1 AbaseKhorinte 4:17 - iBhayibhili Elingcwele 1978

¹⁷ Ngalokhoke ngithumele kini uTimothi ongumntanami othandekayo lothembekileyo eNkosini, ukuba alikhumbuze ngokuhamba kwami kuKristu, njengokuba ngifundisa ezindaweni zonke emabandleni wonke.

IBhayibhili Elingcwele LesiNdebele

¹⁷ Ngenxa yalesisizatho, ngilithumela uThimothi, indodana yami ethandekayo, ethembekileyo eNkosini. Uzalikhumbuza indlela yokuphila kwami kuJesu Khristu, evumelana lalokho engikufundisayo ezindaweni zonke, emabandleni wonke.

1 AbaseKhorinte 4:17 ပူးပေါင်းရင်းမြစ်များ

Izaga 13:17

Isithunywa esibi silethela abantu ingozi, kodwa isigijimi esithembekileyo sibalethela ukusila.

AmaNani 12:7

Kodwa inceku yami uMose kayisuye umprofethi onjalo; nguye yedwa othembekileyo kubo bonke abendlu yami.

UMatewu 24:45

Pho, ngubani umphathi wezinceku othembekileyo lohlakaniphileyo, inkosi yakhe embeke phezu kwabendlu yayo ukuba abanike ukudla ngesikhathi esifaneleyo na?

UMatewu 25:21

Inkosi yayo yathi kiyo: Kuhle, nceku elungileyo lethembekileyo; uthembekile ezintweni eziyingcosana; ngizakukubeka phezu kwezinengi; ngena ekuthokozeni kwenkosi yakho.

UMatewu 25:23

Inkosi yayo yathi kiyo: Kuhle, nceku elungileyo lethembekileyo; uthembekile ezintweni eziyingcosana; ngizakukubeka phezu kwezinengi; ngena ekuthokozeni kwenkosi yakho.

Imisebenzi 16:1

Waya wafika eDerbe laseListra. Kwakukhona lapho umfundi othiwa nguTimothi, indodana yowesifazana ongumJuda okholwayo, kodwa uyise wayengumGriki;

1 AbaseKhorinte 11:16

Kodwa uba umuntu ethanda ukuphika inkani, kasilawo umkhuba onjalo thina, lamabandla kaNkulunkulu kawalawo.

1 AbaseKhorinte 11:2

Ngiyalibonga ngoba lingikhumbula ezintweni zonke, libambelele ezifundisweni engalinika zona.

1 AbaseKhorinte 11:34

Uba omunye elambile kabokudla ekhaya ukuze lingabuthaneli ukulahlwa. Okuseleyoke ngizakukulungisa mhla ngifikayo.

1 AbaseKhorinte 14:33

ngoba uNkulunkulu kasuye uNkulunkulu wesiphithiphithi kodwa ungowokuthula. Njengoba kunjalo emabandleni wonke abangcwele,

1 AbaseKhorinte 16:1

Mayelana lomnikelo obuthelwa abangcwele, njengoba ngalaya amabandla aseGalathiya, yenzani njaloke lani.

1 AbaseKhorinte 16:10

Nxa uTimothi efika, kalibobona ukuthi uhlala lani engesabi lutho, ngoba usebenza umsebenzi weNkosi njengami.

1 AbaseKhorinte 4:14

Kangililobeli lokhu ukuba ngilithele inhloni, kodwa ukuba ngileluleke njengabantwana bami abathandekayo.

1 AbaseKhorinte 4:15

Ngoba lanxa lilabafundisi abayizigidi ezinengi kuKristu, liloyihlo munye kuphela; ngoba mina ngalizala kuKristu Jesu ngevangeli.

1 AbaseKhorinte 4:2

Futhike kufuneka ukuba abaphathi babe ngabathembekileyo.

1 AbaseKhorinte 7:17

Kuphela nje kakube yilowo lalowo ahlale njengokuba iNkosi imabele, lanjengokuba uNkulunkulu embizile. Lokhu kungumlayo wami emabandleni wonke.

1 AbaseKhorinte 7:25

Mayelana labangendanga kangilawo umlayo weNkosi, kodwa ngiyeluleka ngokubona kwami njengothembekileyo ngokuhawukelwa yiNkosi.

2 AbaseKhorinte 8:18

Sithumela kanye laye umzalwane olodumo ngokutshumayela ivangeli emabandleni wonke,

Abase-Efesu 6:21

Kodwa, ukuze lani lazi okumaqondana lami lalokho engikwenzayo, uzakulitshela konke uTikiko, umzalwane othandekayo lesikhonzi esithembekileyo eNkosini.

AbaseFiliphi 2:19

Ngiyathemba eNkosini uJesu ukuthuma uTimothi kini masinyane, ukuze lami ngithokoziswe yikuzwa indaba zenu.

AbaseFiliphi 2:22

Kodwa liyakwazi ukuthembeka kukaTimothi ukuthi usebenzile kanye lami ngenxa yevangeli njengomntwana kuyise.

AbaseKholose 1:7

Lokhu lakufundiswa nguEpafra othandekayo oyinceku kanye lathi, oyisikhonzi esithembekileyo sikaKristu ngenxa yethu;

AbaseKholose 4:9

Ngithume uOnesimo kanye laye, umzalwane othembekileyo lothandekayo, ongomunye wakini. Bazakulazisa ngakho konke okulapha.

1 uTimothi 1:18

Lumlayo ngiwunika wena mntanami Timothi, njengamazwi abaprofethi abangitshengisa ngawe ngaphambili ukuze ngokukhuthazwa yiwo ulwe ukulwa okuhle,

1 uTimothi 1:2

ngithi kuTimothi umntanami weqiniso ekukholweni: Kakube kuwe umusa lesihawu lokuthula okuvela kuNkulunkulu uBaba lakuKristu Jesu iNkosi yethu.

2 uTimothi 1:2

ngithi kuTimothi, umntanami othandekayo: Kakube kuwe umusa lesihawu lokuthula okuvela kuNkulunkulu uBaba lakuKristu Jesu iNkosi yethu.

2 uTimothi 2:2

Lokho okuzwileyo kimi phambi kwabofakazi abanengi kunikele amadoda athembekileyo azakuba lamandla okukufundisa labanye.

2 uTimothi 3:10

Kodwa wena ulandele ukufundisa kwami, lokuziphatha kwami, lokuhamba kwami, lokukholwa kwami, lokubekezela kwami, lothando lwami, lokuqinisela kwami,

UThithu 1:5

Ngakutshiya eKrete ukuba ulungise lokho okwasilela ukulungiswa, ubeke abadala bebandla emizini yonke, njengoba ngakulaya,

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.