1 AbaseKhorinte 4:10 - iBhayibhili Elingcwele 1978

¹⁰ Thina siyizithutha ngenxa kaKristu, kodwa lina lihlakaniphile kuKristu; thina sibuthathaka, kodwa lina lilamandla; lina liyahlonitshwa, kodwa thina siyadelelwa.

IBhayibhili Elingcwele LesiNdebele

¹⁰ Thina siyizithutha ngenxa kaKhristu, kodwa lina lihlakaniphe kangaka kuKhristu! Thina sibuthakathaka lina lilamandla! Liyahlonitshwa, thina siyadelelwa.

1 AbaseKhorinte 4:10 ပူးပေါင်းရင်းမြစ်များ

2 AmaKhosi 9:11

Kwathi uJehu esebuyele encekwini zenkosi yakhe, zathi kuye: Kulungile na? Beluze ukufanani loluhlanya kuwe na? Wathi kuzo: Liyamazi yena kanye lakukhulumileyo.

Izaga 11:12

Odelela umakhelwana wakhe kalangqondo, kodwa oqedisisayo uyazithulela.

U-Isaya 53:3

Yadelelwa, yaliwa ngabantu, yaba ngumuntu wezinhlupheko, ijwayele usizi; yaba njengomuntu owenza abantu ukuba bangamkhangeli, yeyiswa, kasiyinanzanga.

UHosiya 9:7

Insuku zokutshaywa sezifikile, lensuku zokuphindisela sezifikile. UIsrayeli uzakukwazi lokhu. Umprofethi uzakuba njengesithutha, lomuntu olomoya abe njengohlanyayo ngenxa yobubi benu obukhulu lenzondo yenu enkulu.

UMatewu 24:9

Laphoke bazakulinikela ekuhluphekeni, balibulale; lizakuzondwa yizizwe zonke ngenxa yebizo lami.

UMatewu 5:11

Lina libusisiwe, nxa abantu belithuka ngenxa yami, belizingela, bekhuluma okubi konke ngani, beqamba amanga.

ULukha 10:16

Olizwayo lina uyangizwa mina; olalayo lina uyangala mina; ongalayo mina uyamala ongithumileyo.

ULukha 18:9

Wasekhuluma lumfanekiso kwabathile ababezithemba ukuthi balungile, bedelela abanye, wathi:

ULukha 6:22

Libusisiwe, nxa abantu belizonda lanxa belixotshela ngaphandle, belithuka, belidela ibizo lenu ngokungathi libi ngenxa yeNdodana yomuntu.

Imisebenzi 17:18

Abathile kuzo izazi zamaEpikuri lamaStoyiki baphikisana laye; abanye bathi: Umzenzisazi lo angathini na? Labanye bathi: Kungathi ungotshumayela onkulunkulu bezizweni; ngoba watshumayela ngoJesu langokuvuka kwabafileyo.

Imisebenzi 17:32

Kwathi besizwa ngokuvuka kwabafileyo, abanye bahlekisana ngaye, kodwa abanye bathi: Sizaphinda sikuzwe ngalindaba.

Imisebenzi 26:24

Kwathi esaziphendulela ngokunjalo, uFestusi wathi ngelizwi elikhulu: Pawuli, uyahlanya, ukufunda okunengi kuyakuhlanyisa.

Imisebenzi 9:16

ngoba mina ngizakumtshengisa konke amele ukuhlutshwa ngakho ngenxa yebizo lami.

1 AbaseKhorinte 1:21

Ngoba kuthe ekuhlakanipheni kukaNkulunkulu umhlaba kawumazanga uNkulunkulu ngokuhlakanipha, kwaba kuhle kuNkulunkulu ukusilisa abakholwayo ngobuthutha bentshumayelo.

1 AbaseKhorinte 1:23

kodwa thina sitshumayela uKristu obethelweyo, okuyisikhubekiso kubaJuda, lobuthutha kwabezizwe,

1 AbaseKhorinte 1:25

Ngoba ubuthutha bukaNkulunkulu buhlakaniphile kulokuhlakanipha kwabantu; lobuthakathaka bukaNkulunkulu bulamandla ukwedlula amandla abantu.

1 AbaseKhorinte 10:12

Ngakhoke lowo osuka athi umi, kaqaphele ukuba angawi.

1 AbaseKhorinte 2:14

Umuntu wemvelo kazamukeli izinto zikaMoya kaNkulunkulu, ngoba ziyibuthutha kuye; kalawo amandla okuziqedisisa, ngoba ziqedisiswa ngokuboniswa nguMoya.

1 AbaseKhorinte 2:3

Impela ngangikhona kini ngisebuthakathakeni, lasekwesabeni, lasekuthuthumeleni;

1 AbaseKhorinte 3:18

Kakungabi khona ozikhohlisayo; uba umuntu phakathi kwenu ecabanga ukuthi uhlakaniphile ezintweni zalesisikhathi kabe yisithutha, ukuze ahlakaniphe.

1 AbaseKhorinte 3:2

Ngalondla ngochago, kangilondlanga ngokudla okuqinileyo, ngoba belingakaqini. Lakhathesi kalikaqini,

1 AbaseKhorinte 4:8

Hiya belo! Selisuthi, selinothile, selibusile ngaphandle kwethu; yeboke, kungathi ngabe liyabusa, ukuze lathi sibuse kanye lani!

2 AbaseKhorinte 10:10

Ngoba kuthiwa: Incwadi zakhe zinzima, zibukhali; kodwa nxa ekhona ngomzimba, ubuthakathaka, lokukhuluma kwakhe kudelelekile.

2 AbaseKhorinte 11:19

Ngoba lithanda ukuzibekezelela izithutha, lina lingabahlakaniphileyo!

2 AbaseKhorinte 11:29

Ngubani obuthakathaka ngingabi buthakathaka lami na? Ngubani okhubekiswayo ngingavuthi ngokuthukuthela na?

2 AbaseKhorinte 13:9

Siyajabula nxa sibuthakathaka thina, linake lilamandla. Esikukhulekelayo yikupheleliswa kwenu.

2 AbaseKhorinte 4:12

Ngakho ukufa kuyasebenza kithi, kodwa kini kusebenza ukuphila.

2 AbaseKhorinte 6:8

ngodumo langehlazo, ngokuthukwa langokudunyiswa. Siyaphathwa njengabakhohlisi, kanti singabeqiniso;

1 AbaseThesalonika 4:8

Ngakhoke lowo odelela lokhu kadeleli muntu, kodwa udelela uNkulunkulu olinika uMoya wakhe oNgcwele.

1 UPhethro 4:14

Uba lithukwa ngenxa yebizo likaKristu, libusisiwe, ngoba uMoya wenkazimulo onguMoya kaNkulunkulu uhlezi phezu kwenu.