1 ImiLando 15:13 - iBhayibhili Elingcwele 1978

¹³ Ngoba lina lalingekho kuqala, iNkosi uNkulunkulu wethu yasitshaya, ngoba singakhulekanga kuyo ngendlela efaneleyo.

IBhayibhili Elingcwele LesiNdebele

¹³ UThixo uNkulunkulu wethu wasithukuthelela ngenxa yokuthi lina abaLevi, ayisini elathwala ibhokisi lesivumelwano sikaThixo kuqala. Asizanga sibuze kuThixo ukuthi kwakumele senzeni njengokulaya kwakhe.”

1 ImiLando 15:13 ပူးပေါင်းရင်းမြစ်များ

2 USamuyeli 6:3

Bawuthwala umtshokotsho kaNkulunkulu ngenqola entsha, bewususa endlini kaAbinadaba eyayisoqaqeni; uUza loAhiyo amadodana kaAbinadada babetshayela leyonqola entsha.

1 ImiLando 13:3

Besesilanda futhi umtshokotsho wesivumelwano sikaNkulunkulu wethu, ngoba kasiwunanzanga ensukwini zikaSawuli.

1 ImiLando 15:2

Wasesithi: Kakungabi lamuntu ozathwala umtshokotsho kaNkulunkulu kuphela amaLevi, ngoba iNkosi uNkulunkulu yawakhethela ukuthwala umtshokotsho wayo lokuyikhonza kuze kube nininini.

Izaga 28:13

Ofihla iziphambeko zakhe kayikuphumelela, kodwa lowo ozivumayo azitshiye, uzahawukelwa.

AmaNani 4:15

Lapho uAroni lamadodana akhe sebeqedile ukusibekela impahla engcwele lazo zonke izitsha zakhona, ekususweni kwezihonqo, amadodana kaKohathi azakuza ukukuthwala, kodwa kawayikuthinta izinto ezingcwele ukuba angafi. Yizo lezo izinto zethente lokuhlangana amadodana kaKohathi azakuzithwala.

AmaNani 7:9

Kodwa amadodana kaKohathi kawanikanga lutho, ngoba wona anikwa umsebenzi wokulondoloza izinto ezingcwele ezimele ukuthwalwa emahlombe awo.

1 AbaseKhorinte 11:2

Ngiyalibonga ngoba lingikhumbula ezintweni zonke, libambelele ezifundisweni engalinika zona.

1 AbaseKhorinte 14:40

Kodwa konke kakwenziwe ngemfanelo langendlela.

UDutheronomi 31:9

UMose wasewuloba lumlayo, wawunika abapristi, amadodana kaLevi, ababethwala umtshokotsho wesivumelwano seNkosi, kanye labo bonke abalisa bakoIsrayeli.