1 ImiLando 12:17 - iBhayibhili Elingcwele 1978

¹⁷ UDavida waphuma ukubahlangabeza, wathi kibo: Uba lisiza kimi njengabangane bami ukuba lingisize mina, ngizimisele ukuhlangana lani; kodwa uba lize ukunginikela ezitheni zami, ngimsulwa, uNkulunkulu wabokhokho kakubone lokho, alijezise.

IBhayibhili Elingcwele LesiNdebele

¹⁷ UDavida waphuma ukuba ayewahlangabeza wathi kuwo: “Nxa lingilandela ngokuthula, lizongiphathisa njengabangane, ngizimisele ukuhlanganyela kanye lani. Kodwa nxa lidinga ukunginikela ezitheni zami, mina ngimsulwa, uNkulunkulu wabokhokho kakubone lokho, alijezise.”

1 ImiLando 12:17 ပူးပေါင်းရင်းမြစ်များ

UGenesisi 31:42

Uba ebengelami uNkulunkulu kababa, uNkulunkulu kaAbrahama lowo owesatshwa nguIsaka, impela ubuzakungixotsha ngize. Kodwa uNkulunkulu ubonile inhlupheko zami lomsebenzi wezandla zami, wakusola ebusuku okudlulileyo.

UGenesisi 31:53

UNkulunkulu kaAbrahama loNkulunkulu kaNahori, loNkulunkulu kayise wabo kahlulele phakathi kwethu. UJakobe wafunga uNkulunkulu owesatshwa nguyise uIsaka.

1 AmaKhosi 2:13

UAdonija indodana kaHagithi weza kuBathisheba unina kaSolomoni; yena wathi: Uze ngokuhle na? Wathi: Yebo, ngokuhle.

2 AmaKhosi 10:15

Esesukile lapho wahlangana loJehonadabi indodana kaRekabi owayemhlangabeza; wambingelela wathi kuye: Uyangisekela yini njengoba mina ngikusekela na? UJehonadabi waphendula wathi: Yebo, ngiyakusekela. UJehu wasesithi: Uba kunjalo, xhawula. Wasemxhawula. UJehu wasemkhweza enqoleni yakhe,

2 AmaKhosi 9:22

Kwathi uJehoramu ebona uJehu wathi kuye: Uza ngokuthula, Jehu, na? Waphendula wathi: Ukuthula kungavela ngaphi, nxa ukukhonza izithombe lamanyala amanengi kukanyoko uJezebeli kusekhona na?

1 ImiLando 12:16

Abanye abantu bakoBenjamini labakoJuda beza kuDavida enqabeni.

1 ImiLando 12:18

Umoya wasesehlela kuAmasayi induna yabangamatshumi amathathu, yena wasesithi: Singabakho thina, wena Davida, silawe, wena ndodana kaJese! Ukuthula, ukuthula kube kuwe, ukuthula kube kubasizi bakho! Ngoba uNkulunkulu wakho uyakusiza. UDavida wasebamukela, wabenza izinduna zamabutho akhe.

AmaHubo 7:6

Vuka, Nkosi, ngolaka lwakho, uvuke ngenxa yentukuthelo yezitha zami. Vuka, Nkulunkulu wami, wena umisile ukwahlulelwa.

AmaHubo 86:11

Nkosi, ngifundisa indlela yakho, ukuze ngihambe eqinisweni lakho; yenza inhliziyo yami iqonde ntonye, yesabe ibizo lakho.

UJeremiya 32:39

Ngizabanika inhliziyonye lendlelanye, ukuba bangesabe zonke insuku, kube kuhle kubo lakubantwana babo emva kwabo.

UZakhariya 3:2

Isithunywa seNkosi sathi kuSathane: INkosi kayikukhuze, wena Sathane. INkosi elikhethileyo iJerusalema kayikukhuze. Lumuntu kanjengesikhuni esikhutshwe emlilweni na?

Imisebenzi 4:32

Ixuku labakholwayo lalinhliziyonye lomoya munye; kungekho loyedwa owathi impahla zakhe zingezakhe, kodwa bahlanganyela izinto zonke.

1 AbaseKhorinte 1:10

Ngiyalincenga, bazalwane, ngebizo leNkosi yethu uJesu Kristu, ukuthi lonke likhulume ilizwi libe linye, kungabi khona ukwahlukana phakathi kwenu, kodwa lipheleliswe emqondweni munye lasekuboneni kunye.

2 AbaseKhorinte 13:11

Elokucinake, bazalwane, salani kuhle; liphelele, lilalele ukuncenga kwami, lizwane, lihlale ngokuthula; uNkulunkulu wothando lowokuthula uzakuba lani.

AbaseFiliphi 1:27

Kuphela hambani ngokufanele ivangeli likaKristu, kuze kuthi, loba ngifika kini loba ngingekho, ngizwe indaba zenu zokuthi liqinile emoyeni munye, lasengqondweninye lilwela ukukholwa kwevangeli,

1 UPhethro 2:23

owathi ethukwa kazaphindisela ngokuthuka, owathi ehlutshwa kazasongela, kodwa wathembela kulowo othonisisa ngokulunga.

UJuda 1:9

Kodwa uMikayeli, isithunywa esikhulu, lapho ephikisana loSathane bebanga isidumbu sikaMose, kabanga lesibindi sokumlahla ngokumthuka, kodwa wathi: INkosi kayikukhalimele.

1 USamuyeli 16:4

USamuweli wasesenza lokho iNkosi emtshele khona, waya eBetlehema. Abadala bomuzi bamhlangabeza bethuthumela bathi: Uze ngokuthula na?

1 USamuyeli 18:1

Kwathi eseqedile ukukhuluma loSawuli, inhliziyo kaJonathani yanamathela kwekaDavida; uJonathani wamthanda njengoba ezithanda yena.

1 USamuyeli 18:3

UJonathani wasesenza isivumelwano loDavida ngoba wayemthanda njengoba ezithanda yena.