1 AbaseKhorinte 5:10 - iBhayibhili Elingcwele 1978

¹⁰ kangitsho iziphingi zomhlaba nje, ingabe izihwaba labaphangi, labakhonza izithombe, ngoba phela kungafanela ukuba liphume emhlabeni.

IBhayibhili Elingcwele LesiNdebele

¹⁰ ngingatsho abantu bakulo umhlaba abagangileyo, loba abayizihwaba lamaqili, loba abakhonza izithombe. Nxa kunjalo kuzamele liwutshiye umhlaba lo.

1 AbaseKhorinte 5:10 ပူးပေါင်းရင်းမြစ်များ

ULukha 18:11

UmFarisi wema wazikhulekela ngokuthi: Nkulunkulu, ngiyakubonga ngoba kanginjengabanye abantu, abaphangi, labangalunganga, lezifebe, lanjengalumthelisi.

UJohane 15:19

Uba belingabomhlaba, umhlaba ubuzakuthanda abawo, kodwa ngoba lingesibo abomhlaba kodwa ngalikhetha mina emhlabeni, ngakho umhlaba uyalizonda.

UJohane 17:6

Ngilibonakalisile ibizo lakho ebantwini onginike bona emhlabeni; babengabakho, wanginika bona; baligcinile ilizwi lakho.

UJohane 17:9

Ngiyabakhulekela bona; kangikhulekeli umhlaba kodwa labo onginike bona, ngoba bangabakho.

UJohane 8:23

Wathi kibo: Lina lingabavela phansi, mina ngingovela phezulu; lina lingabomhlaba lo, mina kangisuye owalumhlaba.

1 AbaseKhorinte 1:20

Singaphi isihlakaniphi? Ungaphi umbhali? Ungaphi umphikisi na? Kayisibo balesisikhathi na? UNkulunkulu kakwenzanga kube yibuthutha ukuhlakanipha komhlaba na?

1 AbaseKhorinte 10:27

Uba omunye kwabangakholwayo elimemela ekudleni, lithanda ukuya, kudleni konke okubekwa phambi kwenu, lingabuzi lutho ngenxa yesazela.

1 AbaseKhorinte 5:11

Kodwa ngalilobela ukuba lingahlangani lomuntu obizwa ngokuthi ungumzalwane, uba eyisiphingi, loba eyisihwaba, loba ekhonza izithombe, loba eyisithuki, loba eyisidakwa, ingabe engumphangi; lingaze ladla laye lakanye.

1 AbaseKhorinte 5:9

Ngalilobela encwadini yami ukuba lingahlanganyeli leziphingi;

2 AbaseKhorinte 4:4

Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

Abase-Efesu 2:2

elalikade lihamba kuzo ngendlela yalumhlaba, lilandela umbusi wamandla asemkhathini, ongumoya osasebenzayo lakhathesi phakathi kwabangalaleliyo.

AbaseFiliphi 2:15

ukuze lingasoleki, libe msulwa, abantwana bakaNkulunkulu abangelasici phakathi kwesizukulwana esingaqondanga lesiphambeneyo, elikhanya phakathi kwaso njengezinkanyezi emhlabeni;

1 UJohane 4:5

Bona bangabasemhlabeni; lalokho abakukhulumayo ngokwasemhlabeni, lomhlaba uyabezwa.

1 UJohane 4:7

Bathandekayo, asithandane, ngoba uthando luvela kuNkulunkulu; othandayo uzelwe nguNkulunkulu, futhi uyamazi uNkulunkulu.

1 UJohane 5:19

Siyazi ukuthi thina singabakaNkulunkulu, lokuthi umhlaba wonke usemandleni kaSathane.

Isambulo 12:9

Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.