1 AbaseKhorinte 8:5 - iBhayibhili Elingcwele 1978

⁵ Lanxa kukhona okuthiwa ngonkulunkulu, loba kusezulwini loba kusemhlabeni, impela kukhona onkulunkulu abanengi lamakhosi amanengi;

IBhayibhili Elingcwele LesiNdebele

⁵ Ngoba lanxa kulabonkulunkulu abatshiwoyo, langabe ezulwini loba emhlabeni (njengoba impela kulabonkulunkulu abanengi lamakhosi amanengi),

1 AbaseKhorinte 8:5 ပူးပေါင်းရင်းမြစ်များ

UJeremiya 11:13

Ngoba onkulunkulu bakho banengi njengemizi yakho, wena Juda, lamaaltare owakhele into elehlazo manengi njengezindlela zeJerusalema amaaltare okutshisela uBali impepha.

UJeremiya 2:11

Isizwe sake santshintsha onkulunkulu baso, loba bengesibo onkulunkulu balutho na? Kodwa abantu bami bangintshintshile mina enginguNkulunkulu wabo obalethela udumo ngonkulunkulu ongasizi lutho.

UJeremiya 2:28

Kanti bangaphi onkulunkulu bakho ozenzele bona na? Kabavuke bona uba bengakukhulula ngesikhathi sokuhlupheka kwakho; ngoba onkulunkulu bakho banengi njengemizi yakho, wena Juda.

UDanyeli 5:4

Banatha iwayini, badumisa onkulunkulu begolide labesiliva labethusi labensimbi labesigodo labelitshe.

UMatewu 27:17

Ngakho sebebuthene, uPilatu wathi kibo: Lithanda ukuba ngilikhululele bani, uBarabasi ingabe uJesu othiwa nguKristu na?

AbaseGalathiya 4:8

Ngalesosikhathi lingakamazi uNkulunkulu, laliyizigqili ngaphansi kwalabo abangesibo onkulunkulu ngemvelo;

UDutheronomi 10:17

Ngoba iNkosi uNkulunkulu wenu inguNkulunkulu wabonkulunkulu, leNkosi yamakhosi, uNkulunkulu omkhulu, olamandla, owesabekayo, ongakhethi muntu, ongamukeli umvuzo wokuthengwa.

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.