1 AbaseKhorinte 8:12 - iBhayibhili Elingcwele 1978

¹² Uba lisona ngokunjalo kubazalwane, lilimaza izazela zabo ababuthakathaka, liyona kakhulu kuKristu.

IBhayibhili Elingcwele LesiNdebele

¹² Nxa lisenza isono kubazalwane benu kanje lilimaza isazela sabo esibuthakathaka, lenza isono kuKhristu.

1 AbaseKhorinte 8:12 ပူးပေါင်းရင်းမြစ်များ

UGenesisi 20:9

UAbimeleki wasembiza uAbrahama, wathi kuye: Wenzeni kithi na? Ngoneni kuwe ukuba ungilethele mina lombuso wami icala elingaka na? Wenze kimi lokho okungafanele ukwenziwa.

UGenesisi 42:22

URubeni wabaphendula wathi: Kangitshongo yini ukuthi lingezi okubi kuye umfana? Kodwa kalingilalelanga. Ngakho khangelanike, igazi lakhe selibizwa kithi.

U-Eksodasi 16:8

UMose wathi: INkosi izalinika inyama ibe yikudla kwenu kusihlwa, ilinike isinkwa ekuseni ukuba lidle lisuthe; ngoba iNkosi izwile ukusola kwenu eliyisola ngakho. Ngoba thina siyini? Ukusola kwenu kakungathi, kodwa kungeNkosi.

U-Eksodasi 32:21

UMose wathi kuAroni: Abantu laba benzeni ukuba ubehlisele isono esingaka na?

UMatewu 18:10

Khangelani lingadeleli omunye walaba abancinyane ngoba ngithi kini: Ezulwini izithunywa zabo zihlala zibona ubuso bukaBaba osezulwini. [

UMatewu 18:21

UPetro wasesondela wathi kuye: Nkosi, umfowethu uzakungona kangaki, ngimthethelela na? Kuze kube kasikhombisa na?

UMatewu 18:6

Kodwa lowo okhubekisa omunye walaba abancinyane abakholwa kimi, kungakuhle kuye ukuba ilitshe lokuchola elikhulu lilengiswe entanyeni yakhe, atshoniswe enzikini yolwandle.

UMatewu 25:40

INkosi izakuphendula ithi kibo: Ngiqinisile ngithi kini: Njengokuba likwenzile komunye walaba abafowethu abancinyane, likwenzile lakimi.

UMatewu 25:45

Izakuphendula ithi kibo: Ngiqinisile ngithi kini: Njengokuba lingakwenzanga komunye walaba abancinyane, kalikwenzanga lakimi.

UMakho 9:42

Ilowo lalowo okhubekisa omunye walaba abancinyane abakholwa kimi kungakuhle kuye ukuba ilitshe lokuchola elikhulu ligaxwe entanyeni yakhe, aphoselwe olwandle.

ULukha 17:2

Kungaba ngcono kuye ukuba ilitshe lokuchola ligaxwe entanyeni yakhe aphoselwe olwandle, kulokuba akhubekise abe munye kulaba abancinyane.

AbaseRoma 14:20

Ungawuchithi umsebenzi kaNkulunkulu ngenxa yokudla. Konke kuhlambulukile, kanti kubi kulowomuntu okhubekisa abanye ngokudla kwakhe.

1 AbaseKhorinte 12:12

Ngoba njengoba umzimba umunye kodwa ulezitho ezinengi, loba zizinengi, zonke zingumzimba munye, kunjaloke loKristu.

1 USamuyeli 2:25

Uba umuntu esona omunye umuntu, uNkulunkulu uzakwahlulela phakathi kwabo; kodwa uba umuntu esona eNkosini, uzalanyulelwa ngubani na? Kodwa kawalalelanga ilizwi likayise; ngoba iNkosi yayifuna ukuwabulala.

1 USamuyeli 24:11

Khangela, baba, nanku umphetho wengubo yakho usesandleni sami; ngiwusikile, kodwa kangikubulalanga. Ngalokhoke zibonele ukuba kakukho ububi lesiphambeko kimi. Kangikonanga ngalutho, loba wena ungizingela ukuba ungibulale.