1 AbaseKhorinte 8:3 - iBhayibhili Elingcwele 1978

³ kodwa uba umuntu ethanda uNkulunkulu, yena uyaziwa nguye.

IBhayibhili Elingcwele LesiNdebele

³ Kodwa umuntu othanda uNkulunkulu, uNkulunkulu uyamazi lowomuntu.

1 AbaseKhorinte 8:3 ပူးပေါင်းရင်းမြစ်များ

1 AmaKhosi 3:3

USolomoni wayithanda iNkosi, wahamba ngezimiso zikayise uDavida, kodwa laye wanikela imihlatshelo watshisa impepha endaweni eziphakemeyo zokukhonzela.

AmaHubo 1:6

ngoba iNkosi iyayinanzelela indlela yabalungileyo, kodwa indlela yababi izakubhubha.

AmaHubo 17:3

Uba ulinga inhliziyo yami, uba ungihambela ebusuku, uba ungihlola, kawuyikufica ububi kimi; kangikhulumanga okubi.

U-Eksodasi 33:12

UMose wathi eNkosini: Khangela, uthi kimi: Khupha lababantu; kodwa kawungitshengisanga ukuthi uzakuthuma ubani ukuba ahambe lami. Kodwa uthe: Ngiyakwazi ngebizo, futhi ufumene umusa emehlweni ami.

U-Eksodasi 33:17

INkosi yathi kuMose: Ngizakwenza lalokhu okutshoyo, ngoba ufumene umusa emehlweni ami, ngiyakwazi ngebizo.

UJeremiya 1:5

Ngingakakubumbi esiswini ngakwazi, ungakazalwa ngakwahlukanisa, ngakubeka umprofethi ezizweni.

uAmosi 3:2

Yini kuphela engilikhethileyo, ngalilondoloza ezizweni zonke zomhlaba; ngakhoke ngizalitshaya ngenxa yabo bonke ububi benu.

UNahume 1:7

INkosi ilungile, iyinqaba osukwini lokuhlupheka; iyabakhumbula abaphephela kuyo,

UMatewu 7:23

Kubeng’khonake ngizakuthi kibo: Angizanga ngilazi; sukani kimi lina benzi bokubi.

UJohane 10:14

Mina ngingumalusi olungileyo; ngiyazazi ezami, lezami ziyangazi,

UJohane 21:17

Wathi kuye ngokwesithathu: Simoni, ndodana kaJohane, uyangithanda na? UPetro wadabuka ngoba wathi kuye ngokwesithathu: Uyangithanda na? Ngakho wathi kuye: Nkosi, uyakwazi konke, uyakwazi ukuthi ngiyakuthanda. UJesu wathi: Phana izimvu zami ukudla.

AbaseRoma 11:2

UNkulunkulu kabalahlanga abantu bakhe abazi ngaphambili. Kalazi yini ukuthi umbhalo uthini ngoElija ukuba esola uIsrayeli kuNkulunkulu,

1 AbaseKhorinte 13:12

Khathesi sibona esibukweni kaluvivi; kodwake lapho ubuso buzakubonana lobuso. Khathesi ngazi ingxenye; kodwa lapho ngizakwazi ngokupheleleyo, njengokuba kade ngisaziwa ngokupheleleyo nguNkulunkulu.

1 AbaseKhorinte 2:9

Kodwa kunjengoba kulotshiwe ukuthi: Lokho ilihlo elingakubonanga, lendlebe engakuzwanga, okunganakanwanga yingqondo yomuntu, uNkulunkulu ukulungisele abamthandayo.

AbaseGalathiya 4:9

kodwa khathesi njengalokhu selimazi uNkulunkulu, kumbe kangithi selisaziwa nguNkulunkulu, libuyelelani empini yemimoya yalumhlaba ebuthakathaka leyize na? Lithanda ukuphinda libe yizigqili zawo na?

2 uTimothi 2:19

Kodwa isisekelo esiqinileyo sikaNkulunkulu simi silaloluphawu lokuthi: INkosi iyabazi abangabayo; lokuthi: Ilowo lalowo ophatha ibizo leNkosi kahlukane lokungalungi.

UJakhobe 1:12

Ubusisiwe umuntu obekezelayo ekulingweni; ngoba lapho esehloliwe uzakwamukeliswa umqhele wokuphila othenjiswe nguNkulunkulu kwabamthandayo.

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

1 UPhethro 1:8

Yena liyamthanda lingambonanga, elithi lakhathesi lingamboni likholwe kuye, lithokoze ngentokozo enkulu engakhulumekiyo,

1 UJohane 4:19

Thina siyathanda ngoba yena wasithanda kuqala.

1 UJohane 4:7

Bathandekayo, asithandane, ngoba uthando luvela kuNkulunkulu; othandayo uzelwe nguNkulunkulu, futhi uyamazi uNkulunkulu.

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.

Isambulo 2:19

ithi: Ngiyayazi imisebenzi yakho, lothando, lokukholwa, lokubekezela kwakho, lokuthi imisebenzi yakho yokucina minengi kuleyokuqala.

Isambulo 2:9

Ngiyakwazi ukuhlupheka kwakho lobuyanga bakho — kanti wena unothile — lenhlamba yalabo abathi bangabaJuda, bona bengesibo, kodwa beyisinagoge likaSathane.