1 ImiLando 12:40 - iBhayibhili Elingcwele 1978

⁴⁰ Futhi labomakhelwane babo kuze kube koIsakari lakoZebuluni lakoNafitali baletha ukudla ngabobabhemi langamakamela langezimbongolo langezinkabi, impuphu, lezinkwa zomkhiwa, lamahlukuzo ezithelo zevini ezomisiweyo, lewayini, lamafutha, lezinkabi, lezimvu, ngoba kwakukhona ukuthokoza koIsrayeli.

IBhayibhili Elingcwele LesiNdebele

⁴⁰ Konke labomakhelwane babo, ababevela kude khonale ku-Isakhari, loZebhuluni lakuNafithali beza bethwele ukudla ngabobabhemi, amakamela, imbongolo langenkabi. Kwakulefulawa enengi, amakhekhe omkhiwane, amakhekhe erezini, iwayini, amafutha, inkomo lezimvu, ngoba kwakulokujabula ko-Israyeli.

1 ImiLando 12:40 ပူးပေါင်းရင်းမြစ်များ

2 USamuyeli 16:1

Kwathi uDavida esedlule kancinyane engqongeni yentaba, wahlangabezwa nguZiba inceku kaMefiboshethi eqhuba obabhemi ababili ababotshelweyo, bethwele izinkwa ezingamakhulu amabili, lamahlukuzo alikhulu ezithelo ezomisiweyo zevini, lamahlukuzo alikhulu omkhiwa, lomgodla wewayini.

1 AmaKhosi 1:40

Bonke abantu basebemlandela, bekhalisa imihlanga bethokoza kakhulu, waze waduma wonke umhlaba.

2 AmaKhosi 11:20

Bonke abantu belizwe bathokoza. Umuzi waba lokuthula ngemva kokubulawa kukaAthaliya esigodlweni.

1 ImiLando 12:39

Bahlala lapho loDavida insuku ezintathu besidla benatha, ngoba abafowabo babebalungisele.

1 ImiLando 13:1

UDavida wakhulumisana labaphathi bonke bezinkulungwane labamakhulu.

1 ImiLando 29:22

Badla banatha phambi kweNkosi uNkulunkulu ngalolosuku ngokuthokoza okukhulu. Basebembeka okwesibili uSolomoni indodana kaDavida ukuba abe yinkosi, bamgcoba waba ngumbusi ongoweNkosi, loZadoki bamgcoba waba ngumpristi.

Izaga 11:10

Nxa abalungileyo bephumelela, umuzi uyathokoza; lapho ababi bebhubha, kukhona ukujabula.

Izaga 29:2

Lapho kubusa abalungileyo, abantu bayathokoza, kodwa lapho ababi bebusa, abantu bayabubula.

UHosiya 3:1

INkosi yathi kimi: Hamba futhi, uthande owesifazana othandwa yisithandwa sakhe loyisifebe, njengoba iNkosi ithanda abakoIsrayeli, lanxa bephendukela kwabanye onkulunkulu, bethanda izinkwa zezithelo ezomisiweyo zevini ezinikelwa ezithombeni.

1 USamuyeli 25:18

UAbigayili wasephangisa ethatha izinkwa ezingamakhulu amabili, lembodlela ezimbili zewayini, lezimvu ezinhlanu ezihlatshiweyo, lamagokoko amane omumbu okhanzingiweyo, lamahlukuzo alikhulu ezithelo zevini ezomisiweyo, lezinkwa ezingamakhulu amabili zomkhiwa, wakuthwalisa obabhemi.