1 AbaseKhorinte 5:11 - iBhayibhili Elingcwele 1978

¹¹ Kodwa ngalilobela ukuba lingahlangani lomuntu obizwa ngokuthi ungumzalwane, uba eyisiphingi, loba eyisihwaba, loba ekhonza izithombe, loba eyisithuki, loba eyisidakwa, ingabe engumphangi; lingaze ladla laye lakanye.

IBhayibhili Elingcwele LesiNdebele

¹¹ Kodwa khathesi ngililobela ukuba lingahlanganyeli lomuntu ozibiza ngokuthi ngumzalwane, kodwa exhwalile, eyisifebe, isihwaba, umkhonzi wezithombe loba onyeyayo, isidakwa loba iqili. Umuntu onjalo lingalokothi lidle laye.

1 AbaseKhorinte 5:11 ပူးပေါင်းရင်းမြစ်များ

AmaHubo 10:3

Ngoba omubi uyazikhukhumeza ngezifiso zenhliziyo yakhe, loyisihwaba uyayithuka ayeyise iNkosi.

AmaHubo 101:5

Yena ohleba umakhelwana wakhe ensitha ngizakumchitha. Ozigqajayo lozikhukhumezayo kangiyikumvumela.

UHezekhiyeli 22:12

Phakathi kwakho abantu bazuza imivuzo yokuthengwa ngokuchitha igazi; uyazinothisa ngokuthatha inzuzo lomvuzo kubomakhelwana bakho ngobuqili. Usungikhohliwe, kutsho iNkosi uNkulunkulu.

UMatewu 18:17

Alubana esala ukubezwa bona, tshela ibandla; uba esala ukuzwa lalo ibandla, kabe njengowezizwe lomthelisi kuwe.

UMatewu 23:25

Maye kini babhali labaFarisi, bazenzisi! ngoba lihlambulula ingaphandle yenkezo leyomganu, kodwa ingaphakathi igcwele ubuhwaba lokuphanga.

ULukha 18:11

UmFarisi wema wazikhulekela ngokuthi: Nkulunkulu, ngiyakubonga ngoba kanginjengabanye abantu, abaphangi, labangalunganga, lezifebe, lanjengalumthelisi.

ULukha 21:34

Xwayani ukuba inhliziyo zenu zingabi buthundu ngenxa yokuminza lokudakwa lokuphisekela izinto zalokhukusila, lolosuku luhle lulijume njengomjibila lingananzelele,

Imisebenzi 1:15

Ngalezonsuku uPetro wasukuma phakathi kwabazalwane, ixuku labantu ababekhona lalingaba likhulu lamatshumi amabili, wathi:

Imisebenzi 9:17

Ngakho uAnaniya wasuka, wangena endlini, wabeka izandla zakhe phezu kwakhe esithi: Sawuli, mzalwane, iNkosi uJesu ebonakele kuwe endleleni oze ngayo, ungithumile ukuba ubuye ubone, ugcwaliswe ngoMoya oNgcwele.

AbaseRoma 13:13

Asihambe ngokufaneleyo njengasemini, singahambi ngokuminza langokudakwa, langokufeba, langokungabi lanhloni, langokuxabana, langomona.

AbaseRoma 16:17

Ngiyalincenga, bazalwane, ukuba liqaphele ababanga ukuxabana lezikhubekiso bephambene lesifundiso elafundiswa sona. Baxwayeni bona,

1 AbaseKhorinte 10:14

Ngakhoke, bathandiweyo bami, balekelani ukukhonza izithombe.

1 AbaseKhorinte 11:21

ngoba ekudleni kwenu, ilowo lalowo uqalela abanye ukudla okwakhe, omunye ulambile, lomunye udakiwe.

1 AbaseKhorinte 5:13

KunguNkulunkulu othonisisa abangaphandle. Lina lithonisisa abasebandleni. Mxotsheni omubi phakathi kwenu.

1 AbaseKhorinte 6:10

lamasela, lezihwaba, lezidakwa, lezithuki, labaphangi, kabayikulidla ilifa lombuso kaNkulunkulu.

1 AbaseKhorinte 6:6

Kufanele yini ukuba umzalwane amangalele umzalwane, lalokho phambi kwabangakholwayo na?

1 AbaseKhorinte 6:9

Kalazi yini ukuba abangalunganga kabayikulidla ilifa lombuso kaNkulunkulu na? Lingakhohliswa; iziphingi, labakhonza izithombe, lezifebe, labesilisa abalalanayo,

1 AbaseKhorinte 7:12

Kodwa kwabanye kutsho mina, kakutsho iNkosi, ukuthi uba umzalwane elomfazi ongakholwayo, umfazi evuma ukuhlala laye, yenake angamlahli;

1 AbaseKhorinte 7:15

Kodwa uba ongakholwayo ethanda ukwehlukana lomkakhe, kahlukane laye; kokunjalo umzalwane ingabe umzalwanekazi kabotshwanga. Ngoba uNkulunkulu ulibizile ukuba lihlale ngokuthula.

1 AbaseKhorinte 8:11

Obuthakathaka, umzalwane amfelayo uKristu, uzakubhubha ngenxa yokwazi kwakho.

AbaseGalathiya 2:12

Ngoba bengakafiki abathile abavela kuJakobe, wayesidla labezizwe; kodwa kuthe ukuba bafike, wamonyuka, wahlukana labo esesaba abokusoka.

Abase-Efesu 5:18

Lingadakwa liwayini, ngoba kuvela kukho umsindo lenkanuko ezimbi; kodwa ligcwaliswe nguMoya.

Abase-Efesu 5:5

Yazini lokhu, likuqedisise ukuthi oyisifebe, longcolileyo lolomhawu, okutsho lowo okhonza izithombe, kalalifa embusweni kaKristu lokaNkulunkulu.

AbaseKholose 3:5

Ngakhoke bulalani inkanuko zenu zasemhlabeni, ukuphinga lokungcola, inkanuko ezimbi, ukufisa okubi, lomhawu oyikukhonza izithombe.

2 AbaseThesalonika 3:14

Uba ekhona ongalaleli ilizwi lethu kulincwadi, mqapheliseni lowomuntu, lingahlangani laye, ukuze abe lenhloni;

2 AbaseThesalonika 3:6

Siyalilayake, bazalwane, ebizweni leNkosi yethu uJesu Kristu, ukuba lizahlukanise labazalwane bonke abavilaphayo, bengahambi ngomlayo elawamukela kithi.

1 uTimothi 3:3

angabi yisidakwa, angabi ngothanda ukulwa kodwa abe mnene, angabi ngothanda ukuxabana, angabi ngothanda imali.

1 uTimothi 6:5

lokuxabana kwabantu abangqondo zabo zonakele, abalahlekelwe liqiniso, besithi ukukhonza uNkulunkulu kuyindlela yenzuzo.

2 UJohane 1:10

Uba kufika umuntu kini engalethi lokhukufundisa, lingamngenisi endlini, futhi lingambingeleli;

Isambulo 2:14

Kodwa kukhona okuyingcosana engilakho ngawe; ulabo lapho ababambelela ekufundiseni kukaBalami, owafundisa uBalaki ukubeka isikhubekiso phambi kwabakoIsrayeli sokuba badle okuhlatshelwe izithombe lokuba baphinge.

Isambulo 2:20

Kodwa ngilalokhu ngawe ukuthi umvumele owesifazana uJezebeli, ozibiza ngokuthi ungumprofethikazi, ukufundisa aduhise inceku zami ukuba ziphinge, lokuba zidle ukudla okuhlatshelwe izithombe.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.