1 AbaseKhorinte 3:6 - iBhayibhili Elingcwele 1978

⁶ Mina ngahlanyela, uApolosi wathelela, kodwa kunguNkulunkulu owakhulisayo.

IBhayibhili Elingcwele LesiNdebele

⁶ Mina ngahlanyela inhlanyelo, u-Apholo wayithelela, kodwa nguNkulunkulu owayikhulisayo.

1 AbaseKhorinte 3:6 ပူးပေါင်းရင်းမြစ်များ

AmaHubo 127:1

Uba iNkosi ingayakhi indlu, basebenzela ize abayakhayo. Uba iNkosi ingawulondolozi umuzi, kuyize ukulinda komlindi.

AmaHubo 62:11

UNkulunkulu ukhulumile kwaba kanye, ngizwile kabili lokhu ukuthi amandla angakaNkulunkulu,

AmaHubo 62:9

Abantukazana bangumoya nje, lezikhulu ziyinkohliso; lapho belinganiswa bafunyaniswa belula; loba bebonke balula kulomoya.

Izaga 11:25

Ophanayo uzakunotha, losizayo uzasizwa.

U-Isaya 61:11

Ngoba njengomhlaba uveza ihlumela lawo, lanjengensimu ikhulisa okuhlanyelweyo kiyo, ngokunjaloke iNkosi uNkulunkulu izaveza ukulunga lodumo phambi kwezizwe zonke.

Imisebenzi 11:18

Bathi sebekuzwile lokhu, bathula, bamdumisa uNkulunkulu besithi: Kanti uNkulunkulu unikile abezizwe labo ukuphendukela ekuphileni.

Imisebenzi 14:27

Kwathi sebefikile, balihlanganisa ibandla, balandisa konke uNkulunkulu abekwenzile ngabo lokuthi uvulele abezizwe umnyango wokukholwa.

Imisebenzi 16:14

Owesifazana othile othiwa nguLidiya, ongumthengisi wamalembu ayibubende, owemzini othiwa yiTiyathira, okhonza uNkulunkulu, wasizwa, iNkosi yavula inhliziyo yakhe ukuba alalele okwakhulunywa nguPawuli.

Imisebenzi 18:24

UmJuda othile othiwa nguApolo, owaseAleksandriya ngokuzalwa, wafika eEfesu, wayeyindoda efundileyo leyaziyo imibhalo.

Imisebenzi 19:1

Kwathi uApolo eseKorinte, uPawuli wafika eEfesu esedabule ilizwe elingasenhla, wafumana abafundi abathile khona,

Imisebenzi 21:19

Esebabingelele, wabalandisela ngakunye ngazo zonke izinto uNkulunkulu abezenzile phakathi kwabezizwe ngomsebenzi wakhe.

AbaseRoma 15:18

Kangilasibindi sokukhuluma ngolutho, kuphela ngezinto uKristu azisebenza ngami ukuze kube khona ukulalela kwabezizwe ngelizwi langesenzo,

1 AbaseKhorinte 1:12

Ngitsho lokhu kokuthi ilowo lalowo wenu uthi: Mina ngingokaPawuli; mina ngingokaApolosi; mina ngingokaKefasi; mina ngingokaKristu.

1 AbaseKhorinte 1:30

NgoNkulunkulu lina likuKristu Jesu, ngoba uNkulunkulu wamenzela thina ukuhlakanipha lokulunga lokwahlukaniselwa lokukhululwa.

1 AbaseKhorinte 3:22

loba kunguPawuli, loba kunguApolosi, loba kunguKefasi, loba kungumhlaba, loba kuyikusila, loba kuyikufa, loba kuyizinto ezikhona, loba kuyizinto ezingakabi khona; konke kungokwenu;

1 AbaseKhorinte 3:7

Ngakhoke ohlanyelayo kasilutho, lothelelayo kasilutho, kodwa kuphela uNkulunkulu okhulisayo.

1 AbaseKhorinte 9:1

Kangikhululekanga na? Kangisuye umphostoli na? Kangimbonanga uJesu iNkosi yethu na? Lina kalisiwo umsebenzi wami eNkosini na?

Abase-Efesu 3:17

uKristu ahlale enhliziyweni zenu ngokukholwa. Lokhu selilempande, lesisekelo othandweni,

1 AbaseThesalonika 1:5

lokuthi ivangeli lethu kalifikanga kini ngelizwi kuphela, kodwa lafika futhi ngamandla, langoMoya oNgcwele, langokuthemba okukhulu; ngoba liyazi ukuthi sasingabantu abanjani phakathi kwenu ngenxa yenu.