1 AbaseKhorinte 8:1 - iBhayibhili Elingcwele 1978

¹ Mayelana lokuhlatshelwe izithombe siyazi ukuthi silakho ukwazi. Ukwazi kuyakhukhumeza, kodwa uthando luyakha.

IBhayibhili Elingcwele LesiNdebele

¹ Mayelana lokudla okunikelwe ezithombeni: Siyakwazi ukuthi sonke silolwazi. Ulwazi luyakhukhumeza, kodwa uthando luyakha.

1 AbaseKhorinte 8:1 ပူးပေါင်းရင်းမြစ်များ

U-Isaya 47:10

Wathembela ebubini bakho, wathi: Kakho ongibonayo. Ukuhlakanipha kwakho lolwazi lwakho kwakuduhisa, wathi enhliziyweni yakho: Yimi, kakho omunye ngaphandle kwami.

U-Isaya 5:21

Maye kulabo abazibona behlakaniphile, bezibona beqondile!

AmaNani 25:2

Wona amema abantu ukuya emihlatshelweni yabonkulunkulu bawo, labantu badla, bakhothamela onkulunkulu bawo.

Imisebenzi 15:10

Ngakhoke limlingelani uNkulunkulu ngokubeka ijokwe entanyeni yabafundi okhokho kanye lathi esingabanga lamandla okulithwala na?

Imisebenzi 15:29

zokuthi lizile okuhlatshelwe izithombe, legazi, lokukhanyiweyo, lokufeba; uba lizilondoloza kulezizinto, lobe lenze kuhle. Salani kuhle.

Imisebenzi 21:25

Kodwa mayelana labezizwe abakholwayo sesilobile saquma ukuthi kabazile okuhlatshelwe izithombe, legazi, lokukhanyiweyo, lokufeba.

AbaseRoma 11:25

Ngithanda ukuba lazi limfihlakalo, bazalwane, funa lizitshaye abahlakaniphileyo, ukuthi ingxenye kaIsrayeli yehlelwe yibulukhuni kuze kungene abezizwe ngokupheleleyo

AbaseRoma 12:16

Hlalisanani kuhle, lingazikhukhumezi, kodwa lihlangane labathobileyo, lingazitshayi abahlakaniphileyo.

AbaseRoma 14:10

Wenake, umsolelani umzalwane wakho na? Futhi umdelelelani umzalwane wakho na? Ngoba sonke sizakuma phambi kwesihlalo sokuthonisisa sikaNkulunkulu.

AbaseRoma 14:14

Ngiyazi ngeqiniso eNkosini uJesu ukuthi kakulalutho olungcolileyo ngokwalo; kodwa kulowo othi lungcolile, kuye lungcolile.

AbaseRoma 14:19

Ngakho asidingisise izinto eziletha ukuthula lokwakhisana.

AbaseRoma 14:22

Ukukholwa olakho kakwaziwe nguwe loNkulunkulu. Ubusisiwe lowomuntu ongathandabuzi ngalokho akukhethayo!

AbaseRoma 14:3

Lowo odlayo kangamdeleli ongadliyo; ongadliyo kangamsoli odlayo; ngoba uNkulunkulu umamukele.

AbaseRoma 15:14

Mina ngokwami nganelisiwe ngani, bazalwane, ukuthi lina ligcwele okuhle, ligcwalisiwe yikwazi konke, lilamandla futhi okwelulekana.

1 AbaseKhorinte 1:5

ukuthi ezintweni zonke linothisiwe kuye, ekukhulumeni konke lekwazini konke,

1 AbaseKhorinte 10:15

Ngikhuluma njengakwabahlakaniphileyo; qedisisani engikutshoyo.

1 AbaseKhorinte 10:28

Kodwa uba umuntu esithi kini: Lokhu kuhlatshelwe izithombe; lingakudli ngenxa yalowo okutshiloyo langenxa yesazela;

1 AbaseKhorinte 14:20

Bazalwane, lingabi ngabantwana ngengqondo zenu; kanti ebubini wobani msulwa njengezingane, kodwa ekunakaneni libe ngabakhulileyo.

1 AbaseKhorinte 15:34

Phaphamani ngokufaneleyo, lingoni futhi; ngoba abanye kabamazi uNkulunkulu; ngitsho lokhu ukuba libe lenhloni.

1 AbaseKhorinte 4:10

Thina siyizithutha ngenxa kaKristu, kodwa lina lihlakaniphile kuKristu; thina sibuthathaka, kodwa lina lilamandla; lina liyahlonitshwa, kodwa thina siyadelelwa.

1 AbaseKhorinte 4:18

Abanye bazikhukhumezile kungathi kangisayikuza kini.

1 AbaseKhorinte 4:6

Lokhuke, bazalwane, ngikuqondanise lami loApolosi ngenxa yenu, ukuze lifunde kithi ukuhamba okuvumelana lemibhalo; kakungabi loyedwa phakathi kwenu ozikhukhumezayo ekhetha omunye kulomunye.

1 AbaseKhorinte 5:2

Kodwa lina liyazikhukhumeza kulokuba likhale; lalowo owenze lokho kasuswe phakathi kwenu.

1 AbaseKhorinte 5:6

Kakukuhle ukuzincoma kwenu. Kalazi yini ukuthi imvubelo encinyane ibilisa inhlama yonke na?

1 AbaseKhorinte 8:2

Uba umuntu esithi uyazi ulutho, kakazi njengokuba kufanele ukuba azi;

1 AbaseKhorinte 8:4

Ngakhoke mayelana lokudla okuhlatshelwe izithombe, siyazi ukuthi kasikho isithombe emhlabeni lokuthi kakho omunye unkulunkulu, munye kuphela.

1 AbaseKhorinte 8:7

Kodwake lokhukwazi kakukho kubo bonke. Abanye, lokhu bejwayelene lezithombe kuze kube khathesi, bayakudla ukudla njengokuhlatshelwe izithombe, lesazela sabo esibuthakathaka siyangcola.

Abase-Efesu 4:16

Yena uyinhloko okuhlanganiselwa kuyo umzimba wonke, ubambane ngamalunga wonke awo, ukhule umzimba nxa ileso laleso isitho sisebenza kuhle, uzakhe ngothando.

AbaseKholose 2:18

Kakungabi khona umuntu olamuka umvuzo wenu, ethanda ukuzenza othobileyo lokukhonza izithunywa, ebambelela phezu kwemibono yakhe, ezikhukhumeza ngeze ngemicabango yakhe emibi.

Isambulo 2:14

Kodwa kukhona okuyingcosana engilakho ngawe; ulabo lapho ababambelela ekufundiseni kukaBalami, owafundisa uBalaki ukubeka isikhubekiso phambi kwabakoIsrayeli sokuba badle okuhlatshelwe izithombe lokuba baphinge.

Isambulo 2:20

Kodwa ngilalokhu ngawe ukuthi umvumele owesifazana uJezebeli, ozibiza ngokuthi ungumprofethikazi, ukufundisa aduhise inceku zami ukuba ziphinge, lokuba zidle ukudla okuhlatshelwe izithombe.