1 AbaseKhorinte 9:16 - iBhayibhili Elingcwele 1978

¹⁶ Loba ngitshumayela ivangeli, kangilakuzincoma ngalokho, ngoba ngimele ukwenza njalo. Maye kimi uba ngingalitshumayeli ivangeli!

IBhayibhili Elingcwele LesiNdebele

¹⁶ Ikanti lapho ngitshumayela ivangeli, angingeke ngizincome ngoba kumele ngitshumayele! Maye kimi nxa ngingatshumayeli ivangeli!

1 AbaseKhorinte 9:16 ပူးပေါင်းရင်းမြစ်များ

U-Isaya 6:5

Ngasengisithi: Maye mina, ngafa! Ngoba ngingumuntu olendebe ezingcolileyo, futhi ngihlala phakathi kwabantu abalendebe ezingcolileyo; amehlo ami abonile iNkosi, iNkosi yamabandla.

UJeremiya 1:17

Kodwa wena, mana isibindi, usuke, ukhulume kibo konke engikulaya khona. Ungabesabi, funa ngehlisele phezu kwakho ukwesaba phambi kwabo.

UJeremiya 20:7

Nkosi, wangiyenga, ngayengeka. Ulamandla kulami, ungahlulile, sengiyinhlekisa insuku zonke, bonke bayangihleka.

UJeremiya 20:9

Uba ngisithi: Kangisayikuyiphatha, kangisayikukhuluma ngebizo layo; kuba khona enhliziyweni yami lokho okungathi ngumlilo ovuthayo, ovalelwe emathanjeni ami; sengikhathele ukubekezela, sengehlulekile.

uAmosi 3:8

Isilwane sesibhongile, ngubani ongayikwesaba na? INkosi uNkulunkulu isikhulumile, ngubani ongayekela ukutshumayela na?

uAmosi 7:15

INkosi yangithatha ekwaluseni, yathi kimi: Hamba uyetshumayela ebantwini bami uIsrayeli.

UMatewu 25:16

Leyo eyayamukele amadola angamakhulu amahlanu yasuka masinyane yasebenza ngawo, yazuza amanye amadola angamakhulu amahlanu.

ULukha 9:62

Kodwa uJesu wathi kuye: Kakho othi esebeke isandla sakhe ekhubeni, akhangele emuva, ofanele umbuso kaNkulunkulu.

Imisebenzi 4:20

ngoba thina kasilakuyekela ukukhuluma ngalokho esikubonileyo lesikuzwileyo.

Imisebenzi 9:15

Kodwa iNkosi yathi kuye: Hamba, ngoba lowo uyisitsha sami esikhethiweyo sokuphatha ibizo lami phambi kwezizwe, lamakhosi, labakoIsrayeli;

Imisebenzi 9:6

kodwa sukuma ungene emzini, uzakutshelwa lokhu omele ukukwenza.

AbaseRoma 1:14

Ngilomlandu kumaGriki lakwabezizwe, kwabahlakaniphileyo lakuzo izithutha.

AbaseRoma 15:17

Ngakhoke kuKristu Jesu ngilokuzincoma ngomsebenzi wami engiwenzela uNkulunkulu.

AbaseRoma 4:2

Ngoba uba uAbrahama walungisiswa ngemisebenzi, ulakho angazincoma ngakho; kodwa kalakho phambi kukaNkulunkulu.

1 AbaseKhorinte 4:15

Ngoba lanxa lilabafundisi abayizigidi ezinengi kuKristu, liloyihlo munye kuphela; ngoba mina ngalizala kuKristu Jesu ngevangeli.

1 AbaseKhorinte 9:12

Uba abanye belalawomandla phezu kwenu, thina kasilawo ngokukhulu na? Kantike kasiwasebenzisanga lawomandla, kodwa sibekezelela konke, ukuba singalikhubi endleleni yevangeli likaKristu.

1 AbaseKhorinte 9:14

Ngokunjalo iNkosi ilayile ukuthi labo abatshumayela ivangeli basile ngevangeli.

2 AbaseKhorinte 2:12

Ekufikeni kwami eTrowasi ukuba ngitshumayele ivangeli likaKristu, iNkosi yangenzela ithuba;

AbaseKholose 4:17

Limtshele uArkipho lithi: Qaphela inkonzo oyamukele eNkosini, ukuba uyiphelelise.

1 USamuyeli 12:23

Minake kakube khatshana lami ukuba ngone eNkosini ngokuyekela ukulikhulekela; ngizalifundisa indlela enhle lelungileyo.