1 ImiLando 14:2 - iBhayibhili Elingcwele 1978

² UDavida wabona ukuthi iNkosi yayimmisile ukuba abe yinkosi koIsrayeli, lokuthi iwuphakamisile umbuso wakhe ngenxa yabantu bayo uIsrayeli.

IBhayibhili Elingcwele LesiNdebele

² UDavida wahle wakwazi ukuthi uThixo usembekile ukuba abe yinkosi ka-Israyeli lokuthi umbuso wakhe uphakanyisiwe kakhulu ngenxa yabantu bakhe bako-Israyeli.

1 ImiLando 14:2 ပူးပေါင်းရင်းမြစ်များ

2 USamuyeli 7:16

Indlu yakho lombuso wakho kuzaqiniswa njalonjalo phambi kwami; lesihlalo sakho sobukhosi simiswe kuze kube nininini.

2 USamuyeli 7:8

Ngakhoke uzakutsho encekwini yami uDavida uthi: INkosi yamabandla ithi: Ngakuthatha ekwaluseni izimvu egangeni ukuba ube ngumbusi wabantu bami uIsrayeli;

1 AmaKhosi 10:9

Kayibongwe iNkosi uNkulunkulu wakho ekuthandileyo, yakubeka ukuba ubuse uIsrayeli. Ngoba iyamthanda uIsrayeli kokuphela, ikubekile waba yinkosi ukuze ubuse ngomthetho langokulunga.

1 ImiLando 14:1

UHiramu inkosi yaseTire wathuma izithunywa kuDavida, lemikusu, lababazi bamatshe labezigodo ukumakhela uDavida indlu.

1 ImiLando 14:3

UDavida wathatha abanye abafazi eJerusalema, wazala amanye amadodana lamadodakazi.

1 ImiLando 17:17

Kanti lokhu kuyinto encinyane nje emehlweni akho, Nkulunkulu; usukhulumile futhi ngendlu yenceku yakho ngokwesikhathi esikhatshana esizayo, wangitshengisa lezizukulwana ezizayo.

2 ImiLando 2:10

Ngizanika inceku zakho ezizagamula izihlahla ukudla, amasaka amabele azinkulungwane ezingamatshumi amathathu lambili, lamasaka ebhali azinkulungwane ezingamatshumi amathathu lambili, lamatanka ewayini angamakhulu amabili lamatshumi amathathu, lamatanka amafutha angamakhulu amabili lamatshumi amathathu.

2 ImiLando 2:11

UHuramu inkosi yaseTire waphendula ngencwadi ayithumela kuSolomoni wathi: Ngoba iNkosi uNkulunkulu ibathanda abantu bayo, ikwenzile waba yinkosi yabo.

U-Esta 4:14

Uba ungakhulumi ngalesikhathi esinje, ukusizwa lokukhululwa kwabaJuda kuzavela kwenye indawo, kodwa wena lendlu kayihlo lizakubhubha. Ngubani kambe owaziyo ukuthi kawubanga khona embusweni ngenxa yalesisikhathi esinje na?

UDanyeli 2:30

Minake, kungesikho ukuthi ngihlakaniphile ukwedlula bonke abaphilayo ngiyambulelwe limfihlakalo, kodwa ukuze incazelo itshengiswe wena nkosi, ukuba wazi imicabango yengqondo yakho.

AmaNani 24:7

Amanzi azakugeleza evela embizeni zakhe, inhlanyelo yakhe ibe semanzini amanengi; inkosi yakhe izakuba nkulu kuloAgagi, lombuso wakhe uphakame.

UDutheronomi 28:1

Uba lilalela ilizwi leNkosi uNkulunkulu wenu, ligcine kuhle yonke imilayo yayo engililaya yona lamuhla, iNkosi uNkulunkulu wenu izaliphakamisa phezu kwazo zonke izizwe zomhlaba.