1 ImiLando 10:14 - iBhayibhili Elingcwele 1978

¹⁴ kakudinganga eNkosini. Ngalokhoke iNkosi yambulala, umbuso yawunika uDavida indodana kaJese.

IBhayibhili Elingcwele LesiNdebele

¹⁴ esikhundleni sokukhuleka kuThixo. Ngakho uThixo wamenza wafa wathatha ubukhosi wabunika uDavida indodana kaJese.

1 ImiLando 10:14 ပူးပေါင်းရင်းမြစ်များ

2 USamuyeli 5:3

Kwafika bonke abadala bakoIsrayeli enkosini uDavida, eHebroni; yenza isivumelwano labo eHebroni phambi kweNkosi; bamgcoba, waba yinkosi koIsrayeli.

1 ImiLando 12:23

Nanku umumo wezigaba zamabutho ayehlomile, eza kuDavida eHebroni ukumthathela umbuso kaSawuli ukuba ube ngowakhe, njengokutsho kwelizwi leNkosi.

1 ImiLando 17:13

Mina ngizakuba nguyise, yena abe yindodana yami; kangiyikususa uthando lwami olungapheliyo kuye njengoba ngalususa kulowo owayengaphambi kwakho,

1 ImiLando 2:12

uBowasi wazala uObedi, uObedi wazala uJese.

2 ImiLando 16:12

Ngomnyaka wamatshumi amathathu lesificamunwemunye wokubusa kwakhe uAsa wabulawa zinyawo, umkhuhlane wakhe wakhula kakhulu; kodwa lasekuguleni kwakhe kayidinganga iNkosi, wadinga usizo ezinyangeni.

Izaga 17:13

Uba umuntu ephindisela okuhle ngokubi, ububi kabusoze busuke endlini yakhe.

U-Isaya 10:15

Ihloka lizazikhukhumeza kuye ogamulayo ngalo yini, lesaha izikhulise kuye osika ngayo na? Njengokungathi induku inyikinya lowo oyiphakamisayo, lodondolo lumphakamise yena ongesiso isigodo.

U-Isaya 10:7

Kodwa kalizimiseli kulokhu, lengqondo yalo kayicabangi kanjalo; kodwa izimisele ukuchitha, lidilize izizwe ezinengi;

UJoshuwa 9:14

Ngakho abadala bawuthatha bawuzwa umphako, bengabuzanga eNkosini.

1 USamuyeli 13:14

Kodwa khathesi umbuso wakho kawuyikuqhubeka. INkosi isizifunele umuntu emthandayo, isimbekile waba ngumbusi wabantu bayo, ngoba wena kawugcinanga umlayo wayo.

1 USamuyeli 15:28

USamuweli wasesithi kuye: INkosi iwudabule kuwe lamuhla umbuso wakoIsrayeli, yawunika umakhelwana wakho ongumuntu ongcono kulawe.

1 USamuyeli 16:1

INkosi yathi kuSamuweli: Koze kube nini umkhalela uSawuli lokhu mina ngimlahlile ukuba angabe esaba yinkosi koIsrayeli na? Gcwalisa uphondo lwakho ngamafutha, uhambe; ngizakukuthuma kuJese waseBetlehema, ngoba ngizibonele inkosi emadodaneni akhe.

1 USamuyeli 28:17

INkosi isikwenzile kuwe lokho eyakutsho ngami; ikuhluthunele umbuso, yawunika omunye umuntu, uDavida.

1 USamuyeli 28:6

Lapho uSawuli ebuza eNkosini, iNkosi kayimphendulanga langamaphupho langenkatho iUrimi langabaprofethi.