1 AbaseKhorinte 6:2 - iBhayibhili Elingcwele 1978

² Kalazi yini ukuthi abangcwele bazakuthonisisa umhlaba na? Uba umhlaba uzakuthonisiswa yini, kalifanele ukuthonisa amacala amancinyane na?

IBhayibhili Elingcwele LesiNdebele

² Kalazi yini ukuthi abantu bakaNkulunkulu bazakwahlulela umhlaba na? Nxa lizakwahlulela umhlaba, kalenelisi ukwahlulela amacala amancane na?

1 AbaseKhorinte 6:2 ပူးပေါင်းရင်းမြစ်များ

AmaHubo 49:14

bamiselwe indawo yabafileyo njengezimvu, ukufa kuzabelusa; abaqotho bazababusa kusasa, imizimba yabo iphelele endaweni yabafileyo ezakuba likhaya labo.

UDanyeli 7:18

Kodwa abangcwele boPhezukonke bazakwamukeliswa umbuso, ube ngowabo kuze kube nininini.

UDanyeli 7:22

kwaze kwafika oyisimakade, wabahlulela abangcwele boPhezukonke; kwafika isikhathi sokuba abangcwele bamukeliswe umbuso.

UZakhariya 14:5

Isihotsha esiphakathi kwezintaba sizavaleka, ngoba isihotsha esitsha phakathi kwezintaba sizafinyelela eceleni kwaso. Lizabaleka njengalokho labalekela ukunyikinyeka komhlaba ensukwini zikaUziya inkosi yakoJuda. INkosi uNkulunkulu wami ibisifika ilabo bonke abangcwele bayo.

UMatewu 19:28

UJesu wathi kubo: Ngiqinisile ngithi kini: Lina elingilandeleyo, elizweni elizayo lapho iNdodana yomuntu isihlezi esihlalweni sobukhosi bayo, lani lizakuhlala ezihlalweni zobukhosi ezilitshumi lambili lithonisise izizwe ezilitshumi lambili zakoIsrayeli.

ULukha 22:30

lami ngilimisele ukuba lidle, linathe etafuleni yami embusweni wami; lokuba lihlale ezihlalweni zobukhosi, lithonisise izizwe ezilitshumi lambili zakoIsrayeli.

AbaseRoma 6:16

Kalazi yini ukuthi lowo elizinikela kuye ukuba libe yizigqili zokumlalela, liyizigqili zakhe elimlalelayo, loba ezesono okusa ekufeni, loba ezokulalela okuletha ukulunga na?

1 AbaseKhorinte 1:20

Singaphi isihlakaniphi? Ungaphi umbhali? Ungaphi umphikisi na? Kayisibo balesisikhathi na? UNkulunkulu kakwenzanga kube yibuthutha ukuhlakanipha komhlaba na?

1 AbaseKhorinte 1:21

Ngoba kuthe ekuhlakanipheni kukaNkulunkulu umhlaba kawumazanga uNkulunkulu ngokuhlakanipha, kwaba kuhle kuNkulunkulu ukusilisa abakholwayo ngobuthutha bentshumayelo.

1 AbaseKhorinte 6:4

Ngakhoke uba lilamacala anje, liwaselani kulabo abadelelwa libandla na?

2 AbaseKhorinte 4:18

ngoba kasikhangeli okubonwayo kodwa sikhangela okungabonwayo. Ngoba okubonwayo kungokwesikhatshana nje, kodwa okungabonwayo kakulakuphela.

1 AbaseThesalonika 3:13

ukuze iqinise inhliziyo zenu, zingabi lakusoleka ebungcweleni phambi kukaNkulunkulu uBaba ekufikeni kweNkosi uJesu kanye labantu bakhe bonke.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.