1 AbaseKhorinte 4:4 - iBhayibhili Elingcwele 1978

⁴ Ngoba kangilazi icala engilalo, kodwa kangilungiswa ngalokho; kuyiNkosi engithonisisayo.

IBhayibhili Elingcwele LesiNdebele

⁴ Isazela sami simsulwa, kodwa lokho kakungenzi ngingabi lacala. INkosi yiyo engahlulelayo.

1 AbaseKhorinte 4:4 ပူးပေါင်းရင်းမြစ်များ

UJobe 15:14

Umuntu uyini ukuba abe ngohlambulukileyo na? Lozelwe ngowesifazana ukuba abe ngolungileyo na?

UJobe 25:4

Phoke umuntu angalunga njani kuNkulunkulu? Ozelwe ngowesifazana angahlambuluka njani na?

UJobe 27:6

Ngiyabambelela ekulungeni kwami ngingakuyekeli; inhliziyo yami kayingisoli langolulodwa lwensuku zami.

UJobe 40:4

Khangela, kangisilutho lwalutho, ngingakuphendula ngithini na? Ngibamba umlomo wami ngesandla sami.

UJobe 9:20

Loba ngingelacala, umlomo wami uzangilahla; uba ngiqondile, uzakuthi ngonakele.

AmaHubo 130:3

Uba wena, Nkosi, ubala iziphambeko, ngubani ongema na?

AmaHubo 143:2

Ungayahluleli inceku yakho, ngoba phambi kwakho kakho loyedwa olungileyo.

AmaHubo 19:12

Kodwa ngubani owazi iziphosiso zakhe na? Ngithethelela, Nkosi, kwezisithekileyo.

AmaHubo 26:12

Unyawo lwami lumi endaweni enhle; ngizakuyidumisa iNkosi ngisebandleni elikhulu.

AmaHubo 50:6

Amazulu ayatshumayela ukulunga kwakhe, ngoba uNkulunkulu ngokwakhe ungumahluleli.

Izaga 21:2

Zonke indlela zomuntu zilungile kuye, kodwa iNkosi ihlola inhliziyo.

Izaga 29:26

Abanengi bafuna ukuthandwa ngumbusi, kodwa okufaneleyo kuvela eNkosini kuphela.

UJohane 21:17

Wathi kuye ngokwesithathu: Simoni, ndodana kaJohane, uyangithanda na? UPetro wadabuka ngoba wathi kuye ngokwesithathu: Uyangithanda na? Ngakho wathi kuye: Nkosi, uyakwazi konke, uyakwazi ukuthi ngiyakuthanda. UJesu wathi: Phana izimvu zami ukudla.

Imisebenzi 23:1

UPawuli wasewujolozela umphakathi, wathi: Bazalwane, ngihambile phambi kukaNkulunkulu ngilesazela sonke esihle kuze kube lamuhla.

AbaseRoma 2:13

Ngoba kakusibo abezwayo umlayo abangabalungileyo phambi kukaNkulunkulu, kodwa abenzayo umlayo yibo abazakulungisiswa.

AbaseRoma 4:2

Ngoba uba uAbrahama walungisiswa ngemisebenzi, ulakho angazincoma ngakho; kodwa kalakho phambi kukaNkulunkulu.

1 AbaseKhorinte 4:3

Kodwa kimi kuyinto encinyane ukuba ngithonisiswe yini loba ngithonisiswe ngabantu; lami kangizithonisisi.

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

2 AbaseKhorinte 1:12

Ukuzincoma kwethu yilokhu, okuyibufakazi besazela sethu, ukuthi sahamba emhlabeni ikakhulu maqondana lani ngobungcwele langobuqotho, kungesikho ngokuhlakanipha komhlaba kodwa ngomusa kaNkulunkulu.

2 AbaseKhorinte 5:10

Thina sonke simele ukuma phambi kwesihlalo sokuthonisisa sikaKristu, ukuze ilowo lalowo amukele njengalokhu akwenzileyo esemzimbeni, okuhle ingabe okubi.