1 ImiLando 13:10 - iBhayibhili Elingcwele 1978

¹⁰ INkosi uNkulunkulu yamthukuthelela uUza, yahle yamtshaya khona lapho, ngoba welulela isandla sakhe emtshokotshweni; wafela khona lapho phambi kukaNkulunkulu.

IBhayibhili Elingcwele LesiNdebele

¹⁰ Ulaka lukaThixo lwavutha ku-Uza, wamtshaya wafa ngoba wayebeke isandla sakhe phezu kwebhokisi lesivumelwano sikaThixo. Ngakho wahle wafa khonapho phambi kukaThixo.

1 ImiLando 13:10 ပူးပေါင်းရင်းမြစ်များ

1 ImiLando 13:11

UDavida wakhathazeka ngoba iNkosi imtshayile uUza; leyondawo yasithiwa yiPerezi‐Uza kuze kube lamhla.

1 ImiLando 15:13

Ngoba lina lalingekho kuqala, iNkosi uNkulunkulu wethu yasitshaya, ngoba singakhulekanga kuyo ngendlela efaneleyo.

1 ImiLando 15:15

AmaLevi awetshata umtshokotsho kaNkulunkulu ngezigodo, njengokutsho kukaMose ngelizwi leNkosi.

AmaNani 16:35

Kwavela eNkosini umlilo, waqothula labobantu abangamakhulu amabili lamatshumi amahlanu ababenikele ngempepha.

AmaNani 4:15

Lapho uAroni lamadodana akhe sebeqedile ukusibekela impahla engcwele lazo zonke izitsha zakhona, ekususweni kwezihonqo, amadodana kaKohathi azakuza ukukuthwala, kodwa kawayikuthinta izinto ezingcwele ukuba angafi. Yizo lezo izinto zethente lokuhlangana amadodana kaKohathi azakuzithwala.

UJoshuwa 6:6

Ngakho uJoshuwa indodana kaNuni wabiza abapristi wathi kibo: Thwalani umtshokotsho wesivumelwano, kuthi abapristi abayisikhombisa bahambe phambi komtshokotsho weNkosi bephethe impondo zenqama eziyisikhombisa.

1 USamuyeli 6:19

Amadodana kaJekoniya kawathokozanga kanye labanengi baseBeti‐Shemeshi lapho besamukela umtshokotsho weNkosi; yabulala phakathi kwabo amatshumi ayisikhombisa. Abantu balila ngoba iNkosi yababulala abantu abanengi kangaka.