:8

UDavida labo bonke abakoIsrayeli babesina phambi kukaNkulunkulu ngamandla wonke, behlabela, betshaya imihubhe, lamachacho, lezingungu, lezigubhu, lezimpondo.

1 ImiLando 15:12

wathi kubo: Liyizinhloko zezindlu zamaLevi; zihlambululeni lina lezihlobo zenu ukuze lilethe umtshokotsho weNkosi, uNkulunkulu kaIsrayeli, endaweni engiyilungisele wona.

1 ImiLando 16:42

OHemani loJeduthuni babelezimpondo lezigubhu zokuhlabelela, lezinto zokutshayela uNkulunkulu. Amadodana kaJeduthuni abekwa esangweni.

1 ImiLando 16:5

UAsafi wayeyinduna yawo, elandelwa nguZekariya loJahaziyeli loShemiramothi loJehiyeli loMathithiya loEliyabi loBenaya loObedi‐Edoma loJeyiyeli ababezatshaya amachacho lemihubhe; uAsafi wayezatshaya izigubhe;

1 ImiLando 23:5

ayizinkulungwane ezine ukuba ngabagcini bamasango; ayizinkulungwane ezine ukudumisa iNkosi ngezinto zokuhlabelela ayezenzele ukudumisa.

1 ImiLando 6:16

Amadodana kaLevi ayengoGerishoni loKohathi loMerari.

2 ImiLando 20:19

AmaLevi abakoKohathi labakoKora asukuma ayidumisa iNkosi, uNkulunkulu kaIsrayeli, ngelizwi elikhulu.

2 ImiLando 30:12

Isandla seNkosi sasilabakoJuda ukubanika inhliziyonye ukwenza lokho inkosi lezikhulu ezazikutshilo ngelizwi leNkosi uNkulunkulu.

2 ImiLando 5:12

abahlabeleli bonke bamaLevi oAsafi loHemani loJeduthuni, lamadoda abo lezihlobo zabo, begqoke amalembu amahle, bephethe izigubhu lamachacho lemihubhe, bema ngasempumalanga kwealtare kanye labapristi abalikhulu lamatshumi amabili bekhalisa izimpondo.

2 ImiLando 5:13

Kwakungumsebenzi wabakhalisi bezimpondo labahlabeleli ukuba bahlabele kanyekanye ekudumiseni lekubongeni iNkosi sekuhlatshelwa ingoma, kukhaliswa impondo lezigubhu lezinye izinto zokuhlabela, kudunyiswa iNkosi kuthiwa: Ngoba ilungile, uthando lwayo olungapheliyo lumi kuze kube nininini; indlu yagcwala intuthu yeyezi,

2 ImiLando 7:6

Abapristi bema endaweni zabo; lamaLevi lawo ephethe izinto zokuhlabelela inkosi uDavida ayezenzele ukudumisa ngazo iNkosi uNkulunkulu lapho edumisa ngenkonzo yabo — ngoba uthando lwayo olungapheliyo lumi kuze kube nininini; maqondana lalabo abapristi bakhalisa impondo zabo, labakoIsrayeli bonke babemi.

UNehemiya 12:27

Enkonzweni yokubongela ukwakhiwa komduli weJerusalema badinga amaLevi ezindaweni zawo wonke ukuba eze eJerusalema enkonzweni yokubonga, abonge ngokuthokoza, adumise ngokuhlabela ngezigubhu langamachacho langemihubhe.

UNehemiya 12:36

lezihlobo zakhe oShemaya loAzareli loMilalayi loGilalayi loMahayi loNethaneli loJuda loHanani bephethe izinto zokukhaliswa zikaDavida umuntu kaNkulunkulu; uEzra umbhali wayehamba phambi kwabo.

UNehemiya 12:43

Banikela imihlatshelo eminengi mhlalokho, bathokoza, ngoba uNkulunkulu wayebanike lokho okubathokozisayo kakhulu; abesifazana labantwana labo bathokoza; ukuthokoza kweJerusalema kwezwakala khatshana.

UNehemiya 12:46

Ngoba ensukwini zikaDavida uAsafi wabekwa waba yinduna yabahlabeleli bokudumisa lokubonga uNkulunkulu.

AmaHubo 100:1

Hlabelelani iNkosi ngokuthaba, mhlaba wonke.

AmaHubo 149:3

Kabadumise ibizo layo ngokusina, bayitshayele isigubhu lechacho.

AmaHubo 150:5

limdumise ngokutshaya izigubhu, limdumise ngezigubhu ezikhala kakhulu.

AmaHubo 81:1

Hubelani kuNkulunkulu ongamandla ethu, lihlokome ngokuthokoza kuNkulunkulu kaJakobe!

AmaHubo 81:3

Vuthelani uphondo ekuthwaseni kwenyanga lasekugcwaleni kwayo esikhathini somkhosi wethu.

AmaHubo 87:7

Abahlabelayo labasinayo bathi: Wena Ziyone, ungumthombo wezibusiso zethu zonke.

AmaHubo 95:1

Wozani, siyihubele iNkosi, sihlabele ngokuthokoza kulo idwala lokukhululwa kwethu.

U-Eksodasi 15:20

UMiriyamu umprofethikazi, udadewabo kaAroni, wasithatha isigubhu sakhe; bonke abesifazana baphuma bemlandela, bephethe izigubhu, begida.

U-Isaya 49:23

Uzakhuliswa ngamakhosi, lamakhosikazi awo abe ngabalizane bakho. Bazakuwa phambi kwakho, ubuso babo bube semhlabathini, bakhothe uthuli lwezinyawo zakho. Laphoke uzakwazi ukuthi ngiyiNkosi, lokuthi labo abangithembayo kabayikuyangeka.

UJeremiya 33:11

ilizwi lokuthaba lelizwi lokuthokoza, ilizwi lomyeni lelomlobokazi, lelizwi labahlabelayo lapho beletha iminikelo yabo yokubonga ethempelini lami besithi: Bongani iNkosi yamabandla, ngoba ilungile, ngoba uthando lwayo olungapheliyo lumi kuze kube nininini. Ngoba ngizabuyisa abantu belizwe babe njengakuqala, kutsho iNkosi.

uAmosi 6:5

betshotsha izingoma ngechacho beziqambela izinto zokukhaliswa njengoDavida,

Imisebenzi 14:23

Sebebakhethele abadala emabandleni wonke, bakhuleka bezila ukudla, babanikela eNkosini asebekholwa kiyo.

2 uTimothi 2:2

Lokho okuzwileyo kimi phambi kwabofakazi abanengi kunikele amadoda athembekileyo azakuba lamandla okukufundisa labanye.

UThithu 1:5

Ngakutshiya eKrete ukuba ulungise lokho okwasilela ukulungiswa, ubeke abadala bebandla emizini yonke, njengoba ngakulaya,