1 AbaseKhorinte 4:5 - iBhayibhili Elingcwele 1978

⁵ Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

IBhayibhili Elingcwele LesiNdebele

⁵ Ngakho-ke, lingahluleli lutho isikhathi esimisiweyo singakafiki; manini iNkosi ize ifike. Yona izakubeka ekukhanyeni okufihlwe emnyameni, njalo izaziveza obala injongo zezinhliziyo zabantu. Ngalesosikhathi omunye lomunye uzakwamukela ukubongwa kwakhe kuNkulunkulu.

1 AbaseKhorinte 4:5 ပူးပေါင်းရင်းမြစ်များ

UJobe 12:22

Uyambula imfihlakalo esemnyameni, alethe ukukhanya emnyameni omkhulu;

Izaga 12:8

Umuntu uyadunyiswa ngokuhlakanipha kwakhe, kodwa olenhliziyo embi uyadelelwa.

UmTshumayeli 11:9

Thokoza, jaha, ebutsheni bakho, ikuthokozise lenhliziyo yakho ensukwini zobutsha bakho, ulandele indlela ezithandwa yinhliziyo yakho lezinto ezithandwa ngamehlo akho. Kodwa yazi ukuthi ngazo zonke lezizinto uNkulunkulu uzakukuthonisisa.

UmTshumayeli 12:14

Ngoba uNkulunkulu uzakwahlulela konke esikwenzayo layo yonke imfihlo, okuhle lokubi.

UJeremiya 16:17

Ngoba ngiyazibona zonke indlela zabo; kazifihlakalanga kimi, lobubi babo kabucatshanga emehlweni ami.

UJeremiya 23:25

Ngizwile ukuba batheni abaprofethi abatshumayela amanga ebizweni lami besithi: Ngiphuphile, ngiphuphile!

UHosiya 8:13

Lanxa benikela inyama yemihlatshelo, babuye bayidle, mina Nkosi kangiyikuyamukela. Ngizakukhumbula ububi babo, ngibatshaye ngenxa yezono zabo, babuyele eGibithe.

UMalaki 3:18

Beselibuya lisahlukanisa phakathi kwabalungileyo lababi, laphakathi komuntu omkhonzayo uNkulunkulu longamkhonziyo.

UMatewu 10:26

Ngakhoke lingabesabi; ngoba kakukho okufihliweyo okungayikubonakaliswa, lokuthukuziweyo okungayikwaziwa.

UMatewu 24:30

Kung’khonake kuzakubonakala ezulwini isibonakaliso seNdodana yomuntu, zikhale zonke izizwe zomhlaba, zibone iNdodana yomuntu isiza emayezini ezulu, ilamandla lenkazimulo enkulu.

UMatewu 24:46

Ibusisiwe leyonceku okuzakuthi inkosi yayo nxa ifika iyifumane isenza njalo.

UMatewu 25:21

Inkosi yayo yathi kiyo: Kuhle, nceku elungileyo lethembekileyo; uthembekile ezintweni eziyingcosana; ngizakukubeka phezu kwezinengi; ngena ekuthokozeni kwenkosi yakho.

UMatewu 25:23

Inkosi yayo yathi kiyo: Kuhle, nceku elungileyo lethembekileyo; uthembekile ezintweni eziyingcosana; ngizakukubeka phezu kwezinengi; ngena ekuthokozeni kwenkosi yakho.

ULukha 6:37

Lingahluleli ukuze lingahlulelwa, lingalahli ukuze lingalahlwa; thethelelani, lani lizakuthethelelwa.

UJohane 21:22

UJesu wathi kuye: Uba ngithanda ukuba ahlale ngize ngifike, kulani lokho lawe na? Ngilandela wena.

UJohane 21:23

Ngakhoke lelilizwi laphumela kubazalwane ukuthi lowomfundi kayikufa. Kanti uJesu katshongo ukuthi kayikufa, kodwa wathi: Uba ngithanda ukuba ahlale ngize ngifike, kulani lokho lawe na?

UJohane 5:44

Lingakholwa kanjani nxa lisadumisana lodwa, lingalufuni udumo oluvela kuNkulunkulu oyedwa na?

AbaseRoma 14:4

Ungubani wena osola inceku yomunye na? Ngoba ukuma ingabe ukuwa kwayo kuyindaba yeNkosi yayo; izakuma isibili, ngoba iNkosi ilamandla okuyimisa.

AbaseRoma 2:1

Ngakhoke, wena muntu, kawulakuzilandulela, loba ungubani, lapho uthonisisa; ngoba ngalokho othonisisa ngakho omunye uyazilahla wena, ngoba wena othonisisayo uyakwenza khona lokho lawe.

AbaseRoma 2:16

ngosuku uNkulunkulu azakuthonisisa ngalo imfihlakalo zenhliziyo zabantu ngoKristu Jesu; litsho njalo ivangeli lami.

AbaseRoma 2:29

Kodwa umJuda oqotho ngulowo onguye ngaphakathi, lokusoka okuqotho kungokwenhliziyo, kungokomoya kungesikho okungokokulotshiweyo; ukuvezwa kwakhe kuvela kuNkulunkulu kungaveli ebantwini.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

1 AbaseKhorinte 1:7

Ngakho kalisileli lasinye isiphiwo somusa, lisalindele ukwambulwa kweNkosi yethu uJesu Kristu,

1 AbaseKhorinte 11:16

Kodwa uba umuntu ethanda ukuphika inkani, kasilawo umkhuba onjalo thina, lamabandla kaNkulunkulu kawalawo.

1 AbaseKhorinte 11:26

Ngoba nxa lisidla lesisinkwa, liyinatha linkezo, litshumayela ukufa kweNkosi ize ifike.

1 AbaseKhorinte 15:23

Kodwa yilowo lalowo ngesigaba sakhe, uKristu kuqala, besekusiba ngabakaKristu ekufikeni kwakhe,

1 AbaseKhorinte 3:13

umsebenzi walowo lalowomuntu uzakuvela obala; usuku lokuthonisisa luzakuwudalula, ngoba luzavela lomlilo; umlilo uzakuhlola umsebenzi walowo lalowomuntu ukuba unjani.

1 AbaseKhorinte 3:14

Uba umsebenzi womuntu awakhileyo usima, uzakwamukeliswa umvuzo.

1 AbaseKhorinte 3:8

Ohlanyelayo lothelelayo bayalingana, kodwa ilowo lalowo uzakwamukeliswa umvuzo wakhe ngokusebenza kwakhe.

2 AbaseKhorinte 10:18

Ngoba kasuye ozincomayo ovunywayo, kodwa yilowo onconywa yiNkosi.

2 AbaseKhorinte 10:9

Kangithandi ukuba kube njengokungathi ngiyalethusa ngencwadi zami.

2 AbaseKhorinte 4:2

Sizilahlile izindlela zonke ezifihliweyo leziletha ihlazo; kasihambi ngobuqili, kasiliphambanisi ilizwi likaNkulunkulu, kodwa ngokukhuluma obala iqiniso senza abantu bonke basibuke ngezazela zabo phambi kukaNkulunkulu.

2 AbaseKhorinte 5:10

Thina sonke simele ukuma phambi kwesihlalo sokuthonisisa sikaKristu, ukuze ilowo lalowo amukele njengalokhu akwenzileyo esemzimbeni, okuhle ingabe okubi.

1 AbaseThesalonika 5:2

ngoba lina uqobo liyazi kuhle ukuthi usuku lweNkosi luzakufika njengesela ebusuku.

AmaHebheru 4:13

Futhi kakulalutho oludaliweyo olungabonakaliyo phambi kwakhe, kodwa konke kwambuliwe kusobala emehlweni akhe esizakuzilanda kuye.

UJakhobe 4:11

Lingahlebani, bazalwane. Lowo ohleba umzalwane, loba emahlulela umzalwane wakhe, uhleba umlayo, ahlulele umlayo. Kodwa uba usahlulela umlayo, kawusenguye owenza umlayo, kodwa usungumthonisisi wawo.

UJakhobe 5:7

Bazalwane, bekezelani ize ifike iNkosi. Khangelani, umlimi uyalindela isithelo somhlabathi esiligugu, asibekezelele, size sizuze izulu elokuqala lelokucina.

UJakhobe 5:9

Lingasolani, bazalwane, ukuze lingathonisiswa; ngoba, khangelani, uMthonisisi useseduze.

1 UPhethro 1:7

ukuze ubuqotho bokukholwa kwenu, okuligugu okwedlula igolide eligugayo loba lihlolwe ngomlilo, bulethe ukubonga lobukhosi lodumo ekwambulweni kukaJesu Kristu.

1 UPhethro 5:4

Kuzakuthi, lapho esabonakaliswa uMalusi omkhulu, lamukeliswe umqhele wobukhosi ongabuniyo.

2 UPhethro 3:12

lisalindele lilangatha ukufika kosuku lukaNkulunkulu, usuku oluzakuncibilikisa izulu ngomlilo, konke kutshiswe kuncibilike.

2 UPhethro 3:4

besithi: Singaphi isithembiso sokufika kwakhe na? Ngoba sekulokho obaba bafa, konke kumi kunjalo njengasekuqaleni kokudalwa.

UJuda 1:14

UEnoki ongowesizukulwana sesikhombisa kusukela kuAdamu waprofetha ngabo, wathi: Khangelani, iNkosi yafika kanye labangcwele bayo abayizigidi

Isambulo 1:7

Khangelani, uyeza lamayezi; amehlo wonke azakumbona, labo bonke abamgwazayo; lezizwe zonke zomhlaba zizakulila ngenxa yakhe. Yebo, kuzakuba njalo. Ameni.

Isambulo 20:12

Ngabona abafileyo, abakhulu labancinyane, bemi phambi kwesihlalo sobukhosi; lezincwadi zavulwa. Kwavulwa lenye incwadi eyincwadi yokuphila. Abafileyo bahlulelwa ngalokhu okwakulotshiwe ezincwadini langalokho ababekwenzile.