1 ImiLando 15:12 - iBhayibhili Elingcwele 1978

¹² wathi kubo: Liyizinhloko zezindlu zamaLevi; zihlambululeni lina lezihlobo zenu ukuze lilethe umtshokotsho weNkosi, uNkulunkulu kaIsrayeli, endaweni engiyilungisele wona.

IBhayibhili Elingcwele LesiNdebele

¹² Wasesithi kubo, “Lina lizinhloko zezindlu zabaLevi, zihlambululeni lina kanye lezihlobo zenu ukuze liyethatha ibhokisi lesivumelwano sikaThixo, uNkulunkulu ka-Israyeli, lililethe endaweni engiyilungisele lona.

1 ImiLando 15:12 ပူးပေါင်းရင်းမြစ်များ

1 ImiLando 15:1

UDavida wazakhela izindlu emzini kaDavida, walungisa indawo yomtshokotsho kaNkulunkulu, wawumisela ithente.

1 ImiLando 15:14

Ngakho abapristi lamaLevi basebezihlambulula ukuletha umtshokotsho weNkosi, uNkulunkulu kaIsrayeli.

1 ImiLando 15:3

UDavida wasebuthanisa uIsrayeli wonke eJerusalema ukuba balethe umtshokotsho weNkosi endaweni yawo ayeyilungisele wona.

1 ImiLando 16:1

Bawuletha umtshokotsho kaNkulunkulu, bawubeka phakathi kwethente uDavida ayelilungisele wona; banikela iminikelo yokutshiswa leminikelo yokuthula phambi kukaNkulunkulu.

1 ImiLando 24:31

Laba labo kanye lezihlobo zabo, amadodana kaAroni, baphosa inkatho phambi kwenkosi uDavida loZadoki loAhimeleki lenhloko zezindlu zabapristi lezamaLevi, indlu enkulu lencinyane kanyekanye.

1 ImiLando 9:34

Labo bayizinhloko zezindlu zamaLevi ngezizukulwana zabo, bahlala eJerusalema.

2 ImiLando 1:2

USolomoni wakhuluma kubo bonke abakoIsrayeli, kubaphathi bezinkulungwane labamakhulu, lakubahluleli, lakuzo zonke izinduna zakoIsrayeli, lenhloko zezindlu.

2 ImiLando 1:4

— Kodwa uDavida wathatha umtshokotsho kaNkulunkulu eKiriyathiJeyarimi, wawuletha endaweni ayeyilungisele wona, ngoba wayewumisele ithente eJerusalema —

2 ImiLando 30:15

Bahlaba amawundlu ePhasika ngosuku lwetshumi lane lwenyanga yesibili; abapristi lamaLevi bayangeka, bazihlambulula, baletha iminikelo yokutshiswa ethempelini.

2 ImiLando 35:6

Lihlabe iwundlu lePhasika, lizihlambulule, lilungisele izihlobo zenu ukuba lenze njengokutsho kwelizwi leNkosi ngoMose.

2 ImiLando 5:11

Kwathi lapho sebephuma abapristi endaweni engcwele — ngoba bonke abapristi ababekhona babezihlambulule bengalandelanga izigaba zabo —

2 ImiLando 5:2

USolomoni wasebuthanisa eJerusalema abadala bakoIsrayeli lazo zonke izinduna zezizwe eziyizikhulu zezindlu zabakoIsrayeli, ukuba bakhuphe umtshokotsho wesivumelwano seNkosi emzini kaDavida othiwa yiZiyone.

UNehemiya 13:22

Ngasengitshela amaLevi ukuba bazihlambulule, beze ukulinda amasango ukuze usuku lweSabatha lulondolozwe lube ngcwele. Nkulunkulu wami, ukukhumbule lalokho, ungihawukele ngenxa yomusa wakho omkhulu.

U-Isaya 52:11

Phumani, phumani kulo iBabiloni, lingathinti okungcolileyo; phumani phakathi kwalo, lizigcine lihlambulukile, lina eliphatha izitsha zeNkosi.

UHezekhiyeli 48:11

Lesi sizakuba ngesabapristi abahlukaniselwa iNkosi, amadodana kaZadoki, abangikhonzayo abangaduhanga lapho abakoIsrayeli beduha njengokwenza kwamaLevi.

UJohane 17:17

Bahlukanise ngeqiniso, ilizwi lakho liliqiniso.