1 AbaseKhorinte 4:14 - iBhayibhili Elingcwele 1978

¹⁴ Kangililobeli lokhu ukuba ngilithele inhloni, kodwa ukuba ngileluleke njengabantwana bami abathandekayo.

IBhayibhili Elingcwele LesiNdebele

¹⁴ Kangilobi lokhu ukuba ngiliyangise kodwa ukulixwayisa njengabantwabami abathandekayo.

1 AbaseKhorinte 4:14 ပူးပေါင်းရင်းမြစ်များ

UHezekhiyeli 3:21

Kodwa lapho umxwayisa olungileyo ukuba angoni, angaze ona, uzaphila, ngoba ezwile ukuxwayisa kwakho; wena uzakuphepha.

Imisebenzi 20:31

Ngakho lindani, likhumbule ukuthi okweminyaka emithathu ebusuku lemini kangiyekelanga ukuleluleka lonke ngenyembezi.

1 AbaseKhorinte 15:34

Phaphamani ngokufaneleyo, lingoni futhi; ngoba abanye kabamazi uNkulunkulu; ngitsho lokhu ukuba libe lenhloni.

1 AbaseKhorinte 4:15

Ngoba lanxa lilabafundisi abayizigidi ezinengi kuKristu, liloyihlo munye kuphela; ngoba mina ngalizala kuKristu Jesu ngevangeli.

1 AbaseKhorinte 4:17

Ngalokhoke ngithumele kini uTimothi ongumntanami othandekayo lothembekileyo eNkosini, ukuba alikhumbuze ngokuhamba kwami kuKristu, njengokuba ngifundisa ezindaweni zonke emabandleni wonke.

1 AbaseKhorinte 6:5

Ngitsho lokhu ukuba libe lenhloni. Kunjalo yini ukuthi kakukho loyedwa phakathi kwenu ohlakaniphileyo ongaquma amacala abazalwane?

1 AbaseKhorinte 9:15

Kodwa mina kangiwasebenzisanga lawomalungelo; futhi kangilobi ukuba kwenziwe ngokunjalo kimi; ngoba kungaba ngcono kimi ukuba ngife kulokuba umuntu akwenze ize lokhu engizincoma ngakho.

2 AbaseKhorinte 11:11

Kungani na? Kungoba ngingalithandi na? UNkulunkulu uyazi ukuthi ngiyalithanda.

2 AbaseKhorinte 12:19

Belikade licabanga ukuthi siyaziphendulela kini na? Atshi, thina besikhuluma phambi kukaNkulunkulu sikuKristu; konke kwenzelwa ukwakhiwa kwenu, bathandwayo.

2 AbaseKhorinte 7:3

Kangitsho lokhu ngokulilahla; ngoba ngatsho ngaphambili ukuthi lisenhliziyweni zethu; loba sisifa loba siphila, sikanye.

AbaseKholose 1:28

Nguye esimtshumayelayo, seluleka wonke umuntu, sifundisa bonke abantu ngokuhlakanipha konke, ukuze sibalethe bonke kuKristu bephelele.

1 AbaseThesalonika 2:11

njengokuba lisazi ukuthi saliphatha ngamunye njengoyise ephatha abantwana bakhe;

1 AbaseThesalonika 5:14

Siyalilaya, bazalwane, ukuba leluleke abavilaphayo, liqinise abadanileyo, lisize ababuthakathaka, libabekezelele bonke.

2 AbaseThesalonika 3:14

Uba ekhona ongalaleli ilizwi lethu kulincwadi, mqapheliseni lowomuntu, lingahlangani laye, ukuze abe lenhloni;

UFilimoni 1:10

Ngiyakuncenga ngomntanami engimzeleyo ekubotshweni kwami, uOnesimo;

1 UJohane 2:1

Bantwana bami, ngililobela lokhu ukuba lingoni; kodwa uba umuntu esona, siloMmeli kuBaba, uJesu Kristu olungileyo.

3 UJohane 1:4

Kakukho okungangithokozisa ukwedlula lokho ukuthi ngizwe ukuba abantwana bami bahamba eqinisweni.